Matyu 2:13 - Krio Fɔs Oli Baybul

¹³ Afta di sɛnsman dɛn dɔn go, Gɔd sɛn wan enjɛl na drim fɔ wɔn Josɛf. Di enjɛl se, “Kiŋ Ɛrɔd de fɛn di pikin fɔ kil am, so grap tek di pikin ɛn in mama, rɔn go Ijipt wantɛm, ɛn lib de sote a tɛl yu fɔ kɔmɔt de.”

Matyu 2:13 Referans Kwoze

Apɔsul Dɛn Wok 12:11

Pita kechɔp se i nɔ bin de drim ɛn ɔl wetin bi na tru tin. I se, “A no naw se na tru tin dis we bi! Na di Masta sɛn in enjɛl fɔ kam pul mi kɔmɔt na Ɛrɔd in an ɛn fɔ mek di Ju pipul dɛn nɔ ebul du ɔl dɛn bad tin we dɛn bin want du mi.”

Apɔsul Dɛn Wok 10:7

Wɛn Gɔd in enjɛl we bin de tɔk to Kɔnilyɔs dɔn go, Kɔnilyɔs kɔl tu pan in bɔy dɛn, wan soja man, ɛn in raytan man we kin pre to Gɔd.

Apɔsul Dɛn Wok 5:19

Bɔt di Masta in enjɛl kam na nɛt ɛn opin di get na di jel we di apɔsul dɛn bin de, dɛn di enjɛl pul di apɔsul dɛn kɔmɔt na di jel ɛn tɛl dɛn se,

Matyu 2:12

Gɔd wɔn di sɛnsman dɛn na drim mek dɛn nɔ tɔn bak go to Kiŋ Ɛrɔd, so dɛn pas ɔda say go bak na di ples we dɛn bin kɔmɔt.

Matyu 1:20

Wɛn Josɛf bin de tink bɔt wetin i go du, nain Gɔd sɛn enjɛl kam to am na drim. Di enjɛl se, “Josɛf, yu we na Kiŋ Devid in grampikin pikin nɔ fred fɔ mared Meri, bikɔs na Gɔd in Spirit kam pan am we i gɛt bɛlɛ.

Ɛksodɔs 1:22

So mek di kiŋ gi ɔda to ɔl in pipul dɛn fɔ mek dɛn trowe ɛni bɔypikin we dɛn Ibru uman go bɔn na Riva Nayl, bɔt dɛn fɔ lɛf di gyal pikin dɛn fɔ liv.

Matyu 2:16

Kiŋ Ɛrɔd bin vɛks bad wan wɛn i no se di trenja dɛn we bin kɔmɔt na di ist mek am ful. I pas lɔ se, dɛn fɔ kil ɔl dɛn bɔy pikin we de na Bɛtliɛm ɛn di tɔŋ dɛn we de rawnd Bɛtliɛm. I se dɛn fɔ kil frɔm di wan dɛn we bin dɔn ol tu ia kam dɔŋ to di wan dɛn we bin jɛs bɔn. Di kiŋ du dat fɔseka di wɔd we di trenja dɛn we bin kɔmɔt na di ist tɛl am bɔt Jizɔs, di tɛm we dɛn bin si di sta.

Job 33:15

Na drim ɔ vishɔn na nɛt, we mɔtalman dɔn slip dip, we dɛn de slip na dɛn bed,

Job 33:17

so mɔtalman go lɛf di bad we i de du, ɛn mek mɔtalman lɛf fɔ mek prawd;

Jɔshwa 4:18

As di man dɛn we de mek sakrifays fɔ pipul sin, we tot di Ak ɔf di Kɔvinant pul fut na di wata so, Riva Jɔdan ful bak ɛn ovaflo lɛkɛ aw i bin de wantɛm wantɛm.

Rɛvɛleshɔn 12:14

Sɔmbɔdi bin gi di uman tu wiŋs, dat na da bɔd we dɛn kɔl igul, in big wan, in wiŋ dɛn, fɔ mek i flay go na di ples we de na di dɛzat, we dɛn bin dɔn kip fɔ am, dɛn go de mɛn am de fɔ tri ɛn af ia mek di dragɔn nɔ go ebul du am bad.

Apɔsul Dɛn Wok 16:36

So di gyad tɛl Pɔl se, “Di Roman bigman dɛn sɛn se mek a lɛf una so una kam na do ɛn mek Gɔd go wit una!”

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Apɔsul Dɛn Wok 7:19

Dis nyu kiŋ ya tek advantej pan wi pipul dɛn ɛn i mek wi pipul dɛn sɔfa bad. I fos wi grampapa papa dɛn fɔ trowe dɛn pikin na do, mek di pikin dɛn go day.

Matyu 10:23

Wɛn dɛn mek una sɔfa na wan tɔŋ, una fɔ rɔn go na di ɔda tɔŋ. A de tɛl una fɔ tru se, una nɔ go du ɔl di wok na di tɔŋ dɛn na Izrɛl dɔn bifo Mɔtalman Pikin go tɔn bak kam na wɔl.

Jɔshwa 3:17

We di Izrɛlayt dɛn bin de krɔs Riva Jɔdan we di wata bin dɔn dray, di man dɛn we de mek sakrifays fɔ pipul sin we bin tot PAPA GƆD in Ak ɔf di Kɔvinant, bin tinap na di dray grɔn insay Riva Jɔdan te ɔl di pipul dɛn krɔs dɔn.

Rɛvɛleshɔn 12:6

Di uman rɔnawe go na di dɛzat, na di say we Gɔd bin dɔn mek fɔ am, na de i go de fɔ wan tawzin, tu ɔndrɛd ɛn siksti de, ɛn pɔsin go de mɛn am.

Jɔshwa 4:10

Di man dɛn we de mek sakrifays fɔ pipul sin we tot di Ak ɔf di Kɔvinant tinap insay Riva Jɔdan te Jɔshwa dɔn tɛl di pipul dɛn wetin Mozis bin dɔn tɛl an se PAPA GƆD se fɔ tɛl dɛn. Di pipul dɛn krɔs kwik kwik.

Jɔshwa 3:13

I se as di man dɛn we de mek sakrifays fɔ pipul sin we de tot PAPA GƆD we na di PAPA GƆD fɔ ɔl di pipul dɛn na di wanol wɔl, in Ak ɔf di Kɔvinant, put dɛn fut insay Riva Jɔdan so, di wata go lɛf fɔ rɔn; di wata we de kɔmɔt ɔp say go jɔs tinap wan ples ay wan.

Rɛvɛleshɔn 12:4

I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.

Matyu 2:22

Bɔt wɛn Josɛf yɛri se na Akileɔs tek in papa Ɛrɔd ples fɔ rul na Judia, i fred fɔ go de. Gɔd mek enjɛl tɛl Josɛf na drim wetin i fɔ du, so Josɛf go na Galili,

1 Kiŋ 3:5

Na Gibiɔn i bin de wan nɛt we PAPA GƆD tɔk to am na drim se lɛ i aks am fɔ ɛnitin we i want, in go gi am.

Matyu 2:14

Josɛf grap, i tek di pikin ɛn in mama; dɛn kɔmɔt na di tɔŋ na nɛt go Ijipt.

Apɔsul Dɛn Wok 12:7

Wantɛm, di Masta in enjɛl bɔs kam insay di sɛl ɛn brayt brayt layt shayn ɔlsay na di sɛl. Di enjɛl shek Pita in sholda fɔ wek am. I se, “Pita, mekes grap!” Di chen dɛn pan Pita in an kɔt kɔmɔt.

1 Kiŋ 11:17

Bɔt da tɛm de Adad na bin smɔl bɔbɔ so i rɔnawe go Ijipt wit sɔm ɔfisa dɛn na Idɔm we bin de wok fɔ in papa.