Matyu 23:4 - Krio Fɔs Oli Baybul

⁴ Dɛn de mek dɛn lɔ we at fɔ pipul fɔ kip, bɔt dɛn nɔ de ɛp fɔ fɛn we fɔ mek pipul kip di lɔ dɛn.

Matyu 23:4 Referans Kwoze

Lyuk 11:46

Jizɔs se, “I go bad fɔ una dɛn Ju Lɔ ticha, bikɔs una de gi ɔda pipul ebi lod fɔ tot bɔt una nɔ de put wan fiŋa sɛf fɔ ɛp dɛn tot di lod.

Apɔsul Dɛn Wok 15:10

So wetin mek wi want du di tin we go mek Gɔd vɛks? Wetin mek wi de kam put lod pan dɛn pipul we dɔn biliv pan di Masta, da lod we wi grampapa papa dɛn nɔ bin ebul tot, da lod we wisɛf nɔ ebul tot?

Lɛta Fɔ Galeshya 6:13

Dɛn pipul sɛf we gri fɔ mek dɛn sakɔmsayz dɛn nɔ de du wetin di Ju Lɔ se. Dɛn want mek una sakɔmsayz, so dat dɛnsɛf go bost se una dɔn gri fɔ mek dɛn sakɔmsayz una.

Matyu 23:23

“I go bad fɔ una dɛn Faresi ɛn dɛn Ju Lɔ ticha; una na ipokrit! Una de gi wan pat pan tɛn pat pan ɔltin we una gɛt, ivin dɛn smɔl tin lɛkɛ siminji, jinja ɛn patmɛnji; bɔt una nɔ de gri du di rayt tin we di Lɔ se una fɔ du. Tin lɛkɛ dɛn wan ya so: fɔ du di rayt tin to pipul, fɔ sɔri fɔ pipul ɛn fɔ tru to pipul, na ɔl dɛn tin ya una bin fɔ de du wit di ɔda tin dɛn we una de du.

Rɛvɛleshɔn 2:24

“Bɔt, sɔm pan una de na Tayatira, we nɔ gri fɔ du dɛn bad tin we dɛn pipul we lib de, de lan ɔda pipul fɔ du; una nɔ lan dɛn bad tin we pipul se na Setan in sikrit. A nɔ gɛt ɛni ɔda tin fɔ tɛl una fɔ du,

Apɔsul Dɛn Wok 15:28

Gɔd in Spirit nɔ want mek wi put mɔ lod pan una ɛn wisɛf nɔ want du dat, bɔt una fɔ kip dɛn Lɔ ya:

Ayzaya 46:1

Bel baw, Nibo butu, dɛn laylay gɔd dɛn, de na dɛn animal ɛn dɛn kaw dɛn bak; dɛn tin dɛn ya we una bɔn, ebi lɛk lod we kin de na dɛn taya taya animal dɛn bak.

Matyu 23:3

So una fɔ du ɔltin we dɛn tɛl una fɔ du, bɔt una nɔ fɔ du wetin dɛn de du, bikɔs dɛn nɔ de du wetin dɛn de tɛl ɔda pipul fɔ du.

Jɔn In Fɔs Lɛta 5:3

We wi lɛk Gɔd wi de du ɔl wetin i tɛl wi fɔ du. Wetin i tɛl wi fɔ du nɔ traŋa fɔ wi,