Matyu 3:12 - Krio Fɔs Oli Baybul

¹² I ol tin lɛkɛ lɔŋ fɔk fɔ tek pul di chaf chaf kɔmɔt pan di wit. I go gɛda in wit put am na sto ɛn i go bɔn di chaf chaf na faya we nɔ de tap fɔ bɔn.”

Matyu 3:12 Referans Kwoze

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Matyu 13:30

Una lɛ di wit ɛn di gras gro sote di tɛm rich fɔ kɔt di wit. Da tɛm de, a go tɛl di wokman dɛn we de kɔt di gud plant dɛn fɔ pul di gras fɔs, ɛn tay dɛn bay bɔndul ɛn bɔn dɛn; dɔn a go tɛl dɛn fɔ gɛda di gud plant dɛn ɛn put dɛn na sto.’”

Lyuk 3:17

I ol tin lɛkɛ lɔŋ fɔk nain an fɔ tek pul di chaf chaf kɔmɔt pan di wit. I go gɛda in wit put am na sto, bɔt i go bɔn di chaf chaf na faya we nɔ de tap fɔ bɔn.”

Jɛrimaya 51:2

A go sɛn pipul dɛn we de fana na Babilɔn, ɛn dɛn go fana am, ɛn dɛn go ɛmpti in land, wɛn dɛn go atak am ɔlɔbɔt di de we in trɔbul go mit am.

Ayzaya 41:16

una go fana dɛm, ɛn briz go blo dɛn go, ɛn ebi ebi tinada go skata dɛn. Ɛn yu go gladi insay PAPA GƆD; nainsay di Oli Wan na Izrɛl, una go glori.

Matyu 13:41

Mɔtalman Pikin go sɛn in enjɛl dɛn fɔ pul dɛn pipul we de mek pipul sin ɛn dɛn wan we de du bad, kɔmɔt to dɛn pipul we Gɔd de rul.

Di Sam Dɛm 1:4

Noto so i go bi fɔ di bad man o! Di bad man in tan lɛkɛ chaf chaf we briz kin blo ɔlɔbɔt.

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Jɔn 15:2

Ɛni an we de pan mi we nɔ de bia, i de kɔt am kɔmɔt, ɛn ɛni an we de bia, i de trim am, so dat i kin bia mɔ.

Jɛrimaya 15:7

A dɔn shifta dɛm wit shifta fɔk na di get na di land dɛm; A dɔn mek dɛn gɛt bɛrin, ɛn a dɔn nyakanyaka mi pipul dɛn; nɔ dɛn nɔ chenj.

Jɛrimaya 17:27

Bɔt if una nɔ lisin to mi, fɔ kip di de fɔ blo ɛn rɛst oli, ɛn nɔ fɔ tot lod pas insay di get dɛm na Jerusɛlɛm de fɔ blo ɛn rɛst, a go layt faya nain get dɛm, ɛn i go bɔn di kiŋ os dɛm na Jerusɛlɛm, ɛn nɔbɔdi nɔ go ebul ɔt am.”

Ayzaya 30:24

ɛn di uman kaw ɛn di dɔŋki dɛn we de dig di grɔn, go it dray gras we gɛt sɔl, we dɛn dɔn fana wit shɔvul ɛn fɔk.

Ayzaya 17:13

Di neshɔn dɛn de mek nɔys lɛk we bɔku bɔku wata de rɔn, bɔt i go tɔk pan dɛn, ɛn dɛn go rɔnawe go fawe; dɛn go ches dɛn lɛk we briz de blo chaf chaf na dɛn mawnten ɛn lɛk dɔti we de tɔn rawnd wit spid ɛn grap we tinada de blo.

Ayzaya 5:24

Fɔseka dat, lɛk aw faya de bɔn di af af tik we kin lɛf na grɔn we dɛn kɔt rɛs, ɛn lɛk aw dray gras kin bɔn na faya, na so dɛn rut go tan lɛk tin we rɔtin di flawa we dɛn pul go flay go ɔp lɛk dɔst, bikɔs dɛn nɔ gri fɔ du wetin PAPA GƆD Ɔlmayti in lɔ se, ɛn nɔ gɛt rɛspɛkt fɔ di Oli Wan na Izrɛl in wɔd.

Ayzaya 1:31

Ɛn di wan we gɛt trɛnk go tɔn wud chips, we in wok na fɔ mek spak, ɛn dɛn ɔltu go bɔn togɛda ɛn nɔbɔdi nɔ go ebul ɔt dɛm.

Di Sam Dɛm 35:5

Lɛ yu enjɛl skata dɛn lɛk aw briz de skata chaf chaf;

Job 21:18

Dɛn tan lɛk brumtik na briz, ɛn lɛk chaf chaf we big briz kin blo kɛr go.

Matyu 13:43

Di pipul dɛn we tret na Gɔd in yay go shayn lɛkɛ di san na di say we Gɔd, we na dɛn Papa we de na ɛvin, de rul. Udat gɛt yes fɔ yɛri, mek i yɛri.

Emɔs 9:9

“A go gi ɔda ɛn shek di pipul na Izrɛl lɛkɛ sid na shifta. A go shifta dɛn ɔl ɛn pul ɔl di wan dɛn we na yuslɛs mɔtalman.

Ozie 13:3

So dɛn go tan lɛk aw daknɛs kin lɔs ɔ dyu we fɔdɔm kin dray we do klin. Lɛk aw briz kin kɛr chaf chaf go we dɛn de fana ɔ smok kin lɔs afta i pas na winda.

Jɛrimaya 4:11

Da tɛm de, dɛn go tɛl dɛm pipul dɛn ya, ɛn Jerusɛlɛm se, “Wan ɔt briz de blo kɔmɔt na di mawnten dɛn na di ɛmti ples we pipul nɔ go ebul tap, kam to mi pipul dɛn gyal pikin, nɔto fɔ kam fana di dɔti wan dɛn kɔmɔt ɔ fɔ kam klin dɛm o,

Ayzaya 66:24

“Ɛn dɛn go kɔmɔt go, go luk di man dɛn we tɔn dɛn bak pan mi dɛn dedebɔdi dɛm; bikɔs dɛn tumbu nɔ go day, dɛn faya nɔ go ɔt. Nɔbɔdi nɔ go gladi fɔ si dɛm.

Ayzaya 27:4

A nɔ vɛks. A wish a bin gɛt chuk chuk ɛn wayl bush fɔ fɛt! A bin fɔ go mit dɛn fɔ fɛt dɛn, a bin fɔ bɔn dɛn togɛda.

Matyu 13:42

Ɛn di enjɛl dɛn go trowe di bad pipul dɛn na ɛl faya, ɛn dɛn go kray bita wan ɛn bɛt dɛn tɔŋ.

Lyuk 3:16

Jɔn se, “A de baptayz wit wata nɔmɔ, bɔt pɔsin we gɛt pawa pas mi de kam. A nɔ fit sɛf fɔ lus in sus. I go baptayz una wit Gɔd in Spirit ɛn wit faya.

Ayzaya 28:28

Pɔsin go mas mas wit te i mas mas? Nɔ o, i nɔ de mas mas am sote go; wɛn i de rayd in ɔmɔlanke wil pan am wit in ɔs dɛn, i nɔ de mas mas am te i tɔn pawda.