Matyu 21:1 - Krio Fɔs Oli Baybul

¹ Wɛn Jizɔs ɛn in lanin bɔy dɛn de klos Jerusɛlɛm, dɛn rich Bɛtfej we de na Mawnt Ɔliv; wɛn dɛn rich de, Jizɔs sɛn tu pan in lanin bɔy dɛn go bifo dɛn.

Matyu 21:1 Referans Kwoze

Zɛkaraya 14:4

Da de de, i go tinap pantap Mawnt Ɔliv we de bifo Jerusɛlɛm bay di Ist say; dɔn di mawnten go plit tu, frɔm ist to wɛst. Na wan vali go de midul dɛn we go mek wan pat de nɔth ɛn di ɔda pat de sawt.

Jɔn 8:1

Afta dat, ɔlman go nain os, bɔt Jizɔs go na Mawnt Ɔliv.

Lyuk 21:37

Ɛvri de, santɛm, Jizɔs kin de lan di pipul dɛn na Gɔd in Os, ɛn na nɛt i kin go na wan il we dɛn kɔl Mawnt Ɔliv, na de i kin de di ol nɛt.

Matyu 26:30

Dɛn siŋ wan Gɔd siŋ, dɔn dɛn go na Mawnt Ɔliv.

Matyu 24:3

Wɛn Jizɔs sidɔm na Mawnt Ɔliv, in lanin bɔy dɛn nɔmɔ kam mit am ɛn aks am se, “Tɛl wi ustɛm dɛn tin ya go bi, us sayn go sho wi se yu de kam bak ɛn di wɔl de dɔn?”

Apɔsul Dɛn Wok 1:12

Di apɔsul dɛn kɔmɔt na di ay il we nem Mawnt Ɔliv, go bak na Jerusɛlɛm. (Na af mayl frɔm Mawnt Ɔliv to Jerusɛlɛm. Di Ju Lɔ se pɔsin nɔ fɔ waka pas af mayl di de we fɔ pre ɛn blo.)

Lyuk 22:39

Jizɔs kɔmɔt na di tɔŋ ɛn bigin waka go na Mawnt Ɔliv lɛkɛ aw i kin du ɛn in lanin bɔy dɛn fala am go de.

Mak 14:26

Dɛn siŋ wan Gɔd siŋ, dɔn dɛn go na Mawnt Ɔliv.

Matyu 20:34

Jizɔs sɔri fɔ dɛn, i tɔch dɛn yay; dɛn si wantɛm, ɛn dɛn fala am.

Matyu 21:2

I tɔk to dɛn, i se, “Una go na di vilej we de bifo una so; wɛn una rich de, una go mit dɛn tay wan dɔnki, in pikin de klos am. Una lus dɛn ɛn briŋ dɛn kam to mi.

Mak 13:3

We Jizɔs sidɔm na Mawnt Ɔliv, we de fesin Gɔd in Os, nain Pita, Jems, Jɔn ɛn Andru kam mit am ɛn aks am se,