Matyu 22:10 - Krio Fɔs Oli Baybul

¹⁰ So di bɔy dɛn go na trit ɛn gɛda ɔl di pipul dɛn we dɛn ebul gɛt fɔ kam na di pati. Dɛn kɔl gud pipul ɛn bad pipul. Di ples we dɛn mek di pati ful pim wit di pipul dɛn we dɛn kɔl fɔ kam it.

Matyu 22:10 Referans Kwoze

Rɛvɛleshɔn 7:9

Wɛn dat dɔn, a luk bak, na de a si bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na wɔl, dɛn bin de tɔk ɔl dɛn difrɛn difrɛn laŋwej na wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di Ship insɛf bin de; dɛn bin wɛr wayt ɛn dɛn ɔl bin olpam.

Jɔn In Fɔs Lɛta 2:19

Dɛn pipul de nɔto bin wi yon pipul dɛn, na dat mek dɛn lɛf wi go; bikɔs if dɛn na bin wi yon pipul, dɛn bin fɔ de wit wi. Bɔt dɛn lɛf wi so dat ɔlman go no se dɛn nɔn nɔto bin wi yon pipul.

2 Kɔrint 12:21

A de fred se wɛn a kam di sɛkɛn tɛm, Gɔd go mek a fil smɔl bifo una, ɛn a go kray fɔ plɛnti pipul we bin dɔn sin, bɔt dɛn nɔ sɔri fɔ di bad bad tin dɛn we dɛn dɔn du pan man ɛn uman biznɛs.

Matyu 25:10

So di fayv ful yɔŋ gyal dɛn go fɔ bay dɛn ɔyl na shap; wɛn dɛn de go na di shap, nain di ɔkɔ kam mit di fayv yɔŋ gyal dɛn we bin dɔn rɛdi, i tek dɛn go insay di ples we di mared pati bin de bi, dɔn dɛn lɔk di do.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Matyu 13:38

Di fam na di wɔl, di gud sid na di pipul dɛn we Gɔd de rul, ɛn di gras na di pipul dɛn we Setan de rul.

Matyu 9:15

Jizɔs ansa dɛn se, “Una min se dɛn pipul we dɛn kɔl na mared pati go kray wɛn di ɔkɔ de wit dɛn? Nɔba! Bɔt di tɛm de kam we dɛn go pul di ɔkɔ na dɛn an, na da tɛm de dɛn go kip fast.

Matyu 22:9

So una go na dɛn big trit ɛn kɔl ɔl dɛn pipul we una ebul gɛt fɔ kam na di pati.’