Matyu 26:4 - Krio Fɔs Oli Baybul

⁴ Dɛn bagin fɔ ol Jizɔs ɛn kil am, mek plɛnti pipul nɔ no.

Matyu 26:4 Referans Kwoze

Matyu 12:14

Di Faresi dɛn kɔmɔt de go ɛŋ ed aw fɔ kil Jizɔs.

Apɔsul Dɛn Wok 13:10

ɛn tɛl am se, “Yu na Setan in pikin, yu nɔ lɛk ɛnitin we gud. Na bad ful yu at. Wetin mek yu want pul pipul dɛn kɔmɔt na di Masta in tret rod?

Di Sam Dɛm 2:2

Di kiŋ dɛn we de rul grap wit wanwɔd ɛn mek bagin pan PAPA GƆD ɛn di kiŋ we i chuz.

Apɔsul Dɛn Wok 7:19

Dis nyu kiŋ ya tek advantej pan wi pipul dɛn ɛn i mek wi pipul dɛn sɔfa bad. I fos wi grampapa papa dɛn fɔ trowe dɛn pikin na do, mek di pikin dɛn go day.

Matyu 23:33

Una na snek! Una nɔ fɔ tink se una go ebul du ɛnitin we go mek Gɔd nɔ kɔndɛm una fɔ go ɛl.

Jɛnɛsis 3:1

Naw di snek bin kɔni pas ɔl di ɔda animal dɛn we PAPA GƆD bin mek. Di snek aks di uman se, “Fɔ tru tru PAPA GƆD tɛl una se, una nɔ fɔ it di frut dɛn pan ɔl di tik dɛn na di fam?”

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

Mak 14:1

I bin jɛs lɛf tu de bifo di Ju ɔlide we dɛn kɔl Pasova, we dɛn kin it bred we nɔ gɛt yist. Di bigman dɛn we de mek sakrifays fɔ pipul sin ɛn di Ju Lɔ ticha dɛn bin de fɛn we fɔ ol Jizɔs ɛn kil am, mek plɛnti pipul nɔ no.

Jɔn 11:53

Frɔm di de we Kaye fas tɔk dat, di Ju bigman dɛn bigin tay bagin fɔ kil Jizɔs.

Prɔvabs 24:15

Nɔ le ambush fɔ atak pɔsin we de waka tret na PAPA GƆD in yay nain os, nɔ ambɔg am atɔl;