Matyu 3:5 - Krio Fɔs Oli Baybul

⁵ Pipul dɛn ɔlɔbɔt na Jerusɛlɛm, Judia, ɛn ɔl dɛn kɔntri we de klos Riva Jɔdan bin de kam lisin to am.

Matyu 3:5 Referans Kwoze

Mak 1:5

Plɛnti pipul we de na Judia ɛn Jerusɛlɛm go fɔ yɛri Jɔn. Di pipul dɛn tɛl Gɔd bɔt dɛn sin, bifo ɔlman we bin lib de, dɛn Jɔn baptayz dɛn na Riva Jɔdan.

Jɔn 5:35

Wetin Jɔn bin de tɔk bin tan lɛkɛ lamp we layt ɛn di layt brayt fɔ mek ɔlman si. Una bin gri fɔ mek di layt shayn pan una fɔs ɛn mek una at gladi.

Jɔn 3:23

Jɔn insɛf bin de baptayz pipul na Inɔn we bin de klos Selin, bikɔs plɛnti wata bin lib de. Plɛnti pipul bin de go mit Jɔn de ɛn i bin de baptayz dɛn.

Lyuk 16:16

“Pipul bin de tɔk bɔt di Lɔ we Gɔd gi Mozis ɛn wetin dɛn prɔfɛt bin rayt sote di tɛm we Jɔn we bin de baptayz pipul, kam. Frɔm da tɛm de te naw dɛn de tɔk di Gud Nyuz bɔt Gɔd in rul ɛn ɔlman de fɛt fɔ go insay di ples we Gɔd de rul.

Lyuk 3:7

Plɛnti pipul kam to Jɔn fɔ mek i baptayz dɛn. Jɔn tɔk pan dɛn, i se, “Una dɛn snek ya, we de pɔyzin di wɔl, udat tɛl una fɔ rɔn kɔmɔt pan di trɔbul ɛn waala we Gɔd want briŋ fɔ pɔnish una?

Matyu 4:25

Plɛnti pipul we kɔmɔt Galili, di Tɛn Tɔŋ dɛn, Jerusɛlɛm, Judia, ɛn dɛn pipul we de na di istɛn pat na Riva Jɔdan, bin de fala Jizɔs.

Matyu 2:1

Jizɔs bin bɔn na wan tɔŋ we nem Bɛtliɛm we de na Judia. Ɛrɔd na bin kiŋ da tɛm de. I nɔ tu te afta i bɔn, sɔm sɛnsman dɛn we no bɔt sta, we kɔmɔt na di ist, kam na Jerusɛlɛm.

Lyuk 3:3

Jɔn bigin waka go ɔlsay na dɛn ples we de klos Riva Jɔdan de tɛl pipul se, if dɛn lɛf fɔ du bad ɛn mek i baptayz dɛn, Gɔd go padin dɛn fɔ di bad we dɛn de du.