Matyu 26:10 - Krio Fɔs Oli Baybul

¹⁰ Jizɔs bin no wetin dɛn de tɔk, so i aks dɛn se, “Wetin du una de ambɔg di uman? I dɔn du fayn ɛn big wok fɔ mi.

Matyu 26:10 Referans Kwoze

Taytɔs 3:8

Na tru tin a de tɛl yu so, ɛn yu fɔ biliv am. A want fɔ mek yu mek shɔ se dɛn du dɛn tin ya, so dat dɛn wan we biliv pan Gɔd go want du gud wok we go ɛp ɔlman.

Di Ibru Pipul Dɛn 13:21

A de pre mek Gɔd gi una ɔl dɛn gud tin we una nɔ gɛt, so dat una go yus dɛn gud tin de fɔ du wetin i want una fɔ du. A de pre mek Gɔd mek Jizɔs Krays in pawa wok na wi ɔl at, so dat wi go bi aw i want wi fɔ bi. A de pre mek pipul prez ɛn rɛspɛkt Jizɔs Krays sote go! Emɛn.

Taytɔs 3:14

Sho wi pipul aw fɔ yus dɛn tɛm fɔ du gud wok, so dat dɛn kin ɛp ɔda pipul fɔ gɛt wetin dɛn fɔ gɛt; dɛn nɔ fɔ du ɛni wok we nɔ go ɛp ɔda pipul.

Taytɔs 3:1

Mɛmba di Kristiɛn dɛn we yu de wok wit fɔ de du wetin di gɔvmɛnt ɛn di pipul dɛn we dɛn put oba dɛn, tɛl dɛn fɔ du ɛn fɔ rɛdi fɔ du ɔltin we gud.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Taytɔs 1:16

Dɛn de se dɛn no Gɔd, bɔt di tin dɛn we dɛn de du sho se dɛn nɔ no am. Dɛn gɛt bad at, dɛn nɔ de yɛri wɔd, dɛn nɔ fit fɔ du ɛnitin we gud.

Sɛkɛn Lɛta To Timoti 2:21

So if pɔsin lɛf fɔ du ɔl kayn bad tin, Gɔd go yus am fɔ du dɛn spɛshal wok bikɔs di pɔsin dɔn gi in Masta ɔl in layf ɛn i de du ɔl di wok we in Masta gi am fɔ du, ɛn i rɛdi fɔ du ɔl kayn gud wok.

Fɔs Lɛta To Timoti 5:10

ɛn ɔlman fɔ no am fɔ di gud tin dɛn we i de du: i fɔ bi uman we tren in pikin dɛn gud, we kin du gud fɔ trenja, we kin wok fɔ di Kristiɛn dɛn, we kin ɛp dɛn pipul we de pan trɔbul, ɛn we kin du ɔl kayn gud wok.

Fɔs Lɛta To Timoti 3:1

Na tru dɛn kin tɔk we dɛn kin se: If man want bi ovasia na gud gud wok i want du so.

Sɛkɛn Lɛta Fɔ Tɛsalonayka 2:17

kɔrej una ɛn ɛp una fɔ du ɛn tɔk ɔl wetin gud.

Lɛta Fɔ Kɔlɔse 1:10

Dat go mek una ebul du wetin di Masta want, ɛn ɔltɛm una go de du di tin we go mek i gladi; una go de du ɔl kayn gud wok, ɛn una go de no mɔ ɛn mɔ bɔt Gɔd.

Lɛta Fɔ Ɛfisɔs 2:10

Na Gɔd mek wi ɛn bikɔs wi gɛt wanwɔd wit Jizɔs Krays, Gɔd dɔn gi wi nyu layf. Gɔd bin dɔn plan lɔntɛm se we wi dɔn gɛt dis nyu layf, wi go de ɛp ɔda pipul.

Lɛta Fɔ Galeshya 6:17

Bifo a dɔn wetin a de rayt una, a de tɛl una se: una nɔ mek ɛnibɔdi mek a sɔfa igen, bikɔs a gɛt di wip mak dɛn na mi bɔdi we sho se mi na Jizɔs in slev.

Lɛta Fɔ Galeshya 5:12

A de abop se di pipul dɛn we de mek una at wam go kɔmɔt biɛn una, ɛn lɛf una to unasɛf.

Lɛta Fɔ Galeshya 1:7

Ɔda gud nyuz nɔ de, bɔt sɔm pipul want mek una lɛf fɔ biliv pan Krays, dɛn de tray fɔ chenj di Gud Nyuz we tɔk bɔt Krays.

2 Kɔrint 9:8

Ɛn Gɔd ebul gi una ɔl wetin una nid fɔ gɛt, ɛn mɔ, so dat una go gɛt ɔl wetin una nid fɔ gɛt fɔ unasɛf, ɛn plɛnti mɔ we una go tek ɛp ɔda pipul.

Mak 14:6

Jizɔs se, “Una lɛf fɔ tɔk pan di uman! Wetin du una de ambɔg am? Na gud wok i dɔn du fɔ mi so!

Job 13:7

Wetindu una de lay fɔ PAPA GƆD ɛn wetindu una de lay gi mi?

Nɛimaya 2:18

A tɛl dɛn bak aw PAPA GƆD dɔn de ɛp mi ɛn wetin ɛn wetin mi ɛn di kiŋ tɔk. Dɛn ansa se, “Mek wi bigin di wok wantɛm.” So dɛn pik zil ɛn bigin du di gud wok.

Pita In Fɔs Lɛta 2:12

Di we we una liv wit dɛn pipul we nɔ no Gɔd fɔ fayn, so dat wɛn dɛn go de tɔk se una de du bad, dɛnsɛf go si se una dɔn du gud wok, fɔ tru, ɛn dat go mek, di de we Gɔd go kam fɔ jɔj di wɔl, dɛn go prez Gɔd.

Matyu 26:9

I bin fɔ gɛt plɛnti kɔpɔ if i bin sɛl di sɛnt, ɛn sheb di kɔpɔ gi dɛn pipul we nɔ gɛt natin.”

Matyu 26:11

Dɛn pipul we nɔ gɛt natin go de wit una ɔltɛm, bɔt mi nɔ go de wit una ɔltɛm.

Lyuk 8:49

Wɛn Jizɔs bin de tɔk, Jayrɔs in bɔy kam mit Jayrɔs ɛn tɛl am se in pikin dɔn day so mek i nɔ wɔri Jizɔs igen.