Matyu 26:13 - Krio Fɔs Oli Baybul

¹³ A de tɛl una se, ɔlɔbɔt na wɔl we dɛn go tɛl pipul dis gud nyuz, dɛn mɔs mɛmba dis uman fɔ dis wok ya we i dɔn du.”

Matyu 26:13 Referans Kwoze

Mak 14:9

A de tɛl una se, ɛni say na wɔl we dɛn de tɛl pipul di Gud Nyuz, dɛn mɔs mɛmba dis uman ɛn tɔk bɔt dis tin we i dɔn du so.”

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Di Sam Dɛm 112:6

Natin nɔ ful in yay, ɛn pipul nɔ go ɛva fɔgɛt am.

Di Ibru Pipul Dɛn 6:10

Gɔd nɔ de du ɛnibɔdi bad, so i nɔ go fɔgɛt di wok we una dɔn du, ɛn i nɔ go fɔgɛt di lɛk we una lɛk am we una bin ɛp una kɔmpin Kristiɛn dɛn, ɛn aw una stil de ɛp dɛn.

Ayzaya 52:9

Una ɔl bigin siŋ togɛda, una dɛn ɛmti ples dɛn na Jerusɛlɛm; bikɔs PAPA GƆD dɔn koks in pipul dɛn, I dɔn ridim Jerusɛlɛm.

1 Samiɛl 2:30

Di man we de tɔk fɔ PAPA GƆD se, na dat mek PAPA GƆD we na di PAPA GƆD we Izrɛl de wɔship se in bin dɔn se na Ilaɛl in famili ɛn dɛn jɛnareshɔn go bi di man dɛn we de mek sakrifays fɔ pipul sin te go, bɔt in de se i nɔ gɛt fɔ bi so igen, bikɔs na udat sho rɛspɛkt fɔ am, i go rɛspɛkt, bɔt udat de lili am, insɛf nɔ go bisin bɔt am.

Rɛvɛleshɔn 14:6

Dɛn a si wan ɔda enjɛl de flay ɔp ɔp, i bin de tɛl pipul di Gud Nyuz we go de sote go, dɛn pipul ya kɔmɔt na ɔl dɛn trayb, ɔl dɛn neshɔn ɛn dɛn de tɔk ɔl dɛn difrɛn laŋwej, blakman o, wetman o, ɔl de pan dɛn.

Fɔs Lɛta To Timoti 2:6

i sakrifays in layf fɔ tek bay mɔtalman bak. Na di tin dat we, wɛn di rayt tɛm rich, Gɔd sho mɔtalman fɔ mek dɛn no se in want sev dɛn.

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Lɛta Fɔ Kɔlɔse 1:6

Di Gud Nyuz de prɛd ɔlɔbɔt na wɔl ɛn i de mek pipul gɛt blɛsin, jɛs lɛkɛ aw i rich una ɛn i de blɛs una frɔm di de we una yɛri ɛn ɔndastand fɔ tru aw Gɔd lɛk una ɛn aw i gud to una.

2 Kɔrint 10:18

Pɔsin we Gɔd gri fɔ, na pɔsin we in tɔk se du wɛl, nɔto pɔsin we nainsɛf de tɔk se in de du wɛl.

Lɛta Fɔ Rom 15:19

di wɔndaful wok dɛn we sho se Gɔd gɛt pawa, ɛn di pawa we Gɔd in Spirit gɛt mek dɛn du wetin Gɔd bin want dɛn fɔ du. Ɛni say we a tap wɛn a bin kɔmɔt Jerusɛlɛm de go Ilirikum, a tɛl pipul di Gud Nyuz bɔt Krays.

Lɛta Fɔ Rom 10:18

Bɔt mek a aks una sɔntin: Na tru se di Ju dɛn nɔ bin dɔn yɛri di mɛsej bɔt Jizɔs Krays? Dɛn bin dɔn yɛri di mɛsej, yɛs. Dɛn rayt na Gɔd in Buk se: “Ɔl dɛn pipul ɔlɔbɔt na wɔl yɛri di wɔd dɛn we di mɛsenja dɛn tɔk.”

Lyuk 24:47

Fɔseka di tin we i du ɛn se, una fɔ go na Jerusɛlɛm fɔs, dɛn ɔlɔbɔt na wɔl, go tɛl pipul fɔ lɛf fɔ sin ɛn da tɛm de Gɔd go padin dɛn sin.

Mak 16:15

Jizɔs se, “Una go ɔlɔbɔt na di wɔl ɛn tɛl ɔlman di Gud Nyuz bɔt mi.

Mak 13:10

Bifo di wɔl dɔn, pipul ɔlɔbɔt na wɔl fɔ dɔn yɛri di Gud Nyuz fɔs.

Matyu 28:19

Una go ɔlɔbɔt na di wɔl ɛn mek di pipul dɛn bi mi lanin bɔy dɛn; una baptayz dɛn wit di pawa we Papa Gɔd ɛn in Pikin ɛn in Spirit gi una.

Apɔsul Dɛn Wok 10:4

Kɔnilyɔs skyad ɛn luk di enjɛl ɛn se, “Wetin yu want, sa?” Di enjɛl se, “Gɔd dɔn yɛri dɛn pre we yu kin de pre, i dɔn si di gud wok we yu dɔn du fɔ dɛn po pipul, ɛn i dɔn ansa yu.