Matyu 2:16 - Krio Fɔs Oli Baybul

¹⁶ Kiŋ Ɛrɔd bin vɛks bad wan wɛn i no se di trenja dɛn we bin kɔmɔt na di ist mek am ful. I pas lɔ se, dɛn fɔ kil ɔl dɛn bɔy pikin we de na Bɛtliɛm ɛn di tɔŋ dɛn we de rawnd Bɛtliɛm. I se dɛn fɔ kil frɔm di wan dɛn we bin dɔn ol tu ia kam dɔŋ to di wan dɛn we bin jɛs bɔn. Di kiŋ du dat fɔseka di wɔd we di trenja dɛn we bin kɔmɔt na di ist tɛl am bɔt Jizɔs, di tɛm we dɛn bin si di sta.

Matyu 2:16 Referans Kwoze

Ayzaya 59:7

Dɛn de rɔn fɔ go du bad, ɛn de mekes fɔ shɛd inosɛnt blɔd; na fɔ kɔmit sin nɔmɔ de na dɛn at, na ɛmtinɛs, ɛn fɔ distrɔy, de na dɛn ay we dɛn.

Prɔvabs 28:15

Lɛkɛ aw layɔn ɛn bush kaw kin de siz advantej pan dɛn ɔda animal, na so bad rula tan to dɛn po wan we i de rul.

Rɛvɛleshɔn 17:6

A si se di uman bin drɔnk wit Gɔd in pipul dɛn blɔd ɛn di blɔd we kɔmɔt pan dɛn pipul we dɛn bin kil bikɔs dɛn tɔk opin wan se Jizɔs na dɛn Masta. Wɛn a si am a wɔnda te a nɔ no wetin fɔ tɔk.

Ozie 10:14

na soso fɛt fɛt dɛn go de pan, ɔl di tin dɛn we dɛn mek fɔ fɛt wit go pwɛl lɛk aw kiŋ Shalman bin pwɛl Bɛthabɛl we dɛn go fɛt; dɛn bin ivin kil mami ɛn pikin da tɛm de.

Daniɛl 3:13

Nain Nɛbyukadnɛza vɛks bad bad wan, ɛn se lɛ dɛn briŋ Shedrak, Mishak ɛn Abɛdnigo to am. So dɛn bin briŋ dɛn kam to di kiŋ.

Ayzaya 26:21

Bikɔs PAPA GƆD de kɔmɔt nain ples kan na do fɔ pɔnish di pipul we tap na wɔl fɔseka dɛn sin, ɛn di wɔl go pul di sikrit bɔt di blɔd we dɛn dɔn shɛd pan am, ɛn i nɔ go kɔba di wan dɛn we dɛn kil, igen.

2 Kiŋ 8:12

Na de Azaɛl aks am wetin mek i de kray. Ilaɛlsha ansa am se in no di avɔk we in di Azaɛl gɛt fɔ kɔz na Izrɛl. I se i gɛt fɔ bɔn ɔl dɛn siti we dɛn dɔn mek, ɛn kil di yɔŋ man dɛn, ɛn nyakanyaka dɛn pikin ɛn plit bɛlɛ uman dɛn bɛlɛ.

Di Jɔj Dɛm 16:10

So Dilayla tɛl Samsin se, i lay gi am ɛn mek am ful. So naw lɛ i tɛl am aw dɛn go ebul tay am we i nɔ go ebul kɔt am.

Jɛnɛsis 49:7

Swɛ go de pan dɛn bikɔs dɛn vɛks wan nɔ gud fɔ si. A go mek dɛn jɛnareshɔn skata ɔlsay na Izrɛl ɛn dɛn nɔ go tap bay dɛnsɛf.

Prɔvabs 28:17

Pɔsin we dɔn kil, in kɔnshɛns kin de fɛt am, if i wan day, una lɛf am lɛ i day.

Job 12:4

Mi padi dɛn ɔl dɔn tek mi mek rederaun; mi we bin de pre to PAPA GƆD ɛn i de ansa, mi we na bin gud man, na mi ɔlman de laf naw so.

Di Nɔmba Dɛm 24:10

Belak vɛks bad bad wan pan Belam. I klap in an dɛn ɛn tɛl am se in kɔl am fɔ kam ib swɛ pan in ɛnimi dɛn bɔt na blɛs Belam dɔn de blɛs dɛn di tri tɛm we i dɔn tɔk.

Di Nɔmba Dɛm 22:29

Belam tɛl di dɔŋki se na bikɔs i de mek am fiba lɛk i bigful, ɛn tɛl di dɔŋki se if in bin ol sɔd i bin fɔ jɛs kil di dɔŋki.

Jɛnɛsis 39:17

ɛn tɛl am di sem stori. I se da Ibru slev we i briŋ kam na dɛn os go insay in rum fɔ disgres am.

Jɛnɛsis 39:14

i bigin ala kɔl di ɔda pipul dɛn na di os. I se, “Una kam o! Dis Ibru bɔy we mi man briŋ kam na mi os wan briŋ disgres pan wi. I kam insay mi rum fɔ rep mi, bɔt a ala lawd wan.

Matyu 2:1

Jizɔs bin bɔn na wan tɔŋ we nem Bɛtliɛm we de na Judia. Ɛrɔd na bin kiŋ da tɛm de. I nɔ tu te afta i bɔn, sɔm sɛnsman dɛn we no bɔt sta, we kɔmɔt na di ist, kam na Jerusɛlɛm.

Matyu 2:7

So Kiŋ Ɛrɔd sɛn kɔl di sɛnsman dɛn we kɔmɔt na di ist na wan sikrit mitin, ɛn aks dɛn fɔ tɛl am di tɛm we dɛn bin si di sta. So dɛn tɛl am di tɛm.

Matyu 2:17

Dis mek wetin di prɔfɛt we nem Jɛrimaya bin tɔk kam bi tru. I bin se,

Rɛvɛleshɔn 12:4

I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.