Matyu 2:8 - Krio Fɔs Oli Baybul

⁸ Wɛn dɛn dɔn tɛl am, i sɛn dɛn go na Bɛtliɛm, i tɛl dɛn se, “Una go luk gud fashin fɔ di pikin; wɛn una si am una mɔs tɔn bak kam tɛl mi, so dat misɛf go go pre to am.”

Matyu 2:8 Referans Kwoze

Lamɛnteshɔn 3:37

Udat dɔn tɔk se na so i fɔ bi ɛn i bi, nɔbɔdi pas PAPA GƆD we dɔn se na so i fɔ bi.

Prɔvabs 21:30

Nɔn mɔtalman sɛns ɔ kɔni nɔ de mek PAPA GƆD nɔ du wetin i wan du.

1 Kiŋ 19:2

Jɛzibɛl sɛn mɛsej to Ilayja se in swɛ to in gɔd dɛn lɛ in alaki if in nɔ dil wit am ɛn mek in layf tan lɛkɛ dɛn prɔfɛt dɛn we i kil, di nɛks de.

2 Samiɛl 17:14

Absalɔm ɛn ɔl di Izrɛlayt se Ushay we na Akayt in advays bɛtɛ pas Aitofɛl yon bikɔs PAPA GƆD insɛf bin want fɔ mek di gud advays we Aitofɛl gi tɔn bad as na dat go lɛ Absalɔm de pan trɔbul.

Matyu 2:1

Jizɔs bin bɔn na wan tɔŋ we nem Bɛtliɛm we de na Judia. Ɛrɔd na bin kiŋ da tɛm de. I nɔ tu te afta i bɔn, sɔm sɛnsman dɛn we no bɔt sta, we kɔmɔt na di ist, kam na Jerusɛlɛm.

Matyu 2:7

So Kiŋ Ɛrɔd sɛn kɔl di sɛnsman dɛn we kɔmɔt na di ist na wan sikrit mitin, ɛn aks dɛn fɔ tɛl am di tɛm we dɛn bin si di sta. So dɛn tɛl am di tɛm.

Matyu 2:9

Wɛn di sɛnsman dɛn lɛf Ɛrɔd de go Bɛtliɛm, dɛn si di sem sta we dɛn bin dɔn si na di ist. Dɛn gladi bad wɛn dɛn si am! Di sta de bifo dɛn sote i rich usay di pikin bin de, nain di sta tap fɔ muf.