Matyu 3:9 - Krio Fɔs Oli Baybul

⁹ Una nɔ fɔ fil se, we Ebraam na una grampapa papa dat go mek Gɔd nɔ pɔnish una. A de tɛl una se Gɔd kin tek dɛn ston ya sɛf tɔn dɛn to Ebraam in grampikin pikin dɛm!

Matyu 3:9 Referans Kwoze

Lyuk 3:8

Una fɔ lɛf fɔ du dɛn tin we nɔ rayt na Gɔd yay ɛn du dɛn tin we go sho se una dɔn lɛf fɔ du dɛn. Una lɛf fɔ se, ‘Wi na Ebraam in grampikin pikin dɛm.’ Dat nɔ go sev una. A de tɛl una se Gɔd ebul fɔ tek pan dɛn ston ya ɛn tɔn dɛn to Ebraam in grampikin pikin dɛm.

Jɔn 8:33

Dɛn ansa Jizɔs se, “Wi na Ebraam in grampikin pikin dɛm, ɛn wande wi nɔ bi slev; so, wetin yu min we yu se, ‘Una go fri?’”

Lɛta Fɔ Rom 4:1

Wetin wi go se bɔt Ebraam we na wi Ju pipul dɛn grampapa papa? Wetin bi to am?

Apɔsul Dɛn Wok 13:26

“Mi pipul dɛn we de wɔship Gɔd, una we na Ebraam in grampikin pikin dɛm ɛn una we nɔto Ju; Gɔd mek dɛn kam tɛl wi bɔt aw i de sev pipul.

Lyuk 16:24

Di jɛntri man ala se, ‘Papa Ebraam, sɔri fɔ mi! Sɛn Lazarɔs fɔ put in fiŋa na wata ɛn kam tɔch mi tɔŋ so dat i go kol, bikɔs a de sɔfa bad insay dis faya ya!’

Jɔn 8:53

Wi papa Ebraam day, yu min se yu pas am? Dɛn prɔfɛt sɛf day, udat yu want tɛl wi se yu bi?”

Lyuk 5:22

Jizɔs bin no wetin dɛn de tink, so i se, “Wetin mek una de tink se wetin a du nɔ rayt?

Mak 7:21

Na di at de mek pɔsin mekɔp fɔ du bad, fɔ liv fri layf, fɔ tif, fɔ kil,

Izikɛl 33:24

Dɛn wan we tap na dɛn yuslɛs ples dɛm, na Izrɛl kɔntri, de tɔk tɔk se, ‘Ebraam na bin wangren man, stil i bin ebul fɔ mek di kɔntri in yon; bɔt wi bɔku, dɛn dɔn gi wi di kɔntri fɔ tru tru fɔ lɛ wi tek am fɔ wi yon.’

Apɔsul Dɛn Wok 15:14

Saymɔn jɛs tɛl una bɔt aw Gɔd dɔn sho se i kia bɔt dɛn pipul we nɔto Ju ɛn i dɔn kɔl dɛn fɔ bi in yon pipul.

Lyuk 19:40

Jizɔs ansa dɛn se, “A de tɛl una se, if dɛn pipul ya sɛt dɛn mɔt, dɛn ston ya go ala wantɛm!”

Lyuk 7:39

Wɛn di Faresi we kɔl Jizɔs kam nain os fɔ kam it si wetin bi, i wɔnda, i tɔk nain at se, “If dis man na bin prɔfɛt, fɔ tru, i bin fɔ no uskayn uman de ol am so, bikɔs na uman we de pan fri layf.”

Lyuk 12:17

Di jɛntri man bigin tɔk nain at se, ‘Wetin a fɔ du naw bikɔs a nɔ gɛt ples fɔ kip ɔl dɛn tin ya?’

Jɔn 8:37

A no se una na Ebraam in grampikin pikin dɛm, pan ɔl dat una de tray fɔ kil mi, bikɔs una nɔ want du wetin a lan una.