Matyu 4:12 - Krio Fɔs Oli Baybul

¹² Wɛn Jizɔs yɛri se dɛn dɔn ol Jɔn, i go na Galili.

Matyu 4:12 Referans Kwoze

Mak 1:14

Wɛn Jɔn dɔn go jel, Jizɔs bigin go ɔlɔbɔt na Galili de tɛl pipul di Gud Nyuz we Gɔd sɛn.

Lyuk 3:20

Pantap ɔl dɛn ɔda bad tin we Ɛrɔd bin de du, i mek dɛn ol Jɔn ɛn put am na jel!

Matyu 14:3

Kiŋ Ɛrɔd tɔk dat, bikɔs i bin dɔn mek dɛn ol Jɔn we bin de baptayz, tay am, ɛn put am na sɛl. Kiŋ Ɛrɔd bin du dat fɔseka Filip in wɛf, Ɛrodias; Filip na bin Kiŋ Ɛrɔd in brɔda.

Jɔn 3:24

Di tɛm we ɔl dis bin de bi, Jɔn nɔ bin go jel yet.

Lyuk 4:14

Jizɔs tɔn bak go Galili wit di pawa we Gɔd in Spirit gi am. Ɔlman bigin tɔk bɔt am ɔlsay na dɛn tɔŋ ɛn dɛn vilej we de klos Galili.

Mak 6:17

Kiŋ Ɛrɔd tɔk dat bikɔs i bin mek dɛn ol Jɔn ɛn put am na jel, fɔseka Ɛrodias we i mared; Ɛrodias na bin in brɔda Filip in wɛf.

Jɔn 4:54

Na di sɛkɛn wɔndaful wok dat we Jizɔs du wɛn i kɔmɔt Judia go Galili.

Jɔn 4:43

Wɛn Jizɔs dɔn de wit di pipul dɛn tu de, i lɛf dɛn ɛn go bak na Galili.

Lyuk 4:31

Jizɔs go Kepanyɔm we de na Galili. I bin de lan di pipul dɛn di de fɔ pre ɛn blo.

Matyu 11:2

Wɛn Jɔn, we bin de na jel, yɛri bɔt di tin dɛn we Jizɔs de du, i sɛn in lanin bɔy dɛn to Jizɔs,

Lyuk 23:5

Di pipul dɛn we kɛr Jizɔs go to Paylet se, “Jizɔs mek di pipul dɛn strayk bay di tin dɛn we i de lan pipul na Judia. I bigin na Galili ɛn naw i dɔn rich Jerusɛlɛm.” Dɛn pin.

Jɔn 1:43

Di ɔda de Jizɔs mekɔp fɔ go na Galili. Wɛn i de go, nain i mit Filip, i tɛl am se, “Kam bi wan pan mi lanin bɔy dɛn!”

Jɔn 2:11

Na Kena we de na Galili, Jizɔs du dis fɔs wɔndaful wok, ɛn dat sho aw i wɔndaful, ɛn mek in lanin bɔy dɛn biliv pan am.