Matyu 4:10 - Krio Fɔs Oli Baybul

¹⁰ Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Matyu 4:10 Referans Kwoze

Ditarɔnɔmi 10:20

I se dɛn fɔ rɛspɛkt PAPA GƆD ɛn wɔship in waŋren, sav am, ɛn yuz in nem fɔ prɔmis pɔsin ɛnitin.

Jɔshwa 24:14

So Jɔshwa tɛl di Izrɛlayt dɛn se na ɔl dat mek dɛn fɔ put PAPA GƆD nɔmba wan na dɛn at; dɛn fɔ trowe ɔl dɛn fɔrin gɔd dɛn we dɛn fɔstɛmpapa dɛn bin de wɔship na Mɛsopotemia ɛn Ijipt, sav PAPA GƆD wit ɔl dɛn at ɛn waka tret wit an.

Lyuk 4:8

Jizɔs se, “Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta nɔmɔ ɛn pre to am, ɛn nain wangren i fɔ wok fɔ.’”

1 Samiɛl 7:3

So Samiɛl tɛl di Izrɛlayt dɛn se if dɛn wan tɔn bak to PAPA GƆD wit ɔl dɛn at, dɛn fɔ trowe ɔl dɛn ɔda pipul dɛn gɔd dɛn we dɛn de wɔship ɛn di Ashtarɔt dɛn ɛn gi dɛnsɛf wit wan at to PAPA GƆD ɛn wɔship in nɔmɔ, dɔn i go pul dɛn kɔmɔt na di Filistin dɛn an.

Jems 4:7

So, una fɔ put unasɛf ɔnda Gɔd. Una tinap fɔ fɛt Setan, i go rɔnawe go lɛf una.

Pita In Fɔs Lɛta 5:9

Una fɔ abop traŋa wan pan Gɔd ɛn una nɔ fɔ gri mek Setan mek una du wetin in want, una fɔ mɛmba se dɛn ɔda pipul ɔlɔbɔt na wɔl we biliv pan Krays lɛkɛ aw unasɛf biliv, dɛnsɛf de sɔfa dɛn sem tin ya we una de sɔfa.

Matyu 16:23

Jizɔs tɔn ɛn tɛl am se, “Pita, kɔmɔt biɛn mi, na Setan in wok yu de du so. Yu de blɔk mi we, bikɔs yu nɔ de tink aw Gɔd de tink, yu de tink aw mɔtalman de tink.”

Job 2:1

Wan ɔda de, PAPA GƆD in pikin dɛn go sho dɛnsɛf to am. Setan insɛf bin de de.

Job 1:12

So PAPA GƆD tɛl Setan se, i de lɛf Job gi am mek i nyakanyaka ɔl wetin Job gɛt, bɔt mek i nɔ mek natin du insɛf. So Setan jɛs kɔmɔt bifo PAPA GƆD.

1 Kronikuls 21:1

Setan tinap fɔ fɛt Izrɛl ɛn tɛmt Devid fɔ kɔnt di pipul dɛn na Izrɛl.

Job 1:6

Wande, we PAPA GƆD in pikin dɛn go sho dɛnsɛf to am, Setan sɛf bin de de.

Di Sam Dɛm 109:6

Fɛn udat go du di sem tin to am we i du to mi; lɛ in yon yon pɔsin pwɛl in nem.

Ɛksodɔs 23:25

Na mi PAPA GƆD una fɔ wɔship, ɛn if una wɔship mi, a go blɛs una wit bɔku it ɛn wata, ɛn a nɔ go mek wan sik ol una.

Ayzaya 30:22

Datɛnde, una go dɔti una laylay gɔd dɛm we kɔba wit silva ɛn di wan dɛn we kɔba wit gold, na mi yay. Una go skata dɛm lɛk tin dɛm we nɔ klin na mi yay; una go tɛl dɛn se, “kɔmɔt bifo mi!”

Mak 1:13

Jizɔs bin de na di dɛzat fɔti de ɛn fɔti nɛt, ɛn Setan bin de tray am fɔ mek i du bad. Jizɔs bin de wit dɛn wayl bif na bush ɛn enjɛl dɛn bin de ɛp am.

Lyuk 10:18

Jizɔs ansa dɛn se, “A si we Setan fɔdɔm kɔmɔt na ɛvin lɛkɛ laytin.

Lyuk 11:18

If Setan in wokman dɛn de fɛt dɛnsɛf, aw Setan in rul go go bifo? Una dɔn tɛl mi se na Biɛlzibɔb a de tek drɛb dɛbul.

Lyuk 13:16

Dis uman we Setan dɔn tay dis etin ia, we na wan pan Ebraam in grampikin pikin dɛm, a nɔ fɔ mɛn am di de fɔ pre ɛn blo?”

Lyuk 22:3

Setan go insay Judas we nem Iskariɔt, in at; Iskariɔt na bin wan pan di twɛlv apɔsul dɛn.

Lyuk 22:31

“Saymɔn, Saymɔn, Setan dɔn gɛt pamishɔn fɔ fana una ɔl lɛkɛ rɛs.

Jɔn 13:27

Jɛs Judas tek di bred so, Setan go nain at. Jizɔs tɛl am se, “Go kwik, go du wetin yu de go du!”

Apɔsul Dɛn Wok 5:3

Pita aks Ananayas se, “Ananayas, wetin mek yu gri mek Setan go insay yu at fɔ mek yu lay gi Gɔd in Spirit? Yu dɔn kip sɔm pan di kɔpɔ we dɛn pe yu fɔ di grɔn!

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

1 Kɔrint 5:5

una fɔ tek dis man ya gi Setan we go mek i sɔfa fɔ ɔl dɛn bad tin we de nain at, so dat di de we di Masta go kam, da man de in spirit go gɛt chans fɔ sev.

1 Kɔrint 7:5

Uman nɔ fɔ ɛva rifyuz in man, semwe so di man sɛf nɔ fɔ ɛva rifyuz in wɛf, pas nɔmɔ dɛn tu gri se dɛn nɔ fɔ gɛt ɛnitin fɔ du wit dɛn kɔmpin dɛn tɛm we dɛn want pre; bɔt we dɛn tɛm de dɔn pas, dɛn fɔ stat fɔ liv bak lɛkɛ aw mare du man ɛn maredman fɔ liv, if nɔ so, we dɛn nɔ go ebul kɔntrol dɛnsɛf, Setan go mek dɛn sin wɛn i kam fɔ tray dɛn.

2 Kɔrint 2:11

so dat Setan nɔ go ebul una; bikɔs wi no wetin i dɔn mekɔp fɔ du.

2 Kɔrint 11:14

Una nɔ fɔ wɔnda, bikɔs Setan insɛf kin chenj, mek insɛf lɛkɛ enjɛl we de briŋ layt.

2 Kɔrint 12:7

Bɔt fɔ mek dɛn plɛnti wɔndaful tin we a si nɔ mek a prawd, Gɔd put sik pan mi we de mek mi bɔdi at mi bad; da sik de tan lɛkɛ sik we Setan sɛn pan mi fɔ ambɔg mi, mek a nɔ go prawd.