Matyu 24:10 - Krio Fɔs Oli Baybul

¹⁰ Ɛn da sem tɛm de plɛnti pipul go tap fɔ biliv pan mi. Dɛn go sɛl dɛn kɔmpin, dɛn go et dɛn kɔmpin.

Matyu 24:10 Referans Kwoze

Lyuk 21:16

Ivin una mama ɛn papa dɛn, una brɔda ɛn sista dɛn, una fambul dɛnsɛf ɛn una padi dɛn go kɛr una go kot ɛn dɛn go kil sɔm pan una.

Mak 13:12

Brɔda go an brɔda oba gi pipul fɔ mek dɛn kil am, semwe, papa go an in pikin gi pipul fɔ mek dɛn kil am. Pikin go fɛt in papa ɛn mama, ɛn i go mek pipul kil dɛn.

Matyu 11:6

Dɛn wan we nɔ de dawt mi gɛt blɛsin.”

Mak 4:17

Bɔt di wɔd nɔ sidɔm gud na dɛn at; dɛn tan lɛkɛ plant we nɔ gɛt rut. Wɛn trɔbul mit dɛn, ɔ pipul ambɔg dɛn bikɔs dɛn biliv di Gud Nyuz, dɛn kin kɔmɔt na di rayt rod.

Sɛkɛn Lɛta To Timoti 4:16

Di fɔs tɛm we a go kot, nɔbɔdi nɔ bin tinap fɔ mi; ɔlman lɛf mi. Mek Gɔd nɔ mak dɛn fɔ dat!

Matyu 13:21

Bɔt di wɔd nɔ sidɔm gud na dɛn at, dɛn biliv fɔs, bɔt i nɔ las. Bikɔs dɛn bin biliv mi wɔd, pipul mek dɛn sɔfa, so dɛn tap fɔ biliv di wɔd.

Matyu 10:21

“Brɔda go mek dɛn kil in brɔda, dadi go mek dɛn kil in pikin, ɛn pikin go mek dɛn kil in mami ɛn dadi.

Sɛkɛn Lɛta To Timoti 4:10

Bikɔs Dimas lɛk dɛn tin we de na di wɔl, i dɔn lɛf mi go; i dɔn go Tɛsalonayka. Krɛsɛns go Galeshya, Taytɔs go Dalmeshia.

Sɛkɛn Lɛta To Timoti 1:15

Yu no se ɔlman na wan pat na Eshya bin lɛf mi go. Fijɛlɔs insɛf wit Amojinis dɔn lɛf mi go.

Matyu 13:57

So di pipul dɛn nɔ bin want Jizɔs fɔ de wit dɛn. Jizɔs tɛl dɛn se, “Prɔfɛt nɔ gɛt rɛspɛkt nain yon tɔŋ ɛn in yon fambul dɛn nɔ rɛspɛkt am, bɔt ɔda pipul rɛspɛkt am.”

Matyu 24:11

Plɛnti prɔfɛt we nɔ de tɔk tru go kam ɛn mek plɛnti pipul ful.