Matyu 27:2 - Krio Fɔs Oli Baybul

² Dɛn mek pipul tay Jizɔs wit chen, dɔn dɛn kɛr am go ɛn an am gi Paylet we na bin di Roman gɔvna.

Matyu 27:2 Referans Kwoze

Apɔsul Dɛn Wok 3:13

Na di Gɔd we wi grampapa papa dɛn, Ebraam, Ayzak, ɛn Jekɔb bin de pre to, na dis sem Gɔd dɔn gi Jizɔs we nain savant, di pawa fɔ mɛn dis man. Wɛn una bin kɛr Jizɔs go bifo Paylet ɛn Paylet bin want mek Jizɔs fri, una bin tɔk bad bɔt am.

Matyu 20:19

Afta dat, dɛn go an am ova gi di Roman bigman dɛn we de na Jerusɛlɛm. Di pipul dɛn we lib de go laf am, bit am ɛn nel am pan krɔs; bɔt i go rayz frɔm di grev di de we mek tri.”

Fɔs Lɛta To Timoti 6:13

Bifo Gɔd we de gi ɔltin na layf, ɛn bifo Jizɔs Krays we nɔ fred fɔ tɔk bɔt insɛf bifo da gɔvna we dɛn kɔl Pɔnchɔs Paylet, a de tɛl yu dɛn tin ya:

Lyuk 13:1

Da sem tɛm de, sɔm pipul we bin de wit Jizɔs tɛl am bɔt dɛn pipul we kɔmɔt Galili we Paylet kil wɛn dɛn de mek sakrifays to Gɔd.

Di Ibru Pipul Dɛn 13:3

Una mɛmba dɛn pipul we de na jel, lɛkɛ se unasɛf de na jel wit dɛn; ɛn una mɛmba dɛn pipul we de sɔfa, ɛn una put unasɛf na dɛn ples.

Sɛkɛn Lɛta To Timoti 2:9

A de sɔfa bikɔs a de tɛl pipul di Gud Nyuz, dɛn chen mi sɛf lɛkɛ jelman, bɔt dɛn nɔ go chen Gɔd in wɔd;

Apɔsul Dɛn Wok 28:20

A kɔl una fɔ si una ɛn tɛl una se dɛn chen mi fɔseka di pɔsin we di Izrɛl pipul dɛn abop pan.”

Apɔsul Dɛn Wok 24:27

Wɛn tu ia dɔn pas, Filiks kɔmɔt na pawa ɛn Pɔsiɔs Fɛstɔs tek in ples. Filiks bin want mek di Ju pipul dɛn lɛk am so i nɔ fri Pɔl bifo i go.

Apɔsul Dɛn Wok 22:29

Di soja man dɛn we bin want bit Pɔl tɔn bak wantɛm. Dɛn edman fred wɛn i no se Pɔl na Roman bikɔs i bin mek dɛn tay am.

Apɔsul Dɛn Wok 22:25

Bɔt wɛn dɛn want bit am, dɛn tay am; nain Pɔl aks di soja man dɛn edman we bin tinap de se, “Di lɔ tɛl una se una kin bit pɔsin we na Roman wɛn una nɔ jɔj am yet?”

Apɔsul Dɛn Wok 21:33

Di soja man dɛn edman go mit Pɔl ɛn mek dɛn tay am wit tu chen. Dɛn, i aks dɛn se, “Udat na dis man, wetin i du?”

Apɔsul Dɛn Wok 12:6

Di nɛt bifo di mɔnin we Ɛrɔd bin mekɔp fɔ mek dɛn jɔj Pita, Pita bin de slip midul tu soja man dɛn. Dɛn bin tay am wit tu chen ɛn ɔda soja man dɛn bin tinap na di get de gyad di ples.

Apɔsul Dɛn Wok 9:2

go aks am fɔ gi am pepa we go sho se i gɛt pawa fɔ go insay di Ju mitin os na Damaskɔs, so dat if i mit ɛnibɔdi we de waka aw di Masta se pipul fɔ waka, i go ol di pɔsin, man ɔ uman, kɛr am go bak na Jerusɛlɛm.

Apɔsul Dɛn Wok 4:27

Fɔ tru, Ɛrɔd ɛn Pɔnchɔs Paylet ɛŋ ed na Jerusɛlɛm wit dɛn Roman pipul ɛn dɛn pipul na Izrɛl fɔ bagin fɔ du Jizɔs bad. Dis Jizɔs ya gi insɛf fɔ wok fɔ yu ɛn nain yu dɔn mek bi di Mɛsaya.

Jɔn 18:24

Anas mek dɛn kɛr Jizɔs go bifo Kaye fas we na bin di edman fɔ dɛn man we de mek sakrifays fɔ pipul sin. Dɛn nɔ bin lus Jizɔs yet.

Jɔn 18:12

Di Roman sojaman dɛn, di soja man dɛn bigman, ɛn di gyad dɛn ol Jizɔs ɛn tay am,

Lyuk 20:20

So dɛn bigin wach Jizɔs, ɛn dɛn sɛn ɔda pipul fɔ wach am. Dɛn tɛl di pipul dɛn we dɛn sɛn, fɔ mek lɛkɛ se dɛn na gud pipul, so dat dɛn go tek di wɔd dɛn we Jizɔs de tɔk kech am ɛn dɛn go kɛr am go bifo di bigman we de rul fɔ mek i go jɔj am.

Lyuk 3:1

Di ia we mek fiftin we di kiŋ na Rom we nem Kiŋ Taybiryɔs bin dɔn de na pawa, Pɔnchɔs Paylet na bin gɔvna na Judia ɛn Ɛrɔd bin de rul na Galili. Ɛrɔd in brɔda we nem Filip bin de rul na Ituraea ɛn Trakonitis. Laysenyas bin de rul na Abileni.

Jɛnɛsis 22:9

We dɛn rich na di ples we PAPA GƆD bin dɔn tɛl Ebraam bɔt, i bil di ɔlta ɛn put di wud de. I tay in pikin ɛn put am fɔ lidɔm pantap di wud na di ɔlta.

Matyu 28:14

Ɛn if di gɔvna yɛri bɔt dat, wi go tɛl am se nɔto una fɔlt. Wi nɔ go mek trɔbul mit una.”

Lyuk 23:1

Na de ɔl di pipul dɛn we bin de jɔj na di Ju gran kot grap ɛn kɛr Jizɔs go bifo Paylet.

Lyuk 23:12

Ɛrɔd ɛn Paylet nɔ bin lɛk dɛnsɛf, bɔt frɔm da tɛm de we Ɛrɔd sɛn Jizɔs go to Paylet bak, dɛn tu kam bi padi.

Jɔn 18:28

Ali mɔnin di gyad dɛn go pul Jizɔs na Kaye fas in os kɛr am go na di gɔvnain os. Di Ju bigman dɛn nɔ go insay di gɔvnain os, bikɔs dɛn Ju Lɔ se if dɛn go insay os we pipul we nɔto Ju tap, dɛn nɔ go klin na Gɔd yay, ɛn dat go mek dɛn nɔ fit fɔ it pan di it we dɛn mek fɔ di Pasova.

Di Jɔj Dɛm 15:12

Nain dɛn tɛl am se, dɛn go dɔŋ de fɔ go tay am gi di Filistin dɛn. Nain Samsin se lɛ dɛn swɛ se nɔto dɛnsɛf wan kil am.