Matyu 4:7 - Krio Fɔs Oli Baybul

⁷ Jizɔs se, “Dɛn rayt na Gɔd in Buk se, ‘Pɔsin nɔ fɔ tray fɔ mek Gɔd we nain Masta du wetin in want.’”

Matyu 4:7 Referans Kwoze

Ditarɔnɔmi 6:16

I se lɛ dɛn nɔ fos PAPA GƆD fɔ du sɔntin lɛk aw dɛn bin fos am na Masa.

1 Kɔrint 10:9

Wi nɔ fɔ tray Krays ɛn mek i tap fɔ bia wit wi, lɛkɛ aw i bin tap fɔ bia wit sɔm pan dɛn pipul ya, ɛn mek snek bɛt ɛn kil dɛn.

Di Sam Dɛm 78:18

Dɛn tɛst PAPA GƆD bay wilful ɛn aks am fɔ gi dɛn di it we dɛn want.

Di Sam Dɛm 78:41

Ɔl di tɛm, dɛn de tɛst PAPA GƆD; dɛn de mek di Oli PAPA GƆD we Izrɛl de wɔship, vɛks.

Di Ibru Pipul Dɛn 3:9

Gɔd se, Lɔntɛm, wɛn una granpapa-papa dɛn bin de na di dɛzat, dɛn bin de kɔmplen ɛn tray mi plɛnti tɛm fɔ si aw lɔŋ a go bia wit dɛn, pan ɔl we dɛn si wetin a bin du wɛn dɛn bin de fɔti ia na di dɛzat.

Ɛksodɔs 17:7

Mozis gi da ples de nem “Masa” ɛn “Mɛriba” bikɔs, na de di Izrɛlayt dɛn bin de kɔmplen ɛn tray fɔ pruv PAPA GƆD in pawa we dɛn se dɛn want no if PAPA GƆD de wit dɛn ɔ if i nɔ de.

Ɛksodɔs 17:2

Nain di pipul dɛn bigin grɔmbul bak pan Mozis se i fɔ gi dɛn wata fɔ drink Mozis aks dɛn wetin mek dɛn de fɛn fɔlt pan am. I aks dɛn bak if dɛn want fɔ tɛst PAPA GƆD in Pawa.

Apɔsul Dɛn Wok 5:9

Pita tɛl am se, “Wetin mek yu ɛn yu man mekɔp fɔ tɛst Gɔd in Spirit? Luk di pipul dɛn we go bɛr yu man tinap na do, na dɛn go bɛr yusɛf!”

Di Sam Dɛm 106:14

Na di ɛmti land we pɔsin nɔ go ebul tap, na de dɛn bigin aŋri fɔ it ɔda tin dɛn; na de dɛn chalenj PAPA GƆD.

Di Sam Dɛm 95:9

usay una fɔstɛm pipul bin tɛst am ivin we dɛn bin dɔn si wetin i kin du.

Malakay 3:15

Frɔm da tɛm de, dɛn de luk se, pipul we de kak gɛt blɛsin ɛn udat de du bad, bɛtɛ kin de fala am dɔn ɛnitɛm we dɛn tray PAPA GƆD, dɛn kin ebul rɔnawe pan in pɔnishmɛnt.

Di Sam Dɛm 78:56

Bɔt dɛn tray PAPA GƆD bak ɛn mek rebɛl pan PAPA GƆD Ɔlmayti; dɛn nɔ gri fɔ obe in lɔ.

Di Nɔmba Dɛm 14:22

nɔn pan di man dɛn we si ɔl di wɔnda we a ple na Ijipt ɛn na di ɛmti land we pɔsin nɔ go ebul tap bɔt we stil nɔ obe mi, bɔt de tɛst mi pawa bɔku bɔku tɛm,

Matyu 4:4

Bɔt Jizɔs se, “Dɛn rayt na Gɔd in Buk se, ‘Nɔto di it we pɔsin de it de gi am tru layf, na Gɔd in wɔd de gi pɔsin tru layf.’”

Ayzaya 8:20

Fɔ di wan dɛn we dɔn yɛri mi tichin ɛn mi mɛsej fɔ no wetin fɔ du! Fɔ tru, di wan dɛn we de tink fɔ tɔk to dayman, nɔ go si do klin.

Matyu 4:10

Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Matyu 21:42

Jizɔs aks dɛn se, “Una nɔ rid yet wetin rayt na Gɔd in Buk we se, ‘Da ston we dɛn pipul we de bil nɔ tek mek natin, nain dɔn bi di wan we impɔtant pas ɔl di ɔda wan dɛn. Na di Masta mek dat bi, ɛn di tin we di Masta du, so wɔndaful!’

Matyu 21:16

So di bigman dɛn we de mek sakrifays fɔ pipul sin ɛn di Ju Lɔ ticha dɛn aks Jizɔs se, “Yu nɔ de yɛri wetin dɛn de tɔk?” Jizɔs se, “Yɛs, a de yɛri dɛn. Una nɔ dɔn rid wetin rayt na Gɔd in Buk we se, ‘Gɔd dɔn lan yɔŋ pikin dɛn fɔ mek dɛn prez am gud gud?’”

Lyuk 4:12

Jizɔs ansa am se, “Dɛn rayt na Gɔd in Buk se, ‘Pɔsin nɔ fɔ tray fɔ mek Gɔd we nain Masta du wetin in want.’”

Apɔsul Dɛn Wok 15:10

So wetin mek wi want du di tin we go mek Gɔd vɛks? Wetin mek wi de kam put lod pan dɛn pipul we dɔn biliv pan di Masta, da lod we wi grampapa papa dɛn nɔ bin ebul tot, da lod we wisɛf nɔ ebul tot?