Matyu 23:2 - Krio Fɔs Oli Baybul

² “Na dɛn Ju Lɔ ticha ɛn dɛn Faresi de intaprit di Lɔ we Gɔd bin gi Mozis, fɔ una.

Matyu 23:2 Referans Kwoze

Lyuk 20:46

“Una fɔ tek tɛm wit dɛn Ju Lɔ ticha ya. Dɛn na pipul we lɛk fɔ wɛr dɛn lɔŋ gawn fɔ mek ɔlman no se dɛn na bigman ɛn dɛn lɛk fɔ mek pipul tɛl dɛn adu na dɛn ples we plɛnti pipul gɛda. Wɛn dɛn go na di Ju mitin os, dɛn kin lɛk fɔ sidɔm na dɛn bɛnch we de bifo ɛn wɛn dɛn go pati, dɛn kin lɛk fɔ sidɔm na dɛn ples we dɛn bigman de sidɔm.

Mak 12:38

Wɛn Jizɔs bin de lan di pipul dɛn mɔ, i se, “Una tek tɛm wit dɛn Ju Lɔ ticha, dɛn lɛk fɔ wɛr lɔŋ gawn ɛn waka ɔlɔbɔt ɛn dɛn lɛk fɔ mek pipul tɛl dɛn adu na dɛn ples we plɛnti pipul gɛda.

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Ɛzra 7:25

Ɛn yusɛf Ɛzra fɔ yuz di sɛns we PAPA GƆD gi yu fɔ pik magistret ɛn jɔj dɛn; man dɛn we sabi PAPA GƆD in lɔ fɔ de jɔj kes ɛn rul di pipul dɛn na di wɛst pat na Riva Yufretis. If ɛnibɔdi de we nɔ sabi di lɔ yu fɔ tich am.

Ɛzra 7:6

Dis Ɛzra na bin gud bukman. I sabi Mozis in lɔ gud gud wan, dat na di lɔ we PAPA GƆD, Izrɛl dɛn GƆD bin gi di Izrɛlayt dɛn. Ɛzra kɔmɔt Babilɔn go Jerusɛlɛm. Bikɔs PAPA GƆD bin de wit Ɛzra, ɛnitin we i tɛl di kiŋ fɔ du nain i kin du.

Ditarɔnɔmi 33:3

I lɛk in pipul dɛn, ɛn i de kɔba di wan dɛn we de fɔ am ɛn de tek wetin i se,

Matyu 23:3

So una fɔ du ɔltin we dɛn tɛl una fɔ du, bɔt una nɔ fɔ du wetin dɛn de du, bikɔs dɛn nɔ de du wetin dɛn de tɛl ɔda pipul fɔ du.