Matyu 26:41 - Krio Fɔs Oli Baybul

⁴¹ Una nɔ slip, una pre, so dat Setan nɔ go tray una fɔ mek una sin. Una want du di rayt tin bɔt una nɔ gɛt di pawa fɔ du am.”

Matyu 26:41 Referans Kwoze

Lyuk 22:46

Nain i aks dɛn se, “Wetin mek una de slip? Una grap ɛn pre so dat Setan nɔ go tray una fɔ mek una sin.”

Mak 14:38

Una fɔ waydawek ɛn una fɔ pre mek una nɔ go sin wɛn Setan tray una. Una want du di rayt tin, bɔt una nɔ gɛt di pawa fɔ du am.”

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”

Rɛvɛleshɔn 16:15

“Lisin! A de kam tɛm we una nɔ mekɔp, lɛkɛ wɛn tifman de kam! I go bɛtɛ fɔ di pɔsin we nɔ de slip ɛn we wɛr klos, so dat i nɔ go gɛt fɔ waka nekɛd ɛn shem bifo pipul!”

1 Kɔrint 16:13

Una fɔ waydawek, una fɔ tinap traŋa pan di biliv we una biliv pan Gɔd, una fɔ gɛt kɔrej, una nɔ fɔ mek ɛnitin pul una pan di wok we una de du fɔ Gɔd.

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

1 Kɔrint 10:13

Ɛnitɛm we una fil fɔ du bad, una fɔ mɛmba se ɔda pipul sɛf kin fil fɔ du dɛn sem tin de. Bɔt Gɔd we de du ɛnitin we i prɔmis fɔ du, nɔ go mek una fil fɔ du ɛni bad tin we una nɔ go gɛt pawa fɔ lɛf; bɔt wɛn una fil fɔ du bad, da sem tɛm de Gɔd go mek una ebul tinap traŋa ɛn i go sho una wetin fɔ du mek una nɔ go du di bad tin we una bin want fɔ du.

Pita In Sɛkɛn Lɛta 2:9

Ɔl dis sho se di Masta de pul gud pɔsin pan waala ɛn i de pɔnish dɛn bad pɔsin te di de we i go jɔj dɛn, rich,

Matyu 24:42

“Na dat mek una fɔ waydawek, bikɔs una nɔ no di de we una Masta go kam.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Pita In Fɔs Lɛta 4:7

Di tɛm we di wɔl go dɔn nɔ fa igen, so una ed fɔ stɛdi ɛn una fɔ waydawek fɔ de pre ɔltɛm.

Lyuk 22:40

Wɛn i rich, Jizɔs tɛl di lanin bɔy dɛn se, “Una pre so dat Setan nɔ go tray una fɔ mek una sin.”

Lɛta Fɔ Galeshya 5:24

Ɛn dɛn pipul we na Krays Jizɔs yon nɔ de du dɛn bad tin we dɛn at gi dɛn fɔ du. Ɔlman gɛt dɛn kayn bad tin dɛn ya na dɛn at ɛn dɛn lɛk fɔ du dɛn.

1 Kɔrint 9:27

A de du ɔl dɛn traŋa tin we go mek mi bɔdi traŋa ɛn mek a ebul kɔntrol am, lɛ Gɔd nɔ go se, mi we dɔn tren pipul fɔ rɔnres, misɛf nɔ fit fɔ rɔn.

Matyu 25:13

Afta dat, Jizɔs tɔk to di pipul dɛn, i se, “Una fɔ waydawek, bikɔs una nɔ no di de ɔ di awa we Mɔtalman Pikin go kam.

Di Sam Dɛm 119:32

A go de du wetin yu want mi fɔ du ɔltɛm wans yu mek a ɔndastand am mɔ.

Matyu 26:38

Nain i se, “Mi at so ebi dat a fil fɔ day. Una wet na ya, una wek ɛn pre wit mi.”

Di Sam Dɛm 119:1

Dɛn pipul we liv aw PAPA GƆD se dɛn fɔ liv, gɛt blɛsin bikɔs dɛn nɔ go gɛt bɔt na dɛn layf.

Lɛta Fɔ Rom 8:3

Gɔd dɔn du wetin di Lɔ nɔ ebul du bikɔs mɔtalman nɔ ebul ɛp insɛf. Gɔd kɔndɛm di sin we de wok insay mɔtalman in at wɛn i sɛn in yon Pikin lɛkɛ mɔtalman kam na wɔl fɔ pul sin kɔmɔt na mɔtalman in at.

Lyuk 11:4

Padin wi fɔ di bad tin dɛn wi de du, bikɔs wisɛf de padin dɛn wan we de du wi bad. Mek wi nɔ lɛf fɔ biliv yu ɛnitɛm we Setan tray wi.’”

Lyuk 8:13

Dɛn sid we fɔdɔm pan ston ston na dɛn pipul we yɛri Gɔd in wɔd; dɛn gladi ɛn biliv am, bɔt dɛn tan lɛkɛ tin we fɔ gro bɔt we nɔ gɛt rut; dɛn kin biliv fɔs, bɔt wɛn Setan tray dɛn lili bit nɔmɔ, dɛn nɔba biliv igen.

Di Sam Dɛm 119:117

Tinap fɔ mi nɔmɔ, a nɔ go de pan trɔbul; a go de rɛspɛkt yu lɔ dɛn ɔltɛm.

Di Sam Dɛm 119:115

Una lɛf mi, una dɛn bad pipul, mek a du wetin PAPA GƆD se a fɔ du.