Matyu 4:4 - Krio Fɔs Oli Baybul

⁴ Bɔt Jizɔs se, “Dɛn rayt na Gɔd in Buk se, ‘Nɔto di it we pɔsin de it de gi am tru layf, na Gɔd in wɔd de gi pɔsin tru layf.’”

Matyu 4:4 Referans Kwoze

Ditarɔnɔmi 8:3

I molɛs dɛn ɛn mek aŋri kech dɛn dɔn i gi dɛn mana fɔ it; tin we dɛn ɛn dɛn fɔstɛmpapa dɛn nɔ no wande. Ɔl dat na fɔ mek dɛn no se, nɔto it nɔmɔ de gi mɔtalman layf; ɔltin sɛf we PAPA GƆD se, de gi pɔsin layf.

Lyuk 4:4

Jizɔs ansa am se, “Dɛn rayt na Gɔd in Buk se nɔto tin fɔ it nɔmɔ de mek pɔsin liv.”

Jɔn 6:63

Na Gɔd in Spirit de gi pipul layf. Mɔtalman nɔ gɛt di pawa fɔ gi layf. Di wɔd dɛn we a dɔn tɛl una de mek Gɔd in Spirit we de gi layf kam to una.

Lɛta Fɔ Rom 15:4

Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi.

Lɛta Fɔ Ɛfisɔs 6:17

Una fɔ mek di sev we Gɔd dɔn sev una, bi di kyap we una go wɛr na una ed; ɛn una fɔ yus di sɔd we di Spirit gi una, dat na Gɔd in wɔd.

Ɛksodɔs 16:15

Wɛn di Izrɛlayt dɛn si am, dɛn bigin de aks dɛn kɔmpin wetin na da tin de, bikɔs dɛn nɔn nɔ bin no wetin i bi. Na de Mozis tɛl dɛn se na di it we PAPA GƆD provayd fɔ dɛn fɔ it.

Lyuk 4:8

Jizɔs se, “Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta nɔmɔ ɛn pre to am, ɛn nain wangren i fɔ wok fɔ.’”

Ɛksodɔs 16:35

Di Izrɛlayt dɛn it mana fɔ fɔti ia te dɛn rich na di land we PAPA GƆD se dɛn fɔ go, usay dɛn go tap.

Ɛksodɔs 16:8

Mozis tɛl dɛn se na go gi dɛn bif fɔ it ivintɛm, ɛn bɔku bɔku bred na mɔnin we go de te i lɛf, bikɔs i dɔn yɛri we dɛn de grɔmbul pan am. I se di grɔmbul we dɛn de grɔmbul nɔto pan in di Mozis ɛn Erɔn bɔt na pan PAPA GƆD.

Matyu 4:10

Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Matyu 4:7

Jizɔs se, “Dɛn rayt na Gɔd in Buk se, ‘Pɔsin nɔ fɔ tray fɔ mek Gɔd we nain Masta du wetin in want.’”

Lyuk 4:12

Jizɔs ansa am se, “Dɛn rayt na Gɔd in Buk se, ‘Pɔsin nɔ fɔ tray fɔ mek Gɔd we nain Masta du wetin in want.’”

Ɛksodɔs 23:15

Di fɔs wan we na di ɔlide fɔ it bred we nɔ gɛt yist pan am, fɔ bi insay Abib mɔnt, dat na dis mɔnt we una lɛf Ijipt. Una mek di ɔlide ya fɔ ɔna mi. Nɔbɔdi nɔ fɔ kam bifo mi ɛmti an.

Matyu 15:11

Nɔto wetin pɔsin de it de mek i nɔ klin na Gɔd yay, bɔt na wetin di pɔsin de tɔk de mek i nɔ klin na Gɔd yay.”

Mak 7:20

I tɔk igen se, “Wetin pɔsin de tɔk de kɔmɔt insay in at, na dat de mek di pɔsin nɔ klin na Gɔd yay.

Jɔn 15:26

“Wɛn di wan we de ɛp pipul fɔ du wetin Gɔd want, kam, dat na di Spirit we kɔmɔt to mi Papa, i go mek pipul no di tru tin bɔt Gɔd. A go mek mi Papa sɛn am kam to una ɛn i go tɛl una bɔt mi.