Matyu 19:9 - Krio Fɔs Oli Baybul

⁹ A de tɛl una se: ɛni wan we pat wit in wɛf fɔ ɛni rizin pas we i nɔ tru to am, dɔn i mared ɔda uman, i dɔn brok di lɔ we tɔk bɔt mared.”

Matyu 19:9 Referans Kwoze

Matyu 5:32

If man pat wit in wɛf fɔ ɛni ɔda tin pas if di wɛf nɔ tru to am, i dɔn mek di uman brok di mared lɔ if di uman go mared to ɔda man, ɛn dat na sin; ɛn di man we di uman mared insɛf dɔn brok di mared lɔ.

Lyuk 16:18

“Ɛni man we dɔn kɛr in wɛf go kot ɛn pat wit am dɛn i go mared ɔda uman, dɔn sin lɛkɛ man we go gɛt ɔda uman pan ɔl we in ɛn in wɛf de na os; ɛn ɛni man we go mared uman we in ɛn in man dɔn go kot ɛn pat, dɔn sin lɛkɛ man we go gɛt ɔda uman pan ɔl we in ɛn in wɛf nɔ pat.

1 Kɔrint 7:39

Uman we dɔn mared nɔ fri fɔ mared if in man nɔ day yet, bɔt if in man dɔn day, i fri fɔ mared to ɛni man we i want, bɔt da man de fɔ bi Kristiɛn.

1 Kɔrint 5:1

Pipul dɔn bigin de tɔk sɛf se di layf we dɛn man ɛn dɛn uman na una chɔch liv, so bad dat dɛn wan we nɔ no Gɔd sɛf nɔ liv da layf de; a yɛri se wan man ɛn in stɛpmama de.

Jɛrimaya 3:8

I bin si se, fɔ ɔl di adɔltri we dawande, we na Izrɛl we nɔ gɛt feth, bin kɔmit, a bin dɔn dayvɔs am; pan ɔl dat, da in fɔls sista nɔ bin fred, insɛf go mek insɛf rare gyal.

Jɛnɛsis 20:3

Wan nɛt PAPA GƆD apia to Abimɛlɛk na drim. I se, “Abimɛlɛk, bikɔs na pipul wɛf yu dɔn tek yu go day.”

Izikɛl 16:29

Una bin ad mɔ ɛn mɔ pan una rare layf we una bin rare to di pipul dɛn na Chaldia, we dɛn de du tredin; pan ɔl dat una nɔ bin satisfay.

Izikɛl 16:15

“Bɔt una bin biliv pan una fayn we una fayn, ɛn biev lɛk rare gyal fɔseka di femɔs we una bin femɔs, ɛn sɛl unasɛf to ɛnibɔdi we bin de pas.

Jɛrimaya 3:1

PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

1 Kɔrint 7:4

Wɛf nɔ gɛt rayt pan in yon bɔdi, nain man gɛt rayt pan in bɔdi; man nɔ gɛt rayt pan in yon bɔdi, na di wɛf gɛt rayt pan in man bɔdi.

Izikɛl 16:8

“Wɛn a bin pas nia una ɔda tɛm, ɛn luk una, a si se una dɔn du fɔ mek lɔv, so a kɔba una wit mi skat ɛn kɔba una nekɛdnɛs; yɛs, a bin prɔmis fɔ mared una ɛn a mek Kɔvinant wit una, ɛn una kam blant mi, na so Papa Gɔd we na Gɔd se.

2 Kronikuls 21:11

Pantap dat, i mek ay ples dɛn na di il kɔntri we de na Juda, ɛn mek di pipul dɛn we tap na Jerusɛlɛm, nɔ waka tret wit PAPA GƆD, we mek Juda nɔ waka na PAPA GƆD in rod igen.

Matyu 19:8

Jizɔs ansa dɛn se, “Na bikɔs una at traŋa, mek Mozis bin gi una da lɔ de we se man kin pat wit in wɛf, bɔt nɔto so i bin de bi fɔs fɔs tɛm wɛn Gɔd jɛs mek man ɛn uman.

Matyu 19:10

Jizɔs in lanin bɔy dɛn se, “Wɛl, if na so mared tan, i go bɛtɛ nɔ fɔ mared.”