Matyu 3:2 - Krio Fɔs Oli Baybul

² “Una chenj una we ɛn lɛf fɔ du di bad tin dɛn we una de du, bikɔs Gɔd in rul dɔn kam klos!”

Matyu 3:2 Referans Kwoze

Matyu 4:17

Frɔm da tɛm de Jizɔs bigin tɛl pipul se, “Una chenj una we ɛn lɛf fɔ du di bad tin dɛn we una de du, bikɔs Gɔd in rul dɔn kam klos una.”

Mak 1:15

I bin de se, “Di tɛm dɔn rich. Di tɛm we Gɔd go rul wi, dɔn kam klos. Una tap fɔ du dɛn bad tin we una de du ɛn biliv di Gud Nyuz.”

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

Lyuk 24:47

Fɔseka di tin we i du ɛn se, una fɔ go na Jerusɛlɛm fɔs, dɛn ɔlɔbɔt na wɔl, go tɛl pipul fɔ lɛf fɔ sin ɛn da tɛm de Gɔd go padin dɛn sin.

Matyu 6:10

Wi de pre mek yu rul wi; mek wetin yu want, bi na dis wɔl, lɛkɛ aw i de bi na ɛvin.

2 Kɔrint 7:10

Wɛn Gɔd mek pɔsin sɔri, dat go mek di pɔsin in at chenj ɛn di pɔsin go sev, ɛn dat nɔto tin fɔ rigrɛt. Bɔt if pɔsin fil sɔri nɔmɔ fɔseka ɛnitin we de na dis wɔl, da kayn sɔri de go mek di pɔsin day go ɛl.

Matyu 10:7

Una go tɛl pipul se, di tɛm we Gɔd go rul dɔn kam klos!

Apɔsul Dɛn Wok 3:19

Una fɔ lɛf fɔ du bad ɛn kam to Gɔd, ɛn Gɔd go padin una fɔ ɔl una sin.

Lyuk 15:10

Semwe so, Gɔd in enjɛl dɛn go gladi bikɔs wan pɔsin we bin de pan sin sɔri fɔ di bad we i du ɛn tɔn to Gɔd.”

Lyuk 13:3

Nɔto so i bi; a de tɛl una se if una nɔ lɛf fɔ du bad, unasɛf go day lɛkɛ dɛn.

Lyuk 11:20

Bɔt if na Gɔd in pawa a de tek drɛb dɛbul, dat sho se fɔ tru Gɔd in rul dɔn kam to una.

Pita In Sɛkɛn Lɛta 3:9

Di Masta nɔ de wes tɛm fɔ du wetin i dɔn se in go du, lɛkɛ aw sɔm pipul tink, bɔt i de bia wit una bikɔs i nɔ want mek ɛnibɔdi go ɛl, bɔt i want mek ɔlman sɔri fɔ dɛn sin ɛn lɛf dɛn.

Apɔsul Dɛn Wok 17:30

Gɔd nɔ de blem pipul fɔ di tɛm we dɛn nɔ bin no wetin i bin want mek dɛn du; bɔt naw Gɔd de tɛl ɔlman na wɔl fɔ mek dɛn lɛf fɔ du di bad tin dɛn we dɛn de du.

Apɔsul Dɛn Wok 11:18

Wɛn dɛn yɛri wetin Pita tɔk, dɛn lɛf fɔ grɔmbul. Dɛn bigin prez Gɔd, dɛn se, “Gɔd dɔn gi dɛn pipul we nɔto Ju chans fɔ mek dɛn lɛf fɔ du dɛn bad tin we dɛn bin de du, so dat dɛn kin gɛt layf we go de sote go.”

Apɔsul Dɛn Wok 2:38

Pita ansa dɛn se, “Una ɔl fɔ lɛf dɛn bad tin we una de du ɛn kam to Gɔd. Mek dɛn baptayz una wit Jizɔs Krays in nem; Gɔd go padin una fɔ di bad tin dɛn we una de du ɛn i go gi unain Spirit.

Lyuk 6:20

Jizɔs luk in lanin bɔy dɛn, dɛn i bigin tɔk to dɛn. I se: “Una gɛt blɛsin, una dɛn po pipul, bikɔs Gɔd de rul una!

Matyu 13:52

I se, “Ɛni Ju Lɔ ticha, we dɔn lan di tru tin bɔt Gɔd in rul, tan lɛkɛ jɛntri man we de pul dɛn ol ɛn nyu tin kɔmɔt nain sto.”

Matyu 13:47

“Semwe so, Gɔd in rul tan lɛkɛ fishin nɛt we pipul sɛn na wata, ɛn i kech ɔl kayn fish.

Matyu 13:33

Jizɔs pul ɔda parebul fɔ dɛn, i se, “Gɔd in rul tan lɛkɛ we uman tek smɔl yist ɛn miks am wit wan kitul flawa sote di do fɔ mek bred rayz.”

Matyu 12:41

Di de we Gɔd go jɔj ɔlman na wɔl, dɛn pipul we bin de na Ninivɛ di tɛm we Jona bin de, go grap ɛn tɛl una se, una dɔn du bad; bikɔs dɛn bin lɛf fɔ du bad wɛn prɔfɛt Jona tɛl dɛn Gɔd in wɔd; ɛn a de tɛl una se, pɔsin de na ya we pas Jona.

Sɛkɛn Lɛta To Timoti 2:25

we nɔ de tek pawa tɔk to dɛn wan we nɔ si wit am. I de go kɛlɛkɛlɛ wit dɛn bikɔs i no se sɔntɛm Gɔd go gi dɛn di chans fɔ sɔri fɔ dɛn bad trik ɛn kam no di tru tin we dɛn fɔ biliv.

Lɛta Fɔ Kɔlɔse 1:13

I pul wi kɔmɔt pan sin we bin gɛt pawa oba wi ɛn we bin mek wi de na dak ɛn i briŋ wi kam ɔnda in Pikin we i lɛk bad, in pawa. Na Gɔd in Pikin dɔn pul wi kɔmɔt ɔnda sin in pawa, dat na we i dɔn padin wi.

Apɔsul Dɛn Wok 20:21

Una no se a bin de tɛl dɛn Ju pipul ɛn dɛn Grik pipul fɔ lɛf fɔ du dɛn bad tin we dɛn bin de du ɛn kam to Gɔd ɛn biliv pan wi Masta Jizɔs.

Lyuk 15:7

Semwe so, di gladi we go de na ɛvin fɔ wan pɔsin we bin de pan sin we sɔri fɔ di bad we i du ɛn tɔn to Gɔd pas di gladi we de fɔ naynti-nayn pipul we fil se dɛn tret na Gɔd yay.

Lyuk 13:5

Nɔto so i bi; a de tɛl una se if una nɔ lɛf fɔ du bad, unasɛf go day lɛkɛ dɛn.”

Lyuk 9:2

I sɛn dɛn go ɔlsay fɔ tɔk bɔt Gɔd in rul ɛn fɔ mɛn sik pipul.

Mak 6:12

Di lanin bɔy dɛn go ɔlɔbɔt de tɛl pipul fɔ lɛf fɔ du di bad tin dɛn we dɛn de du.

Mak 1:4

Jɔn we bin de baptayz pipul kam na di dɛzat, i bin de tɛl pipul se, if dɛn lɛf di sin we dɛn de pan ɛn mek i baptayz dɛn, Gɔd go padin dɛn.

Matyu 5:10

“Dɛn wan we pipul de mek sɔfa fɔ we dɛn de du wetin Gɔd want, gɛt blɛsin, bikɔs dɛn de gladi we Gɔd de rul dɛn!

Matyu 5:3

“Dɛn wan we abop pan Gɔd, gɛt blɛsin, bikɔs Gɔd de rul dɛn!

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Job 42:6

Dat mek a dɔn shem, so a de rɔb dɔst ɛn asis beg yu, lɛ yu sɔri fɔ mi.

Rɛvɛleshɔn 2:21

A bin lɛf am lili bit mek i go gɛt chans fɔ lɛf fɔ sin, bɔt i nɔ gri lɛf.

Matyu 13:31

Jizɔs pul ɔda parebul fɔ dɛn, i se, “Gɔd in rul tan lɛkɛ we man tek mɔstad sid ɛn plant am nain fam.

Matyu 13:11

Jizɔs ansa dɛn se, “Gɔd dɔn gi una di chans fɔ no di sikrit tin we ɔda pipul nɔ no bɔt in rul.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Rɛvɛleshɔn 2:5

so una mɛmba di we we una bin lɛk mi bifo una tap, ɛn una bigin fɔ lɛk mi bak lɛkɛ aw una bin lɛk mi di fɔs tɛm we una bigin waka wit mi. If una nɔ gri fɔ sɔri fɔ wetin una du so ɛn chenj, a go kam mit una, a go pul una lampolda kɔmɔt di say we i de;

Di Ibru Pipul Dɛn 6:1

So, mek wi lɛf fɔ de tɔk bɔt dɛn tin we wi bin de tɛl una bɔt Krays, fɔstɛm; lɛ wi go bifo ɛn lan dɛn tin we bigman fɔ lan bɔt Krays. Wi tap fɔ lan una dɛn tin we wi bin dɔn lan una fɔstɛm we wi se pipul fɔ chenj ɛn lɛf fɔ du dɛn bad tin we go mek dɛn day, ɛn dɛn fɔ biliv pan Gɔd.

Apɔsul Dɛn Wok 26:20

Fɔs a go tɛl dɛn pipul na Damaskɔs, Jerusɛlɛm, ɛn ɔlɔbɔt na Judia, bɔt Gɔd; dɔn a tɛl dɛn pipul we nɔto Ju bɔt Gɔd. A tɛl dɛn fɔ lɛf fɔ du dɛn bad tin we dɛn de du ɛn kam to Gɔd, ɛn fɔ de du dɛn tin we sho se dɛn dɔn kam to Gɔd.

Matyu 22:2

“Gɔd in rul tan lɛkɛ we wan kiŋ mek mared pati fɔ in bɔy pikin.

Matyu 25:1

“Gɔd in rul tan lɛkɛ we tɛn yɔŋ gyal we nɔ mared, tek dɛn lamp fɔ go mit di ɔkɔ.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Matyu 20:1

“Gɔd in rul tan lɛkɛ we wan man we gɛt fam go wan ali mɔnin fɔ tek lebra dɛn we go wok nain fam.

Matyu 18:23

Bikɔs Gɔd in rul tan lɛkɛ dis: Wan kiŋ bin de lɔntɛm; i bin gɛt plɛnti ɔfisa dɛn we bin gɛt fɔ pe am. Di kiŋ tɛl dɛn se in wan luk di buk we i bin de rayt ɔmɔs dɛn gɛt fɔ pe am.

Matyu 11:20

Jizɔs tɔk traŋa wan pan di pipul dɛn we bin de na dɛn tɔŋ we i du plɛnti wɔndaful wok pas ɔl, i tɔk pan dɛn bikɔs dɛn nɔ gri chenj ɛn lɛf fɔ du bad.

1 Kiŋ 8:47

if wɛn dɛn de de dɛn chenj dɛn atityud, dɛn kɔnfɛs ɛn pre to yu se dɛn du bad;

Lyuk 21:31

Semwe so, wɛn una si dɛn tin we a dɔn tɔk bɔt so de bi, una go no se di tɛm we Gɔd go rul, de kam.

Lyuk 16:30

Di jɛntri man se, ‘Papa Ebraam, dɛn nɔ go lisin dɛn; bɔt if pɔsin kɔmɔt na di say we dɛn dayman de, go tɔk to dɛn, dɛn go tap fɔ du di bad tin dɛn we dɛn de du.’

Matyu 25:14

“Gɔd in rul go tan lɛkɛ we wan man bin de go patrol, i kɔl in tri bɔy dɛn ɛn tɛl dɛn fɔ luk ɔl in prɔpati.

Matyu 13:24

Jizɔs pul ɔda parebul fɔ dɛn se, “Gɔd in rul tan lɛkɛ we wan man plant gud sid nain fam.

Matyu 4:23

Jizɔs go ɔlɔbɔt na Galili de tich pipul na di Ju mitin os dɛn, i tɛl dɛn di Gud Nyuz bɔt di tɛm we Gɔd de kam rul, ɛn i mɛn pipul we gɛt ɔl kayn sik.

Lyuk 1:16

I go mek plɛnti Izrɛl pipul kam bak to Gɔd we na dɛn Masta.

Job 39:12

Yu biliv se i go kam bak wit yu rɛs we yu dɔn kɔt na di ples we dɛn kin mas mas rɛs?