Matyu 4:13 - Krio Fɔs Oli Baybul

¹³ I nɔ go tap na Nazarɛt, na Kepanyɔm we de klos Lek Galili, midul Zɛbyulɔn ɛn Naftali, i go tap,

Matyu 4:13 Referans Kwoze

Jɔn 4:46

Afta dat, Jizɔs go bak na wan tɔŋ na Galili we nem Kena, na de i bin tɔn wata to wayn. Wan gɔvmɛnt ɔfisa na Kena bin gɛt wan bɔy pikin na Kepanyɔm we bin sik.

Mak 1:21

Jizɔs ɛn in lanin bɔy dɛn go na wan tɔŋ we nem Kepanyɔm. Wɛn di de fɔ pre ɛn blo rich, Jizɔs go insay di Ju mitin os, ɛn bigin lan di pipul dɛn bɔt Gɔd.

Matyu 11:23

Ɛn una we de na Kepanyɔm, wetindu una fil se una gɛt pawa pas ɔl di ɔda tɔŋ dɛn? Gɔd go sɛn una ɔl go ɛl! If a bin du dɛn wɔndaful wok we a du na una ples, na Sɔdɔm, dɛn wok de bin fɔ de sote tide.

Jɔn 6:59

Jizɔs tɔk ɔl dɛn tin ya wɛn i bin de lan pipul na di Ju mitin os na Kepanyɔm.

Jɔn 6:24

Wɛn di pipul dɛn nɔ si Jizɔs ɛn in lanin bɔy dɛn, dɛn go insay di bot dɛn ɛn go luk fɔ Jizɔs na Kepanyɔm.

Jɔn 6:17

Dɛn tek bot krɔs oba, dɛn bin put ed fɔ go Kepanyɔm. Dɛn lib de sote nɛt kam, bɔt Jizɔs nɔ bin dɔn go mit dɛn yet.

Jɔn 2:12

Wɛn dat pas, Jizɔs ɛn in mama, in brɔda dɛn, ɛn in lanin bɔy dɛn go Kepanyɔm, bɔt dɛn nɔ te de, dɛn jɛs lib de tu, tri de.

Matyu 17:24

Wɛn Jizɔs ɛn in lanin bɔy dɛn rich Kepanyɔm, di pipul dɛn we de gɛda taks fɔ pe fɔ di ɛkspɛnsis na Gɔd in Os kam mit Pita ɛn aks am se, “Una ticha de pe di taks we dɛn Ju pipul de pe fɔ di ɛkspɛnsis na Gɔd in Os?”

Lyuk 4:23

Jizɔs se, “A shɔ se una go pul parebul pan mi se, ‘Dɔkta, mɛn yusɛf!’ Una go want tɛl mi se mek a du ɔl dɛn wɔndaful wok we una yɛri se a du na Kepanyɔm, na mi yon tɔŋ.”

Matyu 4:14

so dat wetin di prɔfɛt we nem Ayzaya bin tɔk, go bi.

Matyu 4:15

I bin se, “Zɛbyulɔn ɛn Naftali we de na di ɔda sho nia Riva Jɔdan, klos da wata we dɛn kɔl Mɛditarenian Si, insay Galili, we dɛn pipul we nɔto Ju plɛnti;

Matyu 9:1

Jizɔs tek bot krɔs Lek Galili go nain tɔŋ, dat na Kepanyɔm.

Mak 2:1

Tu, tri de pas, nain Jizɔs tɔn bak go Kepanyɔm. Di pipul dɛn yɛri se Jizɔs dɔn go nain os.

Lyuk 10:15

Una we de na Kepanyɔm, una min se una de go ɛvin? Na ɛl una go go!”