Matyu 23:5 - Krio Fɔs Oli Baybul

⁵ Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

Matyu 23:5 Referans Kwoze

Jɔn 12:43

Dɛn bin lɛk fɔ bay gudfes to mɔtalman pas fɔ du dɛn tin we go mek Gɔd satisfay wit dɛn.

Lɛta Fɔ Filipay 2:3

Una nɔ fɔ jɛs de du dɛn tin we una want fɔ du nɔmɔ, una nɔ fɔ du ɛnitin bikɔs una want mek dɛn prez una; una nɔ fɔ prawd, una fɔ fil se ɔda pipul bɛtɛ pas una.

Jɔn 5:44

Una lɛk di prez we una kɔmpin dɛn de prez una, bɔt una nɔ de tray fɔ mek di wan Gɔd prez una, so aw una go biliv mi?

Lyuk 16:15

Bɔt Jizɔs tɛl dɛn se, “Una de mek pipul fil se una nɔ de du bad, bɔt Gɔd no wetin de na una at. Di tin we mɔtalman luk se impɔtant, nain Gɔd nɔ lɛk at ɔl.

Ditarɔnɔmi 6:8

I se dɛn fɔ rayt dɛn ɛn tay am na dɛn ed ɛn dɛn an, so dat dɛn nɔ go fɔgɛt dɛn.

Lyuk 20:47

Na dɛn pipul ya kin tek dɛn uman, we dɛn man dɔn day, dɛn prɔpati, ɛn dɛn kin tinap de pre lɔŋ lɔŋ lɛkɛ se dɛn na gud pipul. Gɔd go pɔnish dɛn pas aw i go pɔnish ɔda pipul.”

Ditarɔnɔmi 22:12

Dɛm fɔ so lɔŋ trɛd dɛn na di fo kɔna na di klos we dɛn kin wɛr pantap dɛn klos.

Ɛksodɔs 13:9

I se dat go mek dɛn de mɛmba ɔltɛm lɛk we mak kin de na pɔsin in an ɔ in fɔrɛd fɔ sho se PAPA GƆD in Lɔ de nain at ɛn fɔ de rid PAPA GƆD in lɔ dɛn ɔltɛm, bikɔs na PAPA GƆD yuz in traŋa pawa fɔ pul dɛn kɔmɔt na Ijipt.

Lɛta Fɔ Filipay 1:15

Na tru se, sɔm pipul de we de tɔk bɔt Jizɔs Krays bikɔs dɛn de jɛlɔs mi ɛn dɛn want sho se dɛn de wok pas mi, bɔt ɔda pipul de we de tɔk bɔt Jizɔs Krays bikɔs dɛn want fɔ du wetin rayt.

Jɔn 7:18

Pɔsin we de tɔk fɔ insɛf de tray fɔ mek pipul prez am. Bɔt pɔsin we want fɔ mek pipul prez di wan we sɛn am, na pɔsin we de tɔk tru, lay nɔ de nain mɔt.

Matyu 9:20

Wan uman we bin dɔn de blid fɔ twɛlv ia, kam biɛn Jizɔs ɛn tɔch di bɔtɔm pat pan Jizɔs in klos.

Prɔvabs 3:3

Nɔ miks pan kalokalo ɛn bɛnbɛn; bɔt mek lɔv ɛn tret biznɛs nɔ kɔmɔt nia yu; lɛ dɛn tan lɛk chen na yu nɛk, ɛn lɛ dɛn de na yu at ɔltɛm.

Sɛkɛn Lɛta Fɔ Tɛsalonayka 2:4

Di wan we de fɛt Gɔd nɔ go tek dɛn tin ɛn dɛn spirit we pipul de pre to mek natin. I go fil se in gɛt pawa pas ɔl dɛn tin de ɛn i go sidɔm na Gɔd in Os ɛn se in na Gɔd.

2 Kiŋ 10:16

Jeu tɛl am se lɛ i de waka wit am fɔ lɛ i go si aw i de magomago fɔ PAPA GƆD. So dɛn ɔltu rayd na Jeu in karej.

Ditarɔnɔmi 11:18

Mozis advays di Izrɛlayt dɛn fɔ kram di lɔ dɛn ɛn put dɛn na dɛn at, so dat dɛn nɔ go fɔgɛt dɛn. I se dɛn fɔ rayt di lɔ dɛn ɛn tay am na dɛn an ɛn dɛn ed.

Lɛvitikɔs 13:32

ɛn i fɔ ɛgzamin am bak di de we mek sɛvin ɛn if di lakpalakpa nɔ prɛd go ɔda say, ɛn nɔ gɛt nɔn yala ia de, bɔt de lɛk aw i bin de,