Matyu 3:7 - Krio Fɔs Oli Baybul

⁷ Jɔn si se plɛnti Faresi ɛn Sadyusi dɛn bin de kam to am fɔ mek i baptayz dɛn, so i bigin tɔk pan dɛn. I se, “Una dɛn snek ya, una min se we dɛn baptayz una dat go mek Gɔd nɔ pɔnish una fɔ di sin we una dɔn sin?

Matyu 3:7 Referans Kwoze

Matyu 12:34

Una dɛn snek ya! Aw una go tɔk gud we una na bad pipul? Wetin di at ful wit nain di mɔt de tɔk.

Fɔs Lɛta Fɔ Tɛsalonayka 1:10

ɛn una de wet fɔ in Pikin we nem Jizɔs fɔ kɔmɔt ɛvin kam dɔŋ, in Pikin we i mek rayz frɔm di grev, ɛn we go mek Gɔd nɔ kɔndɛm mɔtalman lɛkɛ aw i bin fɔ du bikɔs i bin vɛks pan dɛn fɔ dɛn sin.

Lɛta Fɔ Rom 1:18

Di vɛks we Gɔd vɛks dɔn sho aw i go jɔj ɔlman fɔ di sin we de na dɛn at ɛn fɔ di bad we dɛn du, we de mek pipul nɔ no wetin tru bɔt Gɔd.

Matyu 23:33

Una na snek! Una nɔ fɔ tink se una go ebul du ɛnitin we go mek Gɔd nɔ kɔndɛm una fɔ go ɛl.

Lɛta Fɔ Rom 5:9

Bikɔs Krays day fɔ wi, i dɔn mek ɔltin rayt bitwin wi ɛn Gɔd. We na so i bi, wi fɔ shɔ se, i nɔ go mek Gɔd vɛks pan wi di de we Gɔd go jɔj ɔlman.

Matyu 22:23

Da sem de de, sɔm Sadyusi dɛn kam to Jizɔs. Di Sadyusi dɛn na pipul we se pipul we dɔn day nɔ go rayz frɔm dɛn grev.

Matyu 16:6

Jizɔs tɔk to dɛn, i se, “Una tek tɛm wit di yist we di Faresi dɛn ɛn di Sadyusi dɛn de yus.”

Jɔn In Fɔs Lɛta 3:10

Gɔd in pikin dɛn ɛn Setan in pikin dɛn difrɛn: ɛni bɔdi we nɔ de du wetin rayt ɛn we nɔ lɛk in kɔmpin, nɔto Gɔd yon pikin. Na dat wi go tek no udat na Gɔd yon pikin dɛn ɛn udat na Setan yon.

Jɔn 9:40

Wɛn sɔm pan di Faresi dɛn we bin lib de yɛri we Jizɔs de tɔk dɛn wɔd ya, dɛn se, “Yuwant tɛl wi se wisɛf blɛn?”

Jɛrimaya 51:6

“Una rɔnawe kɔmɔt Babilɔn, lɛ ɔlman sev inyon layf! Nɔ mek yu sɔfa pan in pɔnishmɛnt, bikɔs dis na di tɛm fɔ PAPA GƆD in rivɛnj we na di pemɛnt we i de gi am.

Jɛrimaya 6:10

Udat a go tɔk to ɛn wɔn, so dat dɛn go yɛri? I bi se, dɛn yes dɛn lɔk, dɛn nɔ ebul lisin; I bi se, to dɛm, PAPA GƆD in wɔd na tin fɔ laf, dɛn nɔ gɛt tɛm fɔ am.

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.

Apɔsul Dɛn Wok 26:5

If dɛn want tɔk tru, dɛnsɛf no se mi na bin gud Faresi.

Apɔsul Dɛn Wok 20:31

Una fɔ de wach fɔ dɛn pipul ya we de lay ɛn una fɔ de mɛmba aw a sɔfa de ɛn nɛt fɔ tri ia wɛn a bin de wit una de tɛl una wetin Gɔd se.

Apɔsul Dɛn Wok 15:5

Bɔt sɔm pan dɛn pipul we de na di Faresi grup se, “Dɛn pipul we nɔto Ju fɔ sakɔmsayz ɛn du di tin dɛn we Mozis in Lɔ se dɛn fɔ du.”

Apɔsul Dɛn Wok 5:17

Di edman pan dɛn man we de mek sakrifays fɔ pipul sin, ɛn in kɔmpin Sadyusi dɛn, jɛlɔs di apɔsul dɛn bad wan.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Jɔn 1:24

Di mɛsenja dɛn we di Faresi dɛn sɛn,

Lyuk 18:11

“Di Faresi tinap ɛn pre kwayɛt wan se, ‘Gɔd, a tɛl yu tɛnki bikɔs a nɔ tan lɛkɛ dɛn ɔda pipul; dɛn de rog, dɛn nɔ de du rayt, ɛn dɛn de lɛf dɛn mared wɛf ɔ man go fɛn ɔda pɔsin na trit. A tɛl yu tɛnki we a nɔ tan lɛkɛ dis man ya sɛf we de gɛda taks.

Lyuk 16:14

Wɛn di Faresi dɛn yɛri wetin Jizɔs tɔk, dɛn laf am bikɔs dɛn na pipul we lɛk mɔni.

Lyuk 7:30

Bɔt di Faresi dɛn ɛn di Ju Lɔ ticha dɛn nɔ gri fɔ du wetin Gɔd tɛl dɛn fɔ du ɛn dɛn nɔ gri mek Jɔn baptayz dɛn.

Mak 12:18

Sɔm pan di Sadyusi dɛn kam mit Jizɔs; di Sadyusi dɛn bin biliv se pɔsin we dɔn day nɔ go rayz frɔm di grev.

Mak 12:13

Dɛn sɛn sɔm Faresi dɛn ɛn sɔm pan Ɛrɔd in pati pipul dɛn to Jizɔs fɔ mek Jizɔs tɔk sɔntin we dɛn go tek kech am.

Mak 8:15

Wɛn dɛn de go, Jizɔs wɔn dɛn. I se, “Una tek tɛm wit di yist we di Faresi dɛn ɛn Ɛrɔd de yus.”

Matyu 22:34

Wɛn di Faresi dɛn yɛri se Jizɔs mek di Sadyusi dɛn nɔ ebul tɔk natin, sɔm pan dɛn mit, dɔn dɛn go to Jizɔs.

Matyu 22:15

Di Faresi dɛn go ɛŋ ed fɔ kam aks Jizɔs kwɛshɔn, so dat dɛn go kech am pan wetin i tɔk.

Matyu 12:24

Wɛn di Faresi dɛn yɛri bɔt wetin Jizɔs du, dɛn se, “Na Biɛlzibɔb we na di dɛbul dɛn edman de gi am pawa fɔ drɛb dɛbul.”

Matyu 5:20

A de tɛl una se, una nɔ go de pan di pipul dɛn we Gɔd de rul, if una nɔ du di rayt tin we Gɔd want una fɔ du, pas aw di Ju Lɔ ticha dɛn ɛn di Faresi dɛn de du.

Ayzaya 59:5

Dɛn ach snek eg dɛn, dɛn wiv spayda wɛb; udat it dɛn eg go day, ɛn pan wan we dɛn brok, na pikin snek de kɔmɔt.

Jɛnɛsis 3:15

A go mek yu ɛn di uman et unasɛf; in pikin dɛn ɛn yu yon pikin dɛn go bi ɛnimi fɔ layf. In pikin go wap yu ed, ɛn yu go bɛt in il.”

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Matyu 15:12

Di lanin bɔy dɛn se, “Yu bin no se, di Faresi dɛn bin vɛks wɛn dɛn yɛri wetin yu tɔk?”

Prɔvabs 28:4

Dɛn wan we nɔ de obe lɔ de bato dɛn bad pɔsin, bɔt dɛn wan we de obe di lɔ de fɛt dɛn wan we nɔ de obe.

Matyu 16:1

Sɔm Faresi ɛn sɔm Sadyusi dɛn bin kam fɔ tray Jizɔs, so dɛn aks am fɔ du wɔndaful wok we go sho se in na di Mɛsaya.