Matyu 2:1 - Krio Fɔs Oli Baybul

¹ Jizɔs bin bɔn na wan tɔŋ we nem Bɛtliɛm we de na Judia. Ɛrɔd na bin kiŋ da tɛm de. I nɔ tu te afta i bɔn, sɔm sɛnsman dɛn we no bɔt sta, we kɔmɔt na di ist, kam na Jerusɛlɛm.

Matyu 2:1 Referans Kwoze

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Jɔn 7:42

Dɛn rayt na Gɔd in Buk se, di Mɛsaya go bi wan pan Kiŋ Devid in grampikin pikin dɛm ɛn na Bɛtliɛm, da tɔŋ we Kiŋ Devid bin de, i go bɔn.”

Lyuk 2:11

Tide na da tɔŋ we Devid bin bɔn, dɛn dɔn bɔn Wan Pikin we go sev una. Na di Mɛsaya we na wi Masta.

Ayzaya 11:10

Da de de, Jɛsi in rut go bi sayn to di neshɔn dɛn; naim di neshɔn dɛn go luk fɔ, ɛn ɔlman go kɔle pan di say dɛn we i go tap.

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Matyu 2:5

Dɛn ansa Kiŋ Ɛrɔd se, “Na Bɛtliɛm, da tɔŋ we de na Judia, i go bɔn. Bikɔs di prɔfɛt bin rayt se, Gɔd se,

Matyu 1:25

Bɔt Josɛf nɔ no Meri fɔ wɛf sote Meri dɔn bɔn di bɔy pikin. Josɛf kɔl di pikin, Jizɔs.

Lyuk 2:15

Wɛn di enjɛl dɛn go bak na ɛvin, nain dɛn shɛpad bigin tɔk to dɛn kɔmpin, dɛn se, “Una lɛ wi go Bɛtliɛm go si dis tin we dɔn bi, we Gɔd dɔn mek wi no bɔt.”

Lyuk 1:5

Da tɛm we Ɛrɔd na bin Kiŋ na Judia, wan man we bin de mek sakrifays fɔ pipul sin bin de. I bin nem Zakaraya; i bin de wok ɔnda Abija. In wɛf bin nem Ilizabɛt, i bin fambul to Erɔn.

1 Kiŋ 4:30

Sɔlɔmɔn bin gɛt sɛns pas di sɛnsman dɛn na di Ist ɛn di sɛnsman dɛn na Ijipt.

Jɛnɛsis 25:6

Bɔt i gi di ɔda uman dɛn pikin dɛnsɛf gud prɛzɛnt dɛn ɛn mek dɛn go tap na ɔda kɔntri so dat dɛn go kɔmɔt nia in bɔysɔn Ayzak. Di kɔntri we i sɛn dɛn go, de na di ist pat. I du ɔl dis bifo i day.

Matyu 2:19

Afta Kiŋ Ɛrɔd day, Gɔd sɛn enjɛl na drim to Josɛf wɛn i bin de na Ijipt.

Matyu 2:3

Wɛn Kiŋ Ɛrɔd yɛri dat, in at pwɛl, ɛn na semwe so ɔlman at pwɛl na Jerusɛlɛm.

Jɛnɛsis 10:30

Di say we dɛn bin tap bigin frɔm Mɛsha sote rich Sɛfa we de ɔp il na di ist pat na di kɔntri.

Job 1:3

I bin gɛt sɛvin tawzin ship, tri tawzin kamɛl, wan tawzin man kaw we i kin yuz fɔ wok na fam, ɛn fayv ɔndrɛd uman dɔŋki wit bɔku bɔku wokman dɛn, so dat nɔbɔdi nɔ bin de we tap na di ist, we jɛntri pas am.

Jɛnɛsis 41:8

We do klin i bin wɔri, so i sɛn kɔl ɔl in majikman ɛn sɛnsman dɛn we de na Ijipt. I tɛl dɛn in drim, bɔt nɔn pan dɛn nɔ bin ebul fɔ intaprit dɛn.

Di Jɔj Dɛm 17:7

So, wan yɔŋ man bin tap na Bɛtliɛm we de na Juda. I kɔmɔt na di Juda fambul ɛn na bin Livayt.

Matyu 2:7

So Kiŋ Ɛrɔd sɛn kɔl di sɛnsman dɛn we kɔmɔt na di ist na wan sikrit mitin, ɛn aks dɛn fɔ tɛl am di tɛm we dɛn bin si di sta. So dɛn tɛl am di tɛm.

Matyu 2:16

Kiŋ Ɛrɔd bin vɛks bad wan wɛn i no se di trenja dɛn we bin kɔmɔt na di ist mek am ful. I pas lɔ se, dɛn fɔ kil ɔl dɛn bɔy pikin we de na Bɛtliɛm ɛn di tɔŋ dɛn we de rawnd Bɛtliɛm. I se dɛn fɔ kil frɔm di wan dɛn we bin dɔn ol tu ia kam dɔŋ to di wan dɛn we bin jɛs bɔn. Di kiŋ du dat fɔseka di wɔd we di trenja dɛn we bin kɔmɔt na di ist tɛl am bɔt Jizɔs, di tɛm we dɛn bin si di sta.

1 Kronikuls 2:51

Salma we na Bɛtliɛm in papa, ɛn Araf we na Bɛtgada in papa.