Matyu 5:1 - Krio Fɔs Oli Baybul

¹ Wɛn Jizɔs si ɔl di pipul dɛn we de fala am, i go pantap wan il. Wɛn i sidɔm, in lanin bɔy dɛn go gɛda rawnd am.

Matyu 5:1 Referans Kwoze

Mak 3:13

Jizɔs go ɔp wan il ɛn kɔl di man dɛn we i want fɔ go to am; dɛn go mit am.

Matyu 15:29

Jizɔs kɔmɔt de ɛn i waka na di bich we de klos Lek Galili, dɔn i go klem ɔp wan il ɛn sidɔm de.

Mak 4:1

Jizɔs bigin lan di pipul dɛn bak wɛn dɛn sidɔm na di bich klos Lek Galili. Di krawd we gɛda rawnd am bin tu big, so i go sidɔm insay wan bot na di wata, klos di bich.

Mak 3:20

Dɛn Jizɔs go na wan os. Krawd kam gɛda rawnd in ɛn in lanin bɔy dɛn igen so dɛn nɔ gɛt chans fɔ it.

Matyu 4:25

Plɛnti pipul we kɔmɔt Galili, di Tɛn Tɔŋ dɛn, Jerusɛlɛm, Judia, ɛn dɛn pipul we de na di istɛn pat na Riva Jɔdan, bin de fala Jizɔs.

Matyu 13:2

Di pipul dɛn we bin gɛda rawnd am bin so plɛnti, dat i go sidɔm insay wan bot. Dɛn bin tinap na di bich.

Matyu 5:2

Na de Jizɔs bigin tɔk to dɛn, i se:

Lyuk 6:12

Wan ɔda tɛm, Jizɔs bin go ɔp wan il fɔ pre. I pre ol nɛt to Gɔd.

Lyuk 6:17

Wɛn Jizɔs kɔmɔt ɔp di il kam dɔŋ wit in apɔsul dɛn, i go tinap na di lɛvul grɔn wit plɛnti in ɔda lanin bɔy dɛn. Plɛnti pipul bin kam gɛda de, sɔm pan dɛn pipul ya bin kɔmɔt Judia, sɔm bin kɔmɔt Jerusɛlɛm, ɛn sɔm bin kɔmɔt na dɛn tɔŋ we de klos di wata na Taya ɛn Saydɔn.

Lyuk 6:20

Jizɔs luk in lanin bɔy dɛn, dɛn i bigin tɔk to dɛn. I se: “Una gɛt blɛsin, una dɛn po pipul, bikɔs Gɔd de rul una!

Lyuk 9:28

Wɛn wan wik dɔn pas afta Jizɔs tɔk dɛn wɔd ya, Jizɔs kɔl Pita, Jems ɛn Jɔn fɔ fala am go pre na wan ay il.

Jɔn 6:15

Jizɔs no se di pipul dɛn bin want kam kapu am ɛn fos am fɔ bi kiŋ, so i kɔmɔt to dɛn, in wangren go ɔp di il.