Matyu 3:6 - Krio Fɔs Oli Baybul

⁶ Dɛn kin tɛl Gɔd ɔl di bad tin dɛn we dɛn dɔn du, dɛn Jɔn kin baptayz dɛn na Riva Jɔdan.

Matyu 3:6 Referans Kwoze

Apɔsul Dɛn Wok 19:18

Plɛnti pan di Kristiɛn dɛn tɔk se dɛn bin dɔn du bad ɛn dɛn tɔk bifo ɔlman bɔt di bad tin dɛn we dɛn bin dɔn du.

Jɔn In Fɔs Lɛta 1:9

Bɔt if wi tɛl Gɔd bɔt wi sin dɛn, in we de du di rayt tin ɔltɛm ɛn ɔl wetin i prɔmis, wi kin abop se i go padin wi sin dɛn ɛn i go pul ɔltin we bad kɔmɔt na wi layf ɛn mek wi layf klin.

Di Ibru Pipul Dɛn 9:10

Ɔl dɛn tin ya na lɔ we tɔk bɔt tin fɔ it ɛn drink ɛn aw fɔ was dɛn tin we go mek pipul klin na Gɔd yay. Ɔl dɛn lɔ ya jɛs de fɔ dis wɔl, ɛn dɛn pawa go jɛs de sote di tɛm rich we Gɔd go chenj ɔltin.

Matyu 3:11

A de baptayz una wit wata fɔ sho se una dɔn lɛf fɔ du bad, bɔt di wan we de kam afta a dɔn du mi wok, in go baptayz una wit Gɔd in Spirit ɛn wit faya. I gɛt pawa pas mi, ɛn a nɔ fit sɛf fɔ lus in sus.

Di Ibru Pipul Dɛn 6:2

Wi nɔ fɔ bigin fɔ tɛl una bak bɔt dɛn tin we wi bin dɔn tɛl una, dat is: una fɔ was unasɛf fɔ mek una klin na Gɔd in yay; una fɔ le an pan pɔsin ed fɔ pre fɔ am; Gɔd go mek dɛn pipul we bin dɔn day rayz frɔm dɛn grev; ɛn Gɔd gɛt fɔ jɔj ɔlman di las de.

Lɛta Fɔ Kɔlɔse 2:12

Wɛn dɛn baptayz una, i bin jɛs tan lɛkɛ se dɛn bɛr una wit Krays, ɛn i bin tan lɛkɛ se Gɔd we mek Krays rayz frɔm di grev wit in pawa bin mek unasɛf rayz frɔm di grev, bikɔs una biliv se i gɛt pawa fɔ du ɔltin.

1 Kɔrint 10:2

Di klawd we bin de oba dɛn ɛn di wata we dɛn go insay mek dɛn tan lɛkɛ se dɛn baptayz ɛn dat mek dɛn bi pipul we de fala Mozis.

Apɔsul Dɛn Wok 22:16

Wetin yu de wet naw? Grap, mek dɛn baptayz yu, ɛn pre to di Masta mek Gɔd go pul yu pan di bad tin dɛn we yu de du.’

Apɔsul Dɛn Wok 11:16

Dat mek a mɛmba wetin di Masta bin se, ‘Jɔn baptayz una wit wata bɔt Gɔd go baptayz una wit in Spirit.’

Apɔsul Dɛn Wok 1:5

Jɔn bin de baptayz pipul wit wata, bɔt i nɔ go te igen Gɔd go baptayz una wit in Spirit.”

Lyuk 3:16

Jɔn se, “A de baptayz wit wata nɔmɔ, bɔt pɔsin we gɛt pawa pas mi de kam. A nɔ fit sɛf fɔ lus in sus. I go baptayz una wit Gɔd in Spirit ɛn wit faya.

Mak 1:5

Plɛnti pipul we de na Judia ɛn Jerusɛlɛm go fɔ yɛri Jɔn. Di pipul dɛn tɛl Gɔd bɔt dɛn sin, bifo ɔlman we bin lib de, dɛn Jɔn baptayz dɛn na Riva Jɔdan.

Daniɛl 9:4

A pre to PAPA GƆD we na mi Gɔd de kɔnfɛs se, “PAPA GƆD we ay pas ɔl ɛn we fɔ fred, we de kip in prɔmis, ɛn di lɛk we i lɛk di wan dɛn we lɛk am ɛn de du wetin i se, nɔ de shek.

Izikɛl 36:25

A go sprinkul klin wata pan una, ɛn una go klin pan ɔl una dɔti dɛm, ɛn a go was una klin pan ɔl una lay lay gɔd dɛm.

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Di Sam Dɛm 32:5

A gri se a bin de mek rebɛl pan PAPA GƆD ɛn kɔnfɛs mi sin. A mekɔp mi maynd ɛn se “A mɔs kɔnfɛs mi sin to PAPA GƆD.” Wɛn a du am, yu fɔgiv mi ɛn nɔ pɔnish mi igen

Jɔshwa 7:19

Nain Jɔshwa tɛl Ekan se mek i nɔ lay to PAPA GƆD we na di PAPA GƆD na Izrɛl, lɛ i tɛl am wetin i du ɛn lɛ i nɔ ayd an.

Di Nɔmba Dɛm 5:7

fɔ kɔnfɛs di sin. I fɔ pe fɔseka dat ɛn put twɛnti pasɛnt mɔ pantap ɛn gi ɔl to di pɔsin we i du bad.

Lɛvitikɔs 26:40

I se if di wan dɛn we lɛf kɔnfɛs dɛn sin dɛn wit dɛn fɔstɛm-papa dɛn sin dɛn, we dɛn bin stil de mek traŋayes ɛn nɔ lisin to am,

Lɛvitikɔs 16:21

we i go le in tu an pantap in ed, kɔnfɛs se di Izrɛlayt dɛn nɔ du wetin PAPA GƆD se dɛn fɔ du, di bad tin dɛn we dɛn dɔn du to dɛn kɔmpin, ɛn di tin dɛn we dɛn dɔn du we Papa nɔ lɛk, oba di got in ed. Dat min se na di got go tot ɔl di pipul dɛn sin. Dɛn go gi wan man we go kɛr am go na di dray ples we pipul nɔ go ebul tap.

Pita In Fɔs Lɛta 3:21

Di wata na fɔ sho wi aw Gɔd go mek sin nɔ gɛt pawa oba dɛn Kristiɛn we baptayz, lɛkɛ aw una dɔn baptayz ɛn dat dɔn mek sin nɔ gɛt pawa oba una igen. Fɔ baptayz, nɔto fɔ pul dɔti kɔmɔt na di bɔdi, bɔt na di prɔmis we wi prɔmis Gɔd se wi go waka tret wit am so dat wi go no se wi nɔ gilti. Na we Jizɔs Krays rayz frɔm di grev mek di baptayz we una baptayz sev una.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Ɛzra 10:1

We Ɛzra lidɔm na grɔn bifo PAPA GƆD in os de pre to PAPA GƆD wit kray ɛn de kɔnfɛs dɛn sin, big big krawd frɔm di Izrɛlayt dɛn kam gɛda pan am - man, uman ɛn pikin, dɛn ɔl bin de kray bita bita wan.

Lyuk 1:16

I go mek plɛnti Izrɛl pipul kam bak to Gɔd we na dɛn Masta.