Matyu 2:2 - Krio Fɔs Oli Baybul

² Dɛn bigin aks pipul se, “Usay da pikin we bɔn fɔ kam bi dɛn Ju pipul dɛn kiŋ, de? Wi dɔn si in sta na di ist ɛn wi kam fɔ pre to am.”

Matyu 2:2 Referans Kwoze

Di Nɔmba Dɛm 24:17

A de si am, bɔt nɔto naw: a de luk am, bɔt i de fa. Wan sta go kɔmɔt na Izrɛl in jɛnareshɔn ɛn i go bi kiŋ na Izrɛl. I go bit di Moabayt lida dɛn ɛn brok dɛn wan we de kak dɛn fɛda dɔŋ.

Jɛrimaya 23:5

PAPA GƆD se, “A de tɛl una se, di tɛm de kam we a go es wan branch na Devid in layn, we de waka tret na mi yay, ɛn i go ren as kiŋ ɛn go wok wit sɛns, ɛn i go trit ɔlman ikwali ɛn waka tret wit ɔlman na di land.

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Ayzaya 60:3

Neshɔn dɛm go kam to yu layt, ɛn kiŋ dɛn to di brayt layt we go de sho pan yu.

Jɔn 18:37

Paylet aks am se, “Wɛl, yu na Kiŋ?” Jizɔs se, “Na yu se mi na Kiŋ. A bɔn kam na wɔl fɔ tɔk wetin tru. Ɛnibɔdi we lɛk wetin tru de yɛri mi wɔd.”

Di Ibru Pipul Dɛn 1:6

Ɛn igen, wɛn Gɔd bin want sɛn in fɔs Pikin kam na wɔl, Gɔd se, “Una ɔl we na mi enjɛl dɛn fɔ nil dɔŋ bifo mi Pikin.”

Lyuk 23:38

Dɛn rayt sɔntin ɛn nel am pan di krɔs oba in ed. Na di tin dis we dɛn rayt: “DIS NA DI JU PIPUL DƐN Kiŋ.”

Lyuk 23:3

Paylet aks Jizɔs se, “Yu na dɛn Ju pipul dɛn kiŋ?” Jizɔs ansa am se, “Na so yu dɔn tɔk.”

Di Sam Dɛm 2:6

I se in dɔn put udat i want as kiŋ na Zayɔn we nain oli ples.

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Jɔn 1:49

Natanyɛl se, “Ticha, yu na Gɔd in Pikin! Yu na di Kiŋ na Izrɛl!”

Lyuk 19:38

Dɛn se, “Gɔd blɛs di Kiŋ we i dɔn sɛn fɔ kam tinap fɔ am! Kol at de na ɛvin ɛn wi de prez Gɔd!”

Lyuk 2:11

Tide na da tɔŋ we Devid bin bɔn, dɛn dɔn bɔn Wan Pikin we go sev una. Na di Mɛsaya we na wi Masta.

Jɛrimaya 30:9

Bɔt dɛn go sav PAPA GƆD we na dɛn Gɔd, ɛn Devid we na dɛn kiŋ, we a go gi dɛm.

Di Sam Dɛm 45:11

Na di Kiŋ gɛt yu fayn fayn bɔdi naw; yu fɔ du wetin i se ɔltɛm.

Jɔn 9:38

Di man se, “Masta, a biliv yu!” I nil dɔŋ bifo Jizɔs.

Jɔn 19:19

Paylet mek dɛn rayt sɔntin we dɛn put pan Jizɔs in krɔs. Dɛn rayt se, “Jizɔs we kɔmɔt Nazarɛt, di Ju pipul dɛn Kiŋ.”

Jɔn 12:13

So dɛn kɔt plɛnti pam tik ɛn waka go mit Jizɔs na rod. Dɛn bin de ala se, “Prez Gɔd! Gɔd blɛs di wan we i sɛn kam na wɔl! Gɔd blɛs di Kiŋ we go rul na Izrɛl!”

Matyu 27:11

Dɛn mek Jizɔs tinap bifo Paylet we na di Roman gɔvna, Paylet aks Jizɔs se, “Na yu na di Ju pipul dɛn kiŋ?” Jizɔs se, “Na so yu se.”

Jɔn 20:28

Tɔmɔs se, “Yu na mi Masta ɛn yu na mi Gɔd!”

Matyu 21:5

“Tɛl di pipul dɛn na Zayɔn se, Luk, una kiŋ de kam to una! I put in yay dɔŋ, i de rayd wan dɔnki, ɛn di dɔnki in pikin.”

Matyu 2:3

Wɛn Kiŋ Ɛrɔd yɛri dat, in at pwɛl, ɛn na semwe so ɔlman at pwɛl na Jerusɛlɛm.