Matyu 27:4 - Krio Fɔs Oli Baybul

⁴ I se, “A dɔn sin, bikɔs a dɔn sɛl pɔsin we nɔ du bad ɛn dat go mek dɛn kil am.” Dɛn se, “Wi nɔ bisin de, dat na yu biznɛs.”

Matyu 27:4 Referans Kwoze

Jɔn In Fɔs Lɛta 3:12

Wi nɔ fɔ tan lɛkɛ Ken we bin kil in brɔda; Ken bin blant Setan. Wetin du Ken kil in brɔda? Na bikɔs i bin de du dɛn tin we Gɔd nɔ want, ɛn in brɔda bin de du wetin rayt na Gɔd yay.

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Taytɔs 1:16

Dɛn de se dɛn no Gɔd, bɔt di tin dɛn we dɛn de du sho se dɛn nɔ no am. Dɛn gɛt bad at, dɛn nɔ de yɛri wɔd, dɛn nɔ fit fɔ du ɛnitin we gud.

Fɔs Lɛta To Timoti 4:2

Na dɛn pipul we de lay, de lan pipul dɛn tin ya i tan lɛkɛ dɛn dɔn bɔn dɛn at na faya ɛn dat mek dɛn nɔ gɛt kɔnshɛns igen.

Lɛta Fɔ Rom 3:19

Wi dɔn no naw se ɔltin we de na di Ju Lɔ na fɔ dɛn pipul we fil se dɛn mɔs kip am. Di Lɔ de so dat nɔbɔdi nɔ go se in nɔ no wetin rayt fɔ du, ɛn, pantap dat i go mek Gɔd jɔj ɔlman na wɔl.

Apɔsul Dɛn Wok 13:28

Jizɔs nɔ bin du natin bad we fɔ mek dɛn kil am, bɔt di pipul dɛn tɛl Paylet fɔ kil am.

Jɔn 19:7

Di pipul dɛn ansa se, “Wi lɔ se i fɔ day, bikɔs i se in na Gɔd in Pikin.”

Lyuk 23:47

Wɛn di bigman fɔ dɛn soja man si wetin bi, i tɛl Gɔd tɛnki, i se, “Fɔ tru, dis man ya nɔ bin du ɛnitin bad.”

Lyuk 23:41

Dɛn kɔndɛm mi ɛn yu na ya fɔ wetin wi du ɛn wi de gɛt wi pe fɔ ɔl dɛn bad tin we wi du, bɔt dis man ya nɔ du ɛni bad tin.”

Lyuk 23:22

Paylet tɔk to dɛn wan tɛm mɔ mek tri ɛn aks dɛn se, “Wetin du, us bad tin dis man du? A nɔ si se dis man du bad tin we fɔ mek dɛn nel am pan di krɔs; a go jɛs mek dɛn bit am nɔmɔ ɛn lɛf am.”

Matyu 27:54

Wɛn di soja ɔfisa ɛn di soja man dɛn we bin de gyad Jizɔs si wetin bi wɛn di grɔn shek, dɛn se, “Dis man na Gɔd in Pikin, fɔ tru!”

Matyu 27:19

Wɛn Paylet sidɔm na di chia fɔ jɔj Jizɔs, Paylet in wɛf sɛn tɛl am se, “Nɔ gɛt natin fɔ du wit dis man we de waka tret, bikɔs las nɛt di drim we a drim bɔt am bin wɔri mi tumɔs.”

Jona 1:14

Nain dɛn pre to PAPA GƆD se lɛ i fɔgiv dɛn ɛn nɔ pɔnish dɛn fɔseka Jonain layf, bikɔs nain PAPA GƆD mek ɔl dat de bi.

Jɛrimaya 26:15

Una jɛs no se, if una kil mi, una go put inosɛnt blɔd na una an ɛn na dis siti ɛn pan di wan dɛm we tap de, bikɔs na tru se, na PAPA GƆD sɛn mi to una, fɔ tɔk ɔl dɛn wɔd ya na una yes.”

Job 16:2

“A dɔn yɛri dɛn kayn tɔk de plɛnti plɛnti; una nɔn nɔ sabi koks pɔsin.

2 Kiŋ 24:4

mɔ lɛk we i bin de shɛd inosɛnt blɔd. Manasɛ bin jɛs de kil pipul dɛn fitifata ɛn mek di wanol Jerusɛlɛm ful-ɔp wit blɔd; dat mek PAPA GƆD nɔ gri fɔgiv am.

1 Kiŋ 21:27

Wɛn Eab yɛri wetin Ilayja tɔk, i chɛr in klos, wɛr saklɔth ɛn fast. Na di saklɔth in bin de slip wit. Wɛn i kin de waka na so i kin luk ɔmbul.

1 Samiɛl 15:30

Sɔl ansa se i no se i dɔn sin bɔt beg Samiɛl lɛ i go bak wit am fɔ wɔship PAPA GƆD ɔ nɔ so i go shem pan di bigman dɛn we de na Izrɛl.

1 Samiɛl 15:24

Na da tɛm de Sɔl se in dɔn sin ɛn du wetin nɔ rayt to PAPA GƆD. I se, in bin de fred in pipul dɛn so i du wetin dɛn want.

Ɛksodɔs 12:31

Da sem nɛt de di kiŋ sɛn kɔl Mozis ɛn Erɔn ɛn tɛl dɛn se,

Ɛksodɔs 9:27

Di kiŋ sɛn kɔl Mozis ɛn Erɔn ɛn mek se i se in gri se a dɔn du bad ɛn di Ibru dɛn PAPA GƆD gɛt rayt, bɔt mi ɛn mi pipul rɔŋ.

Rɛvɛleshɔn 11:10

Di pipul dɛn na wɔl go gladi we dɛn tu pipul ya day. Dɛn go mek pati ɛn dash dɛn kɔmpin bikɔs dɛn tu prɔfɛt ya bin de tɛl pipul Gɔd in mɛsej we bin de tɔmɛnt dɛn.

Job 13:4

As fɔ una, una jɛs de kɔba tin we una nɔ ɔndastand wit bɔku bɔku lay; una na lɛk dɔkta we de gi mɛrɛsin we nɔ de mɛn.

1 Samiɛl 19:5

I tɛl Sɔl se Devid risk in layf fɔ kil di Filistin ɛn bikɔs ɔf dat PAPA GƆD pul Izrɛl pan shem ɛn ɔlman si dat ɛn gladi. I aks am se wetindu i go want fɔ kil pɔsin lɛk Devid we nɔ du natin rɔŋ.

Di Sam Dɛm 94:21

Dɛn de gi rayt to udat gɛt rɔŋ, dɔn dɛn sɛntɛns pɔsin fɔ natin.

Prɔvabs 12:8

If yu gɛt sɛns, dɛn go prez yu, bɔt if yu de mek ful, dɛn nɔ go luk yu wit bɛtɛ yay.