Matyu 5:11 - Krio Fɔs Oli Baybul

¹¹ “Una gɛt blɛsin wɛn pipul kɔs una, wɛn dɛn mek una sɔfa ɛn tɔk bad tin bɔt una we nɔto tru, fɔ mi sek.

Matyu 5:11 Referans Kwoze

Pita In Fɔs Lɛta 4:14

Una gɛt blɛsin wɛn pipul tɛl una tin we go at una bikɔs una biliv pan Krays, dat sho se Gɔd in Spirit, we gɛt pawa, de insay una.

Lyuk 21:17

Pipul nɔ go lɛk una bikɔs una biliv pan mi.

Mak 13:13

Pipul nɔ go lɛk una bikɔs una biliv pan mi, bɔt ɛnibɔdi we bia sote i day, go sev.

Matyu 24:9

“Da tɛm de, dɛn go ol sɔm pan una, ɛn gi una to pipul we go mek una sɔfa, dɔn dɛn go kil una. Pipul nɔ go lɛk una bikɔs una biliv pan mi.

Lyuk 6:22

“Una gɛt blɛsin wɛn mɔtalman nɔ lɛk una ɛn dɛn nɔ want gɛt ɛnitin fɔ du wit una, ɛn wɛn dɛn de kɔs una ɛn tɔk bad bɔt una, bikɔs una biliv Mɔtalman Pikin ɛn una de fala am!

Pita In Fɔs Lɛta 2:23

Wɛn pɔsin tɛl am wɔd we go at am, i nɔba tɛl dɛn wɔd we go at dɛn bak; wɛn pipul mek i sɔfa, i nɔba se in go mek dɛnsɛf sɔfa, bɔt i kin lɛf in kes na Gɔd an, bikɔs na Gɔd de jɔj tret wan.

Jɔn 15:21

Bɔt dɛn go du una ɔl dɛn tin ya bikɔs una na mi yon pipul, ɛn dɛn nɔ no di wan we sɛn mi.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Ayzaya 66:5

Una yɛri PAPA GƆD in wɔd yu we de trimbul we yu yɛri in wɔd: ‘Yu brɔda dɛn we et yu ɛn trowe yu na do fɔseka mi nem dɔn se, “Lɛ PAPA GƆD tek glori so dat wi go si se yu gladi’; bɔt na dɛn go shem.

Matyu 10:39

Ɛnibɔdi we de tray fɔ sev in layf, go lɔs am; bɔt ɛnibɔdi we lɔs in layf fɔseka mi, go gɛt di tru layf.

Rɛvɛleshɔn 2:3

Pan ɔl we una dɔn sɔfa plɛnti bikɔs una de fala mi, una de bia ɛn una nɔ lɛf fɔ fala mi.

Matyu 19:29

Ɛnibɔdi we lɛf os, ɔ brɔda, ɔ sista, ɔ papa, ɔ mama, ɔ pikin dɛn, ɔ prɔpati fɔ bi mi lanin bɔy, Gɔd go mek i gɛt bɔku pas wetin i lɛf ɛn i go gi am layf we go de sote go.

2 Kɔrint 4:11

Ɔl di tɛm we wi liv na dis layf fɔseka Jizɔs, ɔltɛm wi de na day rod, so dat pipul go si in layf pan wi we na mɔtalman.

1 Kɔrint 4:10

Fɔseka Krays wi na fulman, bɔt Krays dɔn mek una gɛt sɛns! Wi nɔ gɛt pawa, bɔt una gɛt pawa! Nɔbɔdi nɔ de luk wi, bɔt pipul rɛspɛkt una!

Lɛta Fɔ Rom 8:36

Lɛkɛ aw dɛn rayt na Gɔd in Buk we dɛn se, “Papa Gɔd, na fɔseka yu, pipul de tray fɔ kil wi ɔltɛm; dɛn de trit wi lɛkɛ ship we dɛn gɛt fɔ kil.”

Lyuk 21:12

Bɔt bifo ɔl dɛn tin ya bi, pipul go ol una ɛn du una plɛnti bad tin. Dɛn go drɛg una go bifo dɛn bigman na di Ju mitin os ɛn dɛn go put una na jel. Dɛn go kɛr una go bifo dɛn kiŋ ɛn dɛn gɔvna bikɔs una biliv pan mi.

Lyuk 9:24

Ɛnibɔdi we de tray fɔ sev in layf, go lɔs am; bɔt ɛnibɔdi we lɔs in layf fɔseka mi, go gɛt di tru layf.

Mak 8:35

Ɛnibɔdi we de tray fɔ sev in layf, go lɔs am; bɔt ɛnibɔdi we lɔs in layf fɔseka mi ɛn di Gud Nyuz, go gɛt di tru layf.

Matyu 10:25

Pɔsin we de lan fɔ no se wetin go bi to di wan we lan am, nain go bi to insɛf; ɛn slev fɔ no se wetin go bi to in masta, nain go bi to insɛf. If pipul dɔn kɔl di edman na os Biɛlzibɔb, dɛn go gi di ɔda pipul dɛn na di os nem we bad pas dat.

Apɔsul Dɛn Wok 9:16

Misɛf go sho Sɔl plɛnti tin we i go sɔfa fɔ mek ɔda pipul sabi mi.”

Di Sam Dɛm 44:22

Bikɔs wi nɔ kɔmɔt biɛn yu, na dat mek dɛn de kil wi so; wi fiba ship dɛn we dɛn dɔn kɛr go fɔ kil.

Mak 13:9

“Una bikyaful, pipul go ol una ɛn kɛr una go bifo dɛn pipul we de jɔj na kot. Pipul go bit una na dɛn Ju mitin os; dɛn go kɛr una go bifo dɛn pipul we de rul, bikɔs una biliv pan mi; da tɛm de una fɔ tɔk di tru tin we una no bɔt mi.

Matyu 27:39

Di pipul dɛn we bin de pas klos de, shek dɛn ed pan am ɛn laf am.

Mak 4:17

Bɔt di wɔd nɔ sidɔm gud na dɛn at; dɛn tan lɛkɛ plant we nɔ gɛt rut. Wɛn trɔbul mit dɛn, ɔ pipul ambɔg dɛn bikɔs dɛn biliv di Gud Nyuz, dɛn kin kɔmɔt na di rayt rod.

Matyu 10:18

Dɛn pipul we nɔto Ju go kɛr una go bifo di bigman dɛn we de rul na di kɔntri, bikɔs una de du wetin a tɛl una fɔ du, ɛn una go tɛl dɛn ɛn dɛn yon pipul di Gud Nyuz.

Jɔn 9:28

Wɛn di Faresi dɛn yɛri dat, dɛn ala. Dɛn se, “Na yu na da man de in lanin bɔy; wi na Mozis in lanin bɔy dɛn.

Di Sam Dɛm 35:11

Pipul dɛn de luk mi korokoro wan ɛn lay pan mi, dɛn se dɛn na witnɛs; Tin dɛn we a nɔ no bɔt sɛf, nain dɛn de tɔk.

Ayzaya 25:8

I go swɛla day sote go, ɛn Papa Gɔd we na Gɔd go wep wata kɔmɔt na ɔlman yay, ɛn i go pul di tin dɛn we de mek pipul dɛn disgres kɔmɔt na di wɔl; bikɔs na PAPA GƆD dɔn tɔk am.

Ayzaya 51:7

“Una lisin mi, una we no aw fɔ waka tret na PAPA GƆD in yay, di pipul dɛn we mi lɔ de na dɛn at; una nɔ fred mɔtalman laf, ɛn nɔ pwɛl at we dɛn de kɔs una.

Jɛrimaya 37:14

Nain Jɛrimaya se, “Nɔto tru; Nɔto rɔnawe a de rɔnawe go to di Babilonian dɛm.” Bɔt Irijah nɔ lisin to am. I gɛda am ɛn briŋ am to di bigman dɛm.

Lɛta Fɔ Filipay 1:29

Na Gɔd insɛf gi una dis wɔndaful chans fɔ biliv pan Krays ɛn fɔ sɔfa fɔseka am.