Matyu 2:11 - Krio Fɔs Oli Baybul

¹¹ Di sɛnsman dɛn go insay di os, ɛn wɛn dɛn si di pikin ɛn in mama, Meri, dɛn nil dɔŋ bifo di pikin ɛn pre to am. Dɛn bin kɛr gold, frankinsɛns ɛn ma go gi am.

Matyu 2:11 Referans Kwoze

Ayzaya 60:6

Nɔto kɔmɔn kamɛl go ful yu land, yɔŋ kamɛl dɛn na Midian ɛn Ɛfa; ɔl dɛn wan dɛm na Shiba go kam. Dɛn go briŋ gold ɛn churay, ɛn dɛn go anawns PAPA GƆD in prez.

Di Sam Dɛm 72:10

Dɛn ɔda Kiŋ dɛn go kɔmɔt Spen, Shiba ɛn Sɛba ɛn briŋ prɛzɛnt fɔ am fɔ sho se dɛn gri fɔ am.

Lyuk 2:16

So dɛn waka kwik kwik go Bɛtliɛm. Dɛn mit Meri ɛn Josɛf ɛn dɛn si di lili pikin we ledɔm na di gras we dɛn put fɔ dɛn ship ɛn got.

Matyu 2:2

Dɛn bigin aks pipul se, “Usay da pikin we bɔn fɔ kam bi dɛn Ju pipul dɛn kiŋ, de? Wi dɔn si in sta na di ist ɛn wi kam fɔ pre to am.”

Di Sam Dɛm 95:6

Una kam, lɛ wi wɔship, lɛ wi nildɔŋ bifo PAPA GƆD bikɔs nain mek wi;

Di Sam Dɛm 72:15

Mek di Kiŋ gɛt lɔŋ layf! Mek di pipul na Shiba briŋ gold kam fɔ am. Mek di pipul de pre fɔ mek PAPA GƆD blɛs am ɔltɛm.

1 Kiŋ 10:2

I rich Jerusɛlɛm wit bɔku pipul dɛn, we go wit kamɛl dɛn. Di kamɛl dɛn tot lod wit ɔlkayn tiŋs lɛkɛ spays, gold ɛn miniral ston dɛn. I tɛl Sɔlɔmɔn ɔl wetin i bin mekɔp fɔ tɛl am.

Di Nɔmba Dɛm 7:14

I bin gi wan dish we dɛn mek wit gold ɛn we we bɔt sɔm fo awns

Rɛvɛleshɔn 19:10

Dɛn a fɔdɔm na di pɔsin, we de tɔk, in fut fɔ bigin prez am. Na de di pɔsin se, “Grap, nɔ du dat! Misɛf na Gɔd in savant lɛkɛ yu, ɛn misɛf na wan pan yu kɔmpin dɛn we bin biliv di tru wɔd we Jizɔs tɔk! Na Gɔd in fut yu fɔ fɔdɔm fɔ prez am!” Di tru wɔd we Jizɔs tɔk, nain dɛn prɔfɛt dɛnsɛf de tɔk.

Matyu 14:33

Di lanin bɔy dɛn we bin de insay di bot nil dɔŋ bifo Jizɔs ɛn se, “Fɔ tru, yu na Gɔd in Pikin!”

Rɛvɛleshɔn 5:8

As i tek am so, di fo tin dɛn we gɛt layf ɛn di twɛnti-fo bigman dɛn fɔdɔm bifo di Ship. Dɛn ɔl bin gɛt wan wan tin fɔ ple myuzik we dɛn kɔl ap, ɛn gold besin dɛn we insɛns ful insay; dɛn insɛns ya na dɛn pre we Gɔd in pipul dɛn de pre.

Lyuk 2:38

Insɛf kam na Gɔd in Os di sem tɛm we dɛn briŋ Jizɔs to Gɔd. I tɛl Gɔd tɛnki. I tɔk bɔt di Pikin to ɔl dɛn wan we bin de wet fɔ mek Gɔd fri di pipul dɛn na Jerusɛlɛm.

1 Samiɛl 10:27

Sɔm ɔda wan dɛn luk dawn ɔn Sɔl. Dɛn nɔ gi am prɛzɛnt sɛf bifo dat dɛn se, “Aw dis kayn man go fɛt fɔ wi?” Bɔt Sɔl nɔ se natin.

Di Nɔmba Dɛm 7:86

Di twɛlv dish we dɛn mek wit gold ɛn ful wit insɛns, ɔl bin we fo fo awns Ɔl ɛn ɔl di dish dɛn we dɛn mek wit gold we tri pawns

Lɛvitikɔs 6:15

I go gi wan an pan di fayn flawa we de wit di sid ɔfrin wit di ɔyl ɛn ɔl di insɛns we de pan di sid ɔfrin ɛn bɔn am as di tin we fɔ sho se in na PAPA GƆD yon na di ɔlta so dat i go pul fayn sɛnt we go mek PAPA GƆD gladi.

Ɛksodɔs 30:34

PAPA GƆD tɔk to Mozis. I se, “Tek ikwal mɛzhɔmɛnt ɔf dɛn spays ya we gɛt fayn sɛnt: stakte onika, galbanum, ɛn piɔ frankinsɛns.

Jɛnɛsis 43:11

Dɛn papa tɛl dɛn se if na so i gɛt fɔ bi, fayn. Bɔt lɛ dɛn tek sɔm fayn tin dɛn we dɛn gɛt go gi di gɔvna fɔ prɛzɛnt: lɛkɛ tin fɔ rɔb, ɔni, spays, pistashio ɛn almɔn.

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Di Sam Dɛm 45:8

Yu klos dɛn ɔl de smɛl swit wit pafyum dɛn we dɛn mek wit Ma, Alo ɛn Kasia; pipul we de na say we dɛkɔret wit ayvri de ple myuzik we de mek yu fil fayn.

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

1 Kiŋ 10:10

I gi Sɔlɔmɔn fo tawzin kilo gold, bɔku bɔku spays ɛn miniral ston dɛn. Wande nɔbɔdi nɔ kɛr bɔku spays lɛkɛ di wan we di kwin na Shiba gi kiŋ Sɔlɔmɔn.

Ɛksodɔs 30:23

“Tek di bɛst pan dɛn difrɛn spays ya. Mɛnshɔ siks kilo Ma, tri kilo Sinamɔn we gɛt fayn sɛnt, tri kilo balsam ken tik we insɛf gɛt fayn smɛl,

Sɔlɔmɔn In Siŋ Dɛm 3:6

Wetin dat de kɔmɔt na di dɛzat lɛk smok, lɛkɛ pila, pafyum ɛn frankinsɛns smɛl pan am, wit ɔl dɛn fayn sɛnt pawda we dɛn treda de sɛl.

Matyu 1:18

Ɔl wetin bi di tɛm we Jizɔs Krays bɔn nain a de kam tɛl una so: Josɛf bin dɔn put stɔp fɔ mared Meri we na Jizɔs in mama, bɔt bifo dɛn mared, Meri fɛnɔt se Gɔd in Spirit mek i gɛt bɛlɛ.

Matyu 12:46

Jizɔs bin stil de tɔk to di pipul dɛn, nain in mama ɛn in brɔda dɛn kam tinap na do, dɛn se dɛn want fɔ tɔk to Jizɔs.

Jɔn 19:39

Nikodimɔs insɛf bin fala Josɛf go fɔ Jizɔs in bɔdi. I bin kɛr spays we dɛn kɔl alos ɛn ma wɛn i de go. Di spays bin we bɔt wan ɔndrɛd pawn. (Na Nikodimɔs bin dɔn go to Jizɔs fɔs wan nɛt.)