Matyu 2:4 - Krio Fɔs Oli Baybul

⁴ I kɔl di bigman we de mek sakrifays fɔ pipul sin ɛn ɔl di Ju Lɔ ticha dɛn, ɛn aks dɛn se, “Usay di Mɛsaya go bɔn?”

Matyu 2:4 Referans Kwoze

Apɔsul Dɛn Wok 23:9

Di Faresi ɛn di Sadyusi dɛn bigin ala lawd lawd wan. Dɛn Ju Lɔ ticha we na bin Faresi se, “Wi nɔ si ɛnitin we dis man du we bad! Sɔntɛm na enjɛl ɔ spirit mek Pɔl tɔk lɛkɛ dat!”

Apɔsul Dɛn Wok 6:12

Dɛn sem Ju pipul ya put wɔd na di pipul dɛn yes, dɔn dɛn put wɔd na dɛn bigman ɛn dɛn Ju Lɔ ticha dɛn yes, fɔ mek dɛn ol Stivin. Dɛn go grip Stivin, drɛg am go na di Ju gran kot.

Matyu 21:23

Jizɔs go bak insay Gɔd in Os. Wɛn i bin de lan di pipul dɛn we bin lib de, nain di bigman dɛn we de mek sakrifays fɔ pipul sin ɛn di ɔda Ju bigman dɛn go aks am se, “Us rayt yu gɛt fɔ du dɛn tin ya, ɛn udat gi yu di rayt?”

Matyu 7:29

I nɔ lan dɛn lɛkɛ di Ju Lɔ ticha dɛn, i lan dɛn lɛkɛ pɔsin we gɛt di rayt fɔ lan pipul dɛn tin ya.

Apɔsul Dɛn Wok 4:5

Di ɔda de, ɔl dɛn bigman we de rul na di kɔntri wit ɔl di ɔda bigman dɛn, ɛn dɛn Ju Lɔ ticha go mit na wan ples na Jerusɛlɛm.

Jɔn 18:3

So Judas go mit Jizɔs ɛn di ɔda lanin bɔy dɛn na di gadin. I go wit sɔm Roman soja man dɛn ɛn sɔm pan dɛn pipul we bin de gyad Gɔd in Os. Na dɛn bigman we de mek sakrifays fɔ pipul sin ɛn di Faresi dɛn sɛn di gyad dɛn go wit Judas. Dɛn bin ol lamp, faya tik layt, ɛn tin fɔ tek fɛt.

Jɔn 8:3

Di Ju Lɔ ticha ɛn di Faresi dɛn briŋ wan mare du man we dɛn bin kech wit man we nɔto in maredman; dɛn mek di uman tinap bifo ɔlman.

Jɔn 7:32

Dɛn Ju pipul we dɛn kɔl Faresi yɛri we di pipul dɛn de tɔk dɛn tin ya bɔt Jizɔs saful saful, so di Faresi dɛn ɛn dɛn bigman we de mek sakrifays fɔ pipul sin sɛn sɔm gyad dɛn fɔ go ol Jizɔs.

Jɔn 3:10

Jizɔs aks am se, “Yu we na big ticha na Izrɛl, yu nɔ ɔndastand wetin a tɔk?

Lyuk 23:10

Nain dɛn bigman we de mek sakrifays fɔ pipul sin ɛn dɛn Ju Lɔ ticha kam bifo ɛn bigin tɔk traŋa wan to Ɛrɔd de tɛl am wetin Jizɔs du.

Lyuk 20:19

Da sem tɛm de, dɛn Ju Lɔ ticha ɛn dɛn bigman we de mek sakrifays fɔ pipul sin tray fɔ ol Jizɔs bikɔs dɛn kechɔp se na fɔ dɛn Jizɔs pul di parebul, bɔt dɛn nɔ ol am bikɔs dɛn bin de fred di pipul dɛn we bin lib de.

Jɛrimaya 8:8

‘Aw una go se, ‘wi gɛt sɛns, ɛn PAPA GƆD in lɔ de to wi?’ A de tɛl una, dɛn sɛktri dɛn lay lay pɛn dɛn dɔn mek i dɔn tɔn to lay lay.

Mak 8:31

I tɛl dɛn se, “Mɔtalman Pikin go sɔfa plɛnti. Di Ju bigman dɛn, di bigman dɛn we de mek sakrifays fɔ pipul sin, ɛn di Ju Lɔ ticha dɛn go se dɛn nɔ no am ɛn dɛn go kil am. I go de na di grev, bɔt i go rayz di de we mek tri.”

Matyu 27:1

Wɛn do klin, ɔl di man dɛn we de mek sakrifays fɔ pipul sin ɛn di ɔda Ju bigman dɛn ɛŋ ed fɔ kil Jizɔs.

Matyu 26:47

Jizɔs bin de tɔk wɛn Judas we na wan pan in twɛlv lanin bɔy dɛn, kam. I kam wit plɛnti pipul we ol sɔd ɛn tin dɛn fɔ tek fɛt. Na di bigman dɛn we de mek sakrifays fɔ pipul sin ɛn di ɔda Ju bigman dɛn bin sɛn dɛn pipul ya.

Matyu 26:3

Di bigman dɛn we de mek sakrifays fɔ pipul sin ɛn di ɔda Ju bigman dɛn mek mitin na Kaye fas in os; Kaye fas na bin edman fɔ dɛn man we de mek sakrifays fɔ pipul sin.

Matyu 21:15

Di bigman dɛn we de mek sakrifays fɔ pipul sin ɛn di Ju Lɔ ticha dɛn vɛks we dɛn si di wɔndaful wok dɛn we Jizɔs de du, ɛn di pikin dɛn we de ala insay Gɔd in Os se, “Mek ɔlman prez Devid in pikin!”

Matyu 13:52

I se, “Ɛni Ju Lɔ ticha, we dɔn lan di tru tin bɔt Gɔd in rul, tan lɛkɛ jɛntri man we de pul dɛn ol ɛn nyu tin kɔmɔt nain sto.”

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Di Sam Dɛm 2:2

Di kiŋ dɛn we de rul grap wit wanwɔd ɛn mek bagin pan PAPA GƆD ɛn di kiŋ we i chuz.

Nɛimaya 12:7

Salu, Amɔk, Ilkaya ɛn Jɛdaya. Dɛn na bin di man dɛn we de mek sakrifays fɔ pipul sin dɛn lida dɛn ɛn dɛn wan we bin de wok nia dɛn Jɛshwa, in yon tɛm.

Ɛzra 10:5

So Ɛzra insɛf grap ɛn mek di man dɛn we de mek sakrifays fɔ pipul sin ɛn di Livayt dɛn ɛn ɔl di ɔda pipul dɛn swɛ se dɛn go du wetin Shɛkanaya dɔn se. Dɔn dɛn swɛ.

Ɛzra 7:6

Dis Ɛzra na bin gud bukman. I sabi Mozis in lɔ gud gud wan, dat na di lɔ we PAPA GƆD, Izrɛl dɛn GƆD bin gi di Izrɛlayt dɛn. Ɛzra kɔmɔt Babilɔn go Jerusɛlɛm. Bikɔs PAPA GƆD bin de wit Ɛzra, ɛnitin we i tɛl di kiŋ fɔ du nain i kin du.

2 Kronikuls 36:14

Ɔl di man dɛn we de bifo pan di man dɛm we de mek sakrifays fɔ pipul sin ɛn di pipul dɛn semweso, nɔ bin de waka tret na Papa Gɔd atɔl atɔl at ɔl at ɔl, bay aw dɛn bin de falamakata ɔda neshɔn dɛn we dɛn bin de du dɛn tin dɛn we PAPA GƆD nɔ lɛk; ɛn dɛn bin dɔti PAPA GƆD in os nain yay, we in bin dɔn mek oli na Jerusɛlɛm.

2 Kronikuls 34:15

Nain Ilkaya tɛl Shafan we na di sɛktri se, “A dɔn fɛn di Lɔ buk na PAPA GƆD in os”; naim Ilkaya gi Shafan di buk.

2 Kronikuls 34:13

ɛn na dɛn bin de supavays di lebra dɛm ɛn na dɛn bin de dayrɛkt ɛl di difrɛn tred man dɛm; ɛn sɔm pan di Livayt dɛn na bin sɛktri, ɛn administretɔ ɛn getman dɛm.

Matyu 2:3

Wɛn Kiŋ Ɛrɔd yɛri dat, in at pwɛl, ɛn na semwe so ɔlman at pwɛl na Jerusɛlɛm.

Matyu 2:5

Dɛn ansa Kiŋ Ɛrɔd se, “Na Bɛtliɛm, da tɔŋ we de na Judia, i go bɔn. Bikɔs di prɔfɛt bin rayt se, Gɔd se,