Matyu 27:1 - Krio Fɔs Oli Baybul

¹ Wɛn do klin, ɔl di man dɛn we de mek sakrifays fɔ pipul sin ɛn di ɔda Ju bigman dɛn ɛŋ ed fɔ kil Jizɔs.

Matyu 27:1 Referans Kwoze

Mak 15:1

Wɛn do klin, di bigman dɛn we de mek sakrifays fɔ pipul sin, di ɔda Ju bigman dɛn, di Ju Lɔ ticha dɛn, ɛn ɔl di ɔda mɛmba dɛn na di Ju gran kot go ɛŋ ed. Dɛn mek dɛn tay Jizɔs ɛn kɛr am go bifo Paylet.

Jɔn 18:28

Ali mɔnin di gyad dɛn go pul Jizɔs na Kaye fas in os kɛr am go na di gɔvnain os. Di Ju bigman dɛn nɔ go insay di gɔvnain os, bikɔs dɛn Ju Lɔ se if dɛn go insay os we pipul we nɔto Ju tap, dɛn nɔ go klin na Gɔd yay, ɛn dat go mek dɛn nɔ fit fɔ it pan di it we dɛn mek fɔ di Pasova.

Lyuk 22:66

Wɛn do klin, dɛn bigman we de mek sakrifays fɔ pipul sin, di ɔda Ju bigman dɛn, ɛn dɛn Ju Lɔ ticha mit fɔ jɔj kes. Di soja man dɛn kɛr Jizɔs go bifo dɛn,

Mayka 2:1

Eya! I go kɔmɔt bad pan dɛn wan we nɔ kin de slip na nɛt, bifo dat dɛn kin jɛs de mɛmba aw fɔ du bad. As do klin so, dɛn kin mekes fɔ go du di bad we dɛn plan wans dɛn gɛt di pawa.

Di Sam Dɛm 2:2

Di kiŋ dɛn we de rul grap wit wanwɔd ɛn mek bagin pan PAPA GƆD ɛn di kiŋ we i chuz.

Matyu 23:13

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de baŋ do pan pipul fes mek dɛn nɔ go insay di say we Gɔd de rul, unasɛf nɔ de go insay, ɛn una nɔ de gri mek dɛn pipul we want go insay, go de. [

Apɔsul Dɛn Wok 5:21

Di apɔsul dɛn du wetin di enjɛl tɛl dɛn fɔ du. Wɛn do klin di apɔsul dɛn go na Gɔd in Os ɛn bigin tɛl di pipul dɛn bɔt Gɔd. Di edman pan dɛn man we de mek sakrifays fɔ pipul sin ɛn in kɔmpin dɛn kɔl mitin wit di Ju bigman dɛn na di Ju gran kot; dɛn sɛn go na di jel fɔ mek dɛn briŋ di apɔsul dɛn kam mit dɛn.

1 Samiɛl 19:11

Sɔl sɛn man dɛn na Devid in os as wachman dɛn so dat we do klin dɛn go kil am. Bɔt Mikal in wɛf tɛl am se if i nɔ rɔnawe da nɛt de, dɛn go kil am di nɛks de.

Di Jɔj Dɛm 16:2

We dɛn tɛl di Gazayt dɛn se Samsin de de, dɛn sɔrawnd di ples ɛn mek ambush fɔ am na di siti get ol nɛt. Dɛn bin de de kwayɛt wanol nɛt de tɔk na dɛn at se, dɛn go bia te mɔnin kam; na da tɛm de dɛn go kil am.

Di Sam Dɛm 31:13

A de yɛri dɛn lay ɛn koŋosa; a de fred fɔ kɔmɔt. Dɛn dɔn sɛt trap fɔ mi ɔlsay dɛn wan fɔ kil mi.

Di Sam Dɛm 71:10

Mi ɛnimi dɛn de tɔk bad bɔt mi; dɛn wan we de fɛn we fɔ kil mi.

Lyuk 13:1

Da sem tɛm de, sɔm pipul we bin de wit Jizɔs tɛl am bɔt dɛn pipul we kɔmɔt Galili we Paylet kil wɛn dɛn de mek sakrifays to Gɔd.