Matyu 24:2 - Krio Fɔs Oli Baybul

² Jizɔs tɛl dɛn se, “Una si ɔl dis, nɔto so? A de tɛl una se, dɛn go skata dɛn, wan ston nɔ go lɛf pantap in kɔmpin.”

Matyu 24:2 Referans Kwoze

Lyuk 19:44

Dɛn go ib una ɛn una pikin dɛn na grɔn ɔlɔbɔt ɛn dɛn nɔ go lɛf wan ston pan in kɔmpin insay una tɔŋ, bikɔs una nɔ bin no wɛn Gɔd bin kam fɔ sev una.”

Jɛrimaya 26:18

“Mayka na Mɔrɛshɛt, bin de prɔfisay di tɛm we Ɛzikaya na bin kiŋ na Juda, ɛn i bin tɛl ɔl di pipul dɛn na Juda se: ‘Na dis PAPA GƆD Ɔlmayti se, Dɛn go dig Zayɔn lɛkɛ fam; Jerusɛlɛm go tɔn dɔti ip, ɛn di il na PAPA GƆD in os, go tɔn fɔrɛst.

Mayka 3:12

Mayka se ɔl dɛn bad tin ya we dɛn de du go mek pipul nɔ de na Zayɔn, so dɛn go plant ɔlkayn tin de lɛk na fil; ɛn Jerusɛlɛm in go so pwɛl dat na stonston nɔmɔ go de de, dɔn PAPA GƆD in os go tɔn bush.

Pita In Sɛkɛn Lɛta 3:11

We ɔltin gɛt fɔ dɔn so, uskayn pipul una fɔ bi? Una fɔ de waka wit Gɔd ɛn du dɛn tin we go mek pipul no se una na Gɔd yon pipul;

Rɛvɛleshɔn 21:22

A nɔ bin si Gɔd in Os insay di tɔŋ bikɔs Gɔd, we gɛt pawa pas ɔl, ɛn di Ship bin de ɔlɔbɔt na di tɔŋ ɛn ɔlman bin de pre to dɛn ɔlɔbɔt.