Matyu 24:5 - Krio Fɔs Oli Baybul

⁵ Plɛnti man dɛn go tek mi nem kam, ɛn dɛn go kam se dɛn na di Mɛsaya ɛn dɛn go mek plɛnti pipul ful.

Matyu 24:5 Referans Kwoze

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Matyu 24:11

Plɛnti prɔfɛt we nɔ de tɔk tru go kam ɛn mek plɛnti pipul ful.

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

Jɔn In Fɔs Lɛta 2:18

Mi pikin dɛn, di tɛm we di wɔl go dɔn, dɔn kam klos. Dɛn bin dɔn tɛl una se di wan we nɔ lɛk Krays atɔl gɛt fɔ kam, ɛn plɛnti pipul we nɔ lɛk Krays dɔn kam naw; na dat mek wi no se di tɛm we di wɔl go dɔn, dɔn kam klos.

Jɛrimaya 23:25

A dɔn yɛri wetin di prɔfɛt dɛm we de tek mi nem prɔfisay lay lay prɔfisay, se, we dɛn de se, ‘A drim, A drim!

Jɔn 5:43

Na mi Papa sɛn mi, nain mek i kam, bɔt una nɔ gri lisin to mi; bɔt wɛn ɔda pɔsin kam fɔ insɛf, nɔbɔdi nɔ sɛn am, una go lisin to am.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Jɛrimaya 23:21

“A nɔ sɛn di prɔfɛt dɛm, bɔt dɛn rɔn go; a nɔ tɔk to dɛm bɔt dɛn prɔfisay.

Jɛrimaya 37:9

Na dis PAPA GƆD se. Una nɔ ful unasɛf de se, “Paopa, di Babilonian dɛn nɔ go atak wi,” bikɔs dɛn nɔ go lɛf una.

Jɔn 8:24

Na dat mek a tɛl una se, una go day wit ɔl una sin. Ɛn una go day wit una sin, if una nɔ biliv se ‘Mi na di pɔsin we a bi.’”

Jɔn 8:28

So Jizɔs se, “Wɛn una lif Mɔtalman Pikin ɔp, una go no se, ‘Mi na di pɔsin we a bi;’ da tɛm de, una go no se a nɔ de du ɛnitin bay misɛf, na wetin mi Papa tɛl mi fɔ tɔk nɔmɔ a de tɔk.

Jɔn In Fɔs Lɛta 2:22

So udat de lay? Na di wan we se Jizɔs nɔto di Mɛsaya, nain na di wan we nɔ lɛk Krays. I nɔ want fɔ gɛt ɛnitin fɔ du wit Gɔd we na di Papa ɛn i nɔ want fɔ gɛt ɛnitin fɔ du wit Gɔd in Pikin.

Jɔn In Fɔs Lɛta 4:3

Bɔt ɛni bɔdi we nɔ tɔk so bɔt Jizɔs Krays, nɔto Gɔd in Spirit de insay am, na di spirit we nɔ lɛk Krays. Una bin dɔn yɛri se dis spirit ya gɛt fɔ kam na wɔl ɛn i de na di wɔl naw naw.