Matyu 27:5 - Krio Fɔs Oli Baybul

⁵ Judas fliŋ di silva kɔpɔ na grɔn insay Gɔd in Os, i kɔmɔt de, ɛn go ɛŋ insɛf.

Matyu 27:5 Referans Kwoze

2 Samiɛl 17:23

Wɛn Aitofɛl si se dɛn nɔ tek in advays, i jomp pantap in dɔŋki fɔ go nain os nain om siti. I mek shɔ se i tɛl in fambul dɛn wetin ɛn wetin fɔ du afta i day, dɔn i go ɛŋ insɛf. Na so i tek day ɛn dɛn bɛr am insay in papa in grev.

Lyuk 1:21

Ɔl da tɛm de, di pipul dɛn na do bin de wet Zakaraya ɛn dɛn bin de wɔnda wetin mek i te so insay Gɔd in Os.

Lyuk 1:9

Wɛn dɛn man we de mek sakrifays fɔ pipul sin kin want pik di wan we go go insay insay Gɔd in Os go bɔn insɛns, dɛn kin rayt ɔlman nem dɔŋ, fol di pepa dɛn ɛn pik wan; dis tɛm ya na Zakaraya in nem kɔmɔt fɔ du da wok de.

Di Sam Dɛm 55:23

Bɔt yu, PAPA GƆD, go dil wit mi ɛnimi dɛn ɛn yu go mek dɛn day ɛn go ɛl; bikɔs dɛn de kil wit dɛn an ɛn dɛn mɔt dɛn go day bifo dɛn tɛm. Bɔt, as fɔ mi a go de abop pan yu.

Job 7:15

bifo dat, mek pɔsin kwis mi trot, mek a day; i bɛtɛ pas fɔ lɛf wit bonbon.

Job 2:9

In wɛf aks am se, wit ɔl wetin dɔn bi, i stil de mek se in de waka tret wit PAPA GƆD. I se if Job nɔ go kɔs PAPA GƆD wantɛm ɛn day.

1 Kiŋ 16:18

Wɛn Zimray si se dɛn dɔn kapchɔ di siti, i rɔn go ayd midul di kiŋ in os usay nɔbɔdi nɔ go kech am; i put faya de so in ɛn di ples ɔl bɔn.

Di Jɔj Dɛm 9:54

Wantɛm wantɛm i kɔl di yɔŋman we de ol di ayɛn klos we i kin wɛr nain bɔdi fɔ fɛt ɛn tɛl am lɛ i tek in sɔd kil am, lɛ pipul dɛn nɔ go tɔk se na uman kil am.

Matyu 26:61

dɛn tɔk se, “Dis man se in ebul brok Gɔd in Os, dɔn i go tek tri de fɔ bil am bak.”

Matyu 27:6

Di bigman dɛn we de mek sakrifays fɔ pipul sin tek di silva kɔpɔ ɛn se, “Dis na blɔd kɔpɔ, wi Ju Lɔ nɔ alaw wi fɔ put am na di ples we wi de kip ɔl di kɔpɔ we de na Gɔd in Os.”