Matyu 24:6 - Krio Fɔs Oli Baybul

⁶ Una go yɛri bɔt wa we de klos una, ɛn dɛn go tɛl una bɔt wa we de fawe, bɔt una at nɔ fɔ kɔt. Dɛn tin de mɔs bi, bɔt di wɔl nɔ go ɛnd yet.

Matyu 24:6 Referans Kwoze

Lyuk 21:9

Una nɔ fɔ fred wɛn una yɛri bɔt wa we de klos una ɛn we de fawe ɛn wɛn una yɛri se pipul de strayk; dɛn tin ya mɔs bi, bɔt dat nɔ min se di wɔl go dɔn wantɛm.”

Jɔn 14:1

Jizɔs tɛl in lanin bɔy dɛn se, “Una put una at dɔŋ, una nɔ wɔri. Una biliv pan Gɔd, ɛn una biliv pan misɛf.

Sɛkɛn Lɛta Fɔ Tɛsalonayka 2:2

nɔ mek dɛn kɔnfyus una ɔ mek una wɔri if wetin una de tink nɔ rayt. Sɔntɛm pipul min se na wɛn wi de tɔk di wɔd we Gɔd tɛl wi fɔ tɔk nain wi tɔk se di de we di Masta fɔ kam dɔn kam, ɔ na wɛn wi de lan pipul bɔt Gɔd nain wi tɔk so, ɔ na lɛta a rayt dat.

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

Di Sam Dɛm 112:7

I nɔ de fred fɔ yɛri bad nyuz i de gɛt kolat ɛn jɛs de luk ɔp to PAPA GƆD.

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Lyuk 21:19

If una bia ɛn tinap traŋa, una go gɛt tru layf.

Ayzaya 12:2

“Na yu PAPA GƆD gi mi nyu layf; A go biliv yu ɛn nɔ go fred; bikɔs na PAPA GƆD we na mi Gɔd na mi trɛnk, ɛn nain a de siŋ bɔt, ɛn i dɔn bi di wan we gi mi nyu layf.”

Lyuk 22:37

Di tin we dɛn prɔfɛt bin rayt bɔt mi we se, ‘Pipul dɛn min se insɛf na wikɛd man,’ de kam bi tru. Ɔl wetin dɛn prɔfɛt rayt bɔt mi mɔs bi.”

Matyu 26:54

Bɔt if a du dat, aw wetin rayt na Gɔd in Buk go bi, we dɛn se na so Gɔd want wetin de bi naw fɔ bi?”

Izikɛl 21:28

“Ɛn yu mɔtalman, prɔfisay se, na dis Papa Gɔd we na Gɔd se bɔt di Amonayt dɛn, ɛn bɔt dɛn disgres; tɛl dɛn se, wan sɔd, wan sɔd dɔn kɔmɔt nain kes fɔ kil, dɛn pɔlish am te i de glita ɛn de flash lɛk laytin -

Jɛrimaya 47:6

Ey, PAPA GƆD in sɔd! Awlɔŋ yu go de kil pipul? Put yusɛf insay yu kes, ɛn blo kwayɛt wan!

Ayzaya 7:4

ɛn tɛl am se, ‘tek tɛm, yu jɛs sɛt mɔt, nɔ fred ɛn no mek natin kɔnfyus yu, fɔseka dɛn tu af stɔmp dɛn ya we na smok nɔmɔ dɛn de pul. Nɔ fred di bad bad wamat we Rizin ɛn Siria ɛn Rɛmalaya in bɔypikin de mek.

Matyu 2:3

Wɛn Kiŋ Ɛrɔd yɛri dat, in at pwɛl, ɛn na semwe so ɔlman at pwɛl na Jerusɛlɛm.

Rɛvɛleshɔn 6:4

Wan ɔda ɔs kɔmɔt, na bin rɛd ɔs. Dɛn gi di wan we bin de rayd am pawa fɔ briŋ wa kam na wɔl so dat mɔtalman kin de kil dɛn kɔmpin; dɛn gi am sɔd fɔ ol nain an.