Matyu 21:5 - Krio Fɔs Oli Baybul

⁵ “Tɛl di pipul dɛn na Zayɔn se, Luk, una kiŋ de kam to una! I put in yay dɔŋ, i de rayd wan dɔnki, ɛn di dɔnki in pikin.”

Matyu 21:5 Referans Kwoze

Ayzaya 62:11

“A de tɛl yu, PAPA GƆD dɔn anawns to di las kɔna na wɔl: Tɛl Zayɔn in gyal pikin dɛn se “Biliv mi, una salveshɔn de kam; biliv mi, in riwɔd de wit am, ɛn in pe de bifo am.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Ozie 1:7

I se in go sɔri fɔ di wan dɛn na Juda ɛn in PAPA GƆD, we na dɛn Gɔd go pul dɛn pan trɔbul bɔt i nɔ go yus aro ɔ sɔd ɔ wa ɔ ɔs dɛn ɔ di man dɛn we de rayd ɔs.

Ayzaya 40:9

Go ɔp na wan ay mawnten, Yu Zayɔn mɛsenja we de briŋ gud nyuz; ala wit trɛnk; Yu Jerusɛlɛm mɛsenja we de briŋ gud nyuz, ala, nɔ fred; tɛl di siti dɛn na Juda se, “Una luk una Gɔd!”

Izikɛl 37:24

“Mi savant Devid go bi kiŋ oba dɛm; ɛn dɛn ɔl go gɛt wangren shɛpad. Dɛn go fala mi ɔda dɛn ɛn kiaful fɔ du mi lɔ dɛm.

Izikɛl 34:24

Ɛn mi PAPA GƆD, go bi dɛn PAPA GƆD, ɛn mi savant Devid go bi kiŋ midul dɛm; na mi, PAPA GƆD dɔn tɔk am.

Matyu 11:29

Una opin una at fɔ di tru tin dɛn we a de lan una, ɛn una lan ɔl wetin a de tɛl una, bikɔs a de bia wit una ɛn a nɔ de tɔk pan una; if una du dat, una go blo.

Matyu 2:6

‘Bɛtliɛm we de na Judia, yu impɔtant lɛkɛ dɛn ɔda big tɔŋ dɛn na Judia; wan pan yu pipul dɛn go bi rula fɔ Izrɛl, mi pipul dɛn.’”

Matyu 2:2

Dɛn bigin aks pipul se, “Usay da pikin we bɔn fɔ kam bi dɛn Ju pipul dɛn kiŋ, de? Wi dɔn si in sta na di ist ɛn wi kam fɔ pre to am.”

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

2 Kɔrint 10:1

Na mi, Pɔl, de beg una dɛn se a de fred fred wɛn a de wit una, na wɛn a nɔ de klos una nɔmɔ, a gɛt mɔt. A de tek di sem peshɛnt ɛn kwayɛt we we Krays gɛt beg una:

Di Sam Dɛm 9:14

Mek a nɔ day so dat a go tɔk bɔt yu gudnɛs to ɔl udat de na Jerusɛlɛm. Dɔn a go gladi bikɔs yu sev mi.

1 Kiŋ 10:26

Sɔlɔmɔn gɛda bɔku bɔku ɔs ɛn karej. I gɛt wan tawzin fo ɔndrɛd karej ɛn twɛlv tawzin ɔs we i kip na di siti dɛn we i bil fɔ dɛn. I kip sɔm sɛf na Jerusɛlɛm.

1 Kiŋ 1:33

i tɛl dɛn se, “Una put mi bɔysɔn Sɔlɔmɔn pantap mi yon myul ɛn lɛ i rayd am te go dɔŋ na Giɔn.

2 Samiɛl 16:2

Di kiŋ aks Ziba wetin i kɛr dɛn fɔ. Ziba tɛl am se di dɔŋki dɛn na fɔ di kiŋ ɛn ɔlman nain os fɔ rayd pan, di bred ɛn frut na fɔ di man dɛn fɔ it ɛn di wayn na fɔ gi ɛnibɔdi we taya na di rod usay pipul nɔ go ebul tap.

Di Jɔj Dɛm 12:14

I bin gɛt fɔti bɔypikin ɛn tati gran pikin we na bɔypikin. Di pikin dɛn ɛn gran pikin dɛn bin de rayd sɛvinti dɔŋki. In bi lida na Izrɛl fɔ et ia.

Di Jɔj Dɛm 5:10

Una we de rayd dɛn wayt dɔŋki fɔ go tɛl ɔlman bɔt wetin apin, una we di sidɔm ples pantap una ɔs na saf kushin, sɛf fɔ de tɔk bɔt wetin apin, ɛn yu we de waka na trit sɛf fɔ tɔk bɔt dat.

Ditarɔnɔmi 17:16

Bɔt i nɔ fɔ bi kiŋ we bigyay fɔ gɛt plɛnti plɛnti ɔs fɔ insɛf, ɔ kiŋ we de sɛl di pipul dɛn as slev ɔ as masinari dɛn to Ijipt fɔ seka ɔs; ɛn dat nɔ sɔpoz fɔ bi, bikɔs PAPA GƆD dɔn se, nɔbɔdi nɔ fɔ go bak na Ijipt.

Di Nɔmba Dɛm 24:19

Wan pɔsin na Izrɛl in jɛnareshɔn go bi kiŋ ɛn nain go dɔnawe wit di pipul dɛn na di siti.

Jɔn 1:49

Natanyɛl se, “Ticha, yu na Gɔd in Pikin! Yu na di Kiŋ na Izrɛl!”

Matyu 21:6

So di tu lanin bɔy dɛn go du wetin Jizɔs tɛl dɛn fɔ du.

Lyuk 24:27

Jizɔs bigin wit Mozis ɛn dɛn ɔda prɔfɛt ɛn ɛksplen ɔl wetin dɛn rayt na Gɔd in Buk bɔt am.