Matyu 23:8 - Krio Fɔs Oli Baybul

⁸ Una nɔ fɔ mek pipul kɔl una ‘Ticha,’ bikɔs na wangren Ticha una gɛt, ɛn una ɔl na brɔda ɛn sista.

Matyu 23:8 Referans Kwoze

Jems 3:1

Mi kɔmpin Kristiɛn dɛn, una we fɔ bi ticha nɔ fɔ plɛnti. Una mɛmba se Gɔd go jɔj wi we de tɛl ɔda pipul wetin dɛn fɔ du traŋa wan pas aw i go jɔj dɛn ɔda pipul.

Pita In Fɔs Lɛta 5:3

Una nɔ fɔ de trit dɛn pipul ya we Gɔd gi una fɔ kia fɔ, lɛkɛ slev, bɔt una fɔ de du gud we go mek di pipul dɛnsɛf want fɔ tan lɛkɛ una.

Lyuk 22:32

Bɔt a dɔn pre fɔ yu Saymɔn mek yu nɔ tap fɔ biliv mi. Wɛn yu dɔn biliv mi traŋa wan, tray mek yu brɔda dɛnsɛf biliv mi traŋa wan.”

Matyu 23:10

Una nɔ fɔ mek dɛn kɔl una ‘Masta,’ bikɔs na di Mɛsaya in wangren na una Masta.

Matyu 17:5

Wɛn Pita dɔn tɔk dɔn, wan klawd we bin de shayn, kɔba dɛn, dɔn dɛn yɛri wan vɔys de tɔk na di klawd se, “Dis na mi Pikin we a lɛk bad, a gladi fɔ am, una lisin wetin i de tɛl una.”

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Rɛvɛleshɔn 22:9

Bɔt i se, “Nɔ du dat! Misɛf de wok fɔ Gɔd lɛkɛ aw yu de wok fɔ am, ɛn lɛkɛ yu kɔmpin dɛn we na prɔfɛt ɛn ɔl dɛn wan we de du dɛn tin we rayt na dis buk. Na Gɔd in fut yu fɔ fɔdɔm fɔ prez am!”

Rɛvɛleshɔn 19:10

Dɛn a fɔdɔm na di pɔsin, we de tɔk, in fut fɔ bigin prez am. Na de di pɔsin se, “Grap, nɔ du dat! Misɛf na Gɔd in savant lɛkɛ yu, ɛn misɛf na wan pan yu kɔmpin dɛn we bin biliv di tru wɔd we Jizɔs tɔk! Na Gɔd in fut yu fɔ fɔdɔm fɔ prez am!” Di tru wɔd we Jizɔs tɔk, nain dɛn prɔfɛt dɛnsɛf de tɔk.

Lɛta Fɔ Ɛfisɔs 3:15

Nain gi ɔlman we de na ɛvin ɛn dis wɔl dɛn nem.

2 Kɔrint 4:5

Nɔto wisɛf wi de tɛl una bɔt; wi de tɛl una se Jizɔs Krays na wi Masta ɛn wi na una savant fɔseka am.

2 Kɔrint 1:24

Wi nɔ de tɛl una wetin una fɔ biliv, bikɔs una biliv pan Jizɔs traŋa wan. Wetin wi de du na fɔ ɛp una fɔ mek una gladi.

Matyu 26:49

Wɛn dɛn rich, Judas go tret to Jizɔs ɛn se, “Masta, gud ivin,” dɔn i kis am.

Matyu 10:25

Pɔsin we de lan fɔ no se wetin go bi to di wan we lan am, nain go bi to insɛf; ɛn slev fɔ no se wetin go bi to in masta, nain go bi to insɛf. If pipul dɔn kɔl di edman na os Biɛlzibɔb, dɛn go gi di ɔda pipul dɛn na di os nem we bad pas dat.

Matyu 23:7

Wɛn dɛn go na di ples we ɔlman de gɛda, dɛn lɛk fɔ mek ɔlman nil dɔŋ fɔ tɛl dɛn adu ɛn kɔl dɛn ‘Ticha.’

Matyu 26:25

Judas we sɛl Jizɔs se, “Masta, na mi go sɛl yu?” Jizɔs se, “Na so yu se.”

Mak 9:5

Pita bigin tɔk to Jizɔs. I se, “Masta, i gud we wi de ya so! Lɛ wi bil tri bafa, wan fɔ yu, wan fɔ Mozis, ɛn wan fɔ Ilayja.”

Mak 10:51

Jizɔs aks am se, “Wetin yu want mek a du fɔ yu?” Di blɛnyay man se, “Ticha, a want mek yu mɛn mi yay, so dat a go ebul si.”

Mak 11:21

Pita mɛmba wetin bin bi, so i tɔn to Jizɔs ɛn se, “Ticha, luk, da fig tik we yu bin swɛ dɔn day!”

Mak 14:45

Wɛn Judas kam, i go to Jizɔs wantɛm, i se, “Masta!” Dɛn i kis am.

Jɔn 1:38

Wɛn Jizɔs tɔn, i si dɛn de fala am, nain i aks dɛn se, “Wetin una de luk fɔ?” Dɛn aks am se, “Rabay, usay yu tap?” (Rabay min Ticha.)

Jɔn 1:49

Natanyɛl se, “Ticha, yu na Gɔd in Pikin! Yu na di Kiŋ na Izrɛl!”

Jɔn 3:2

Wan nɛt, Nikodimɔs go fɛn Jizɔs. I se, “Ticha, wi no se yu na ticha we Gɔd sɛn. Nɔbɔdi nɔ go ebul du dɛn wɔndaful wok we yu de du, pas Gɔd de wit di pɔsin.”

Jɔn 3:26

So di lanin bɔy dɛn go tɛl Jɔn se, “Ticha, yu mɛmba da man we bin de wit yu wɛn yu bin de na di istɛn pat na Riva Jɔdan, da man we yu bin de tɔk bɔt? Wɛl, insɛf de baptayz pipul naw na Riva Jɔdan, ɛn plɛnti plɛnti pipul de go to am fɔ mek i baptayz dɛn!”

Jɔn 4:31

Da sem tɛm de Jizɔs in lanin bɔy dɛn bin de tɛl Jizɔs mek i it sɔntin, dɛn se, “Ticha, duya, tray it sɔntin!”

Jɔn 6:25

Wɛn di pipul dɛn krɔs di Lek dɛn si Jizɔs, nain dɛn aks am se, “Ticha, ustɛm yu rich ya?”

Jɔn 9:2

Di lanin bɔy dɛn aks Jizɔs se, “Ticha, udat sin we mek dis man ya bɔn blɛn? Na di man insɛf ɔ nain mami ɛn dadi dɛn?”

Jɔn 11:8

Nain di lanin bɔy dɛn se, “Ticha, i nɔ te yet we dɛn pipul we lib de bin want ston yu; naw yu want fɔ go de bak?”

Jɔn 20:16

Jizɔs se, “Meri.” Meri tɔn luk Jizɔs ɛn se “Raboni.” (Dat na Ibru wɔd we min “Ticha”.)

Faylimɔn 1:16

I nɔ de kam bak to yu lɛkɛ slev nɔmɔ, i dɔn pas dat naw. I de kam naw lɛkɛ yu Kristiɛn brɔda fɔseka wi Masta. A lɛk am bad, bɔt yu go lɛk am pas mi naw we i de wok fɔ yu ɛn pantap dat, na yu Kristiɛn brɔda.