Matyu 4:11 - Krio Fɔs Oli Baybul

¹¹ Dɛn Setan lɛf Jizɔs, ɛn enjɛl dɛn kam ɛp Jizɔs.

Matyu 4:11 Referans Kwoze

Matyu 26:53

Yu nɔ no se if a aks mi Papa fɔ ɛp mi, i go sɛn twɛlv bataliɔn enjɛl dɛn fɔ kam ɛp mi wantɛm?

Di Ibru Pipul Dɛn 1:14

Udat na di enjɛl dɛn? Dɛn na spirit ɛn dɛn na Gɔd in mɛsenja dɛn; na dɛn Gɔd de sɛn fɔ ɛp dɛn pipul we Gɔd go sev.

Lyuk 22:43

Wan enjɛl kɔmɔt na ɛvin kam mit Jizɔs fɔ kɔrej am.

Lyuk 4:13

Wɛn Setan dɔn tray fɔ mek Jizɔs du bad ɔl kayn we, ɛn i nɔ ebul, i lɛf Jizɔs lili bit fɔs.

Di Ibru Pipul Dɛn 1:6

Ɛn igen, wɛn Gɔd bin want sɛn in fɔs Pikin kam na wɔl, Gɔd se, “Una ɔl we na mi enjɛl dɛn fɔ nil dɔŋ bifo mi Pikin.”

Jɔn 14:30

I nɔ lɛf lɔŋ igen we a go ebul tɔk to una, bikɔs Setan we de rul dis wɔl de kam, bɔt i nɔ gɛt pawa oba mi.

Lyuk 22:53

Ɔl di tɛm we a bin de wit una na Gɔd in Os una nɔ bin ol mi. Bɔt na di tɛm dis we Gɔd gri mek una ol mi ɛn na di tɛm dis we Setan we de rul na dak gɛt pawa.”

Mak 1:13

Jizɔs bin de na di dɛzat fɔti de ɛn fɔti nɛt, ɛn Setan bin de tray am fɔ mek i du bad. Jizɔs bin de wit dɛn wayl bif na bush ɛn enjɛl dɛn bin de ɛp am.

Matyu 4:6

ɛn i se, “If yu na Gɔd in Pikin, ib yusɛf dɔŋ, bikɔs dɛn rayt na Gɔd in Buk se, ‘Gɔd go tɛl in enjɛl dɛn fɔ gyad yu, ɛn yu go fɔdɔm na dɛn an, fɔ mek yu fut sɛf nɔ wund pan ston!’”

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

1 Kiŋ 19:6

Wɛn i luk i si ɔt bred we dɛn jɛs bek ɛn wata de nia in ed. I it ɛn drink ɛn lidɔm bak.