Matyu 2:12 - Krio Fɔs Oli Baybul

¹² Gɔd wɔn di sɛnsman dɛn na drim mek dɛn nɔ tɔn bak go to Kiŋ Ɛrɔd, so dɛn pas ɔda say go bak na di ples we dɛn bin kɔmɔt.

Matyu 2:12 Referans Kwoze

Matyu 2:22

Bɔt wɛn Josɛf yɛri se na Akileɔs tek in papa Ɛrɔd ples fɔ rul na Judia, i fred fɔ go de. Gɔd mek enjɛl tɛl Josɛf na drim wetin i fɔ du, so Josɛf go na Galili,

Matyu 2:19

Afta Kiŋ Ɛrɔd day, Gɔd sɛn enjɛl na drim to Josɛf wɛn i bin de na Ijipt.

Matyu 2:13

Afta di sɛnsman dɛn dɔn go, Gɔd sɛn wan enjɛl na drim fɔ wɔn Josɛf. Di enjɛl se, “Kiŋ Ɛrɔd de fɛn di pikin fɔ kil am, so grap tek di pikin ɛn in mama, rɔn go Ijipt wantɛm, ɛn lib de sote a tɛl yu fɔ kɔmɔt de.”

Matyu 27:19

Wɛn Paylet sidɔm na di chia fɔ jɔj Jizɔs, Paylet in wɛf sɛn tɛl am se, “Nɔ gɛt natin fɔ du wit dis man we de waka tret, bikɔs las nɛt di drim we a drim bɔt am bin wɔri mi tumɔs.”

Matyu 1:20

Wɛn Josɛf bin de tink bɔt wetin i go du, nain Gɔd sɛn enjɛl kam to am na drim. Di enjɛl se, “Josɛf, yu we na Kiŋ Devid in grampikin pikin nɔ fred fɔ mared Meri, bikɔs na Gɔd in Spirit kam pan am we i gɛt bɛlɛ.

Ɛksodɔs 1:17

Bɔt Shifra ɛn Pua bin de fred PAPA GƆD ɛn dɛn nɔ kil di Ibru uman dɛn bɔypikin dɛn we na dat di kiŋ bin tɛl dɛn fɔ du.

Jɛnɛsis 31:24

PAPA GƆD apia to Leban na drim ɛn se, “Bikiaful aw yu de tɔk to Jekɔb.”

Di Ibru Pipul Dɛn 11:7

Na bikɔs Noa bin biliv Gɔd mek i lisin di tɛm we Gɔd wɔn am bɔt dɛn tin we go bi. Pan ɔl we i nɔ bin si di tin dɛn yet, Noa du wetin Gɔd tɛl am fɔ du. I mek wan big bot we in, in wɛf ɛn in pikin dɛn go insay, so di wata we bin kɔba di wɔl nɔ bin du dɛn natin. So di biliv we Noa biliv Gɔd dɔn pruv se di pipul dɛn na di wɔl bin de du bad we dɛn nɔ bin biliv Gɔd. Gɔd tek Noa fɔ bi tret pɔsin bikɔs Noa bin biliv am.

Apɔsul Dɛn Wok 5:29

Pita ɛn in kɔmpin dɛn ansa dɛn se, “Wi fɔ du wetin Gɔd tɛl wi fɔ du, wi nɔ gɛt fɔ du wetin mɔtalman tɛl wi fɔ du.

Apɔsul Dɛn Wok 4:19

Pita ɛn Jɔn aks dɛn se, “Una tɛl wi, wetin na di rayt tin we Gɔd want: wi fɔ gri fɔ du wetin mɔtalman want ɔ wi fɔ du wetin Gɔd want?

Daniɛl 2:19

Nain PAPA GƆD sho Daniɛl di mistri pan vishɔn na nɛt. So Daniɛl blɛs PAPA GƆD we de na ɛvin.

1 Kɔrint 3:19

Dis wɔl sɛns na nɔnsɛns to Gɔd. Dɛn rayt na Gɔd in Buk se, “Mɔtalman yon sɛns na di trap we Gɔd de tek kech am.”

Lyuk 2:26

ɛn i bin dɔn tɛl am se i nɔ go day sote i si di Mɛsaya we Gɔd we na wi Masta go sɛn.

Apɔsul Dɛn Wok 10:22

Dɛn ansa se, “Na Kapten Kɔnilyɔs, da bigman fɔ dɛn soja man dɛn na Itali, sɛn wi to yu. Na gud man we fred Gɔd ɛn ɔl di Ju pipul dɛn rɛspɛkt am bad. Gɔd bin sɛn enjɛl to Kɔnilyɔs fɔ mek i kɔl yu fɔ go nain os, mek i go yɛri wetin yu gɛt fɔ tɛl am.”

Di Ibru Pipul Dɛn 8:5

Di wok we dɛn bin de du bin jɛs tan lɛkɛ pikchɔ we de sho di wok we Jizɔs we na di edman we de mek sakrifays fɔ pipul sin, we wi gɛt, de du na ɛvin. Di Bafa na lɛkɛ pikchɔ we sho aw di ples, we Gɔd de, tan. Wɛn Mozis bin rɛdi fɔ bil di Bafa, dat na di ples we dɛn man we de mek sakrifays fɔ pipul sin bin de du dɛn wok, Gɔd tɛl am se, “Tek tɛm bil ɔltin jɛs lɛkɛ aw a bin sho yu wɛn yu bin de na Mawnt Saynay.”