Matyu 23:9 - Krio Fɔs Oli Baybul

⁹ Ɛn una nɔ fɔ kɔl una kɔmpin Kristiɛn ‘Papa’ na dis wɔl, bikɔs na wangren Papa una gɛt we de na ɛvin.

Matyu 23:9 Referans Kwoze

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Di Ibru Pipul Dɛn 12:9

Wɛn wi papa dɛn na dis wɔl pɔnish wi fɔ di bad we wi du, wi kin rɛspɛkt dɛn. So i go bɛtɛ fawe if wi put wisɛf ɔnda wi Papa we de na ɛvin, so dat wi go gɛt tru layf.

Malakay 1:6

I se bɔypikin kin rɛspɛkt in papa dɔn bɔy de rɛspɛkt in masta. I se, so, if dɛn de se in na papa, usay in yon rɛspɛkt de; ɛn if in na masta, usay in rɛspɛkt we i fɔ gɛt go. PAPA GƆD Ɔlmayti se, di man dɛn we de mek sakrifays fɔ pipul sin nɔ gɛt wan rɛspɛkt fɔ am ɛn dɛn nɔ bisin sɛf bɔt in nem.

Matyu 7:11

If una we bad no aw fɔ gi una pikin dɛn gud tin dɛn, Gɔd we na una Papa we de na ɛvin, mɔs gi dɛn wan we aks am gud, gud tin dɛn pas dat.

1 Kɔrint 4:15

If una gɛt ɔmɔs tawzin ticha dɛnsɛf, we una de wit Krays, na wangren papa nɔmɔ una gɛt. We una de waka wit Krays Jizɔs, a dɔn bi una papa we a dɔn briŋ di Gud Nyuz kam to una.

2 Kɔrint 6:18

A go bi una Papa ɛn una go bi mi bɔy pikin ɛn mi gyal pikin dɛn, na so di Masta we gɛt pawa pas ɔl, se.”

Apɔsul Dɛn Wok 22:1

I se, “Mi papa dɛn ɛn mi brɔda dɛn, una lisin mek a tɛl una wetindu una nɔ fɔ kɔndɛm mi!”

2 Kiŋ 2:12

We Ilaɛlsha si di ɔs ɛn karej, i ala se “Mi Papa! Mi Papa! A si di Izrɛlayt dɛn ɔs ɛn karej.” Ilayja lɔs nain yay i nɔ si am igen Ilaɛlsha chɛr in klos tu.

Matyu 6:32

Na dɛn tin ya dɛn pipul we nɔ no Gɔd de fɛn, bɔt Gɔd we na una Papa we de na ɛvin no se una fɔ gɛt ɔl dɛn tin ya.

2 Kiŋ 13:14

Prɔfɛt Ilaɛlsha kam sik bad wan ɛn bin wan fɔ day; so Kiŋ Joash na Izrɛl go mit am ɛn kray pan am se “E mi papa! E mi papa! Na yu bin de kɔba Izrɛl!”

2 Kiŋ 6:21

Wɛn di kiŋ na Izrɛl si dɛn, i aks Ilaɛlsha if lɛ in kil, kil dɛn.

Matyu 23:10

Una nɔ fɔ mek dɛn kɔl una ‘Masta,’ bikɔs na di Mɛsaya in wangren na una Masta.