Matyu 19:7 - Krio Fɔs Oli Baybul

⁷ Di Faresi dɛn aks am se, “Wɛl, wetin mek Mozis bin gi wi lɔ we alaw man fɔ gi in wɛf pepa we i want pat wit am?”

Matyu 19:7 Referans Kwoze

Matyu 5:31

“Dɛn bin tɔk igen se, ‘Ɛni man we pat wit in wɛf, i fɔ rayt pepa gi di uman fɔ sho se dɛn tu dɔn pat.’

Mak 10:4

Dɛn se, “Mozis bin alaw man fɔ rayt pepa gi in wɛf fɔ sho se i want pat wit am.”

Malakay 2:16

PAPA GƆD we na Izrɛl dɛn PAPA GƆD se in et dayvɔs. PAPA GƆD Ɔlmayti se dat tan lɛk we yu de wɛr yu kɔmpin in klos bay fos. So dɛn fɔ tek tɛm ɛn nɔ de ple wayo.

Matyu 1:19

Josɛf na bin man we de waka tret, ɛn i nɔ bin want mek ɔlman no wetin bi to Meri, bikɔs Meri bin go shem. So i mekɔp fɔ lɛf Meri, saful.

Jɛrimaya 3:8

I bin si se, fɔ ɔl di adɔltri we dawande, we na Izrɛl we nɔ gɛt feth, bin kɔmit, a bin dɔn dayvɔs am; pan ɔl dat, da in fɔls sista nɔ bin fred, insɛf go mek insɛf rare gyal.

Ayzaya 50:1

Na dis PAPA GƆD se; “We yu mama in dayvɔs pepa, we a tek dayvɔs am? Ɔ uswan pan di wan dɛn we a o, we a sɛl una gi? No se, na fɔ yu sin dɛn mek dɛn sɛl yu ɛn na fɔ di bad bad tin dɛn we yu de du, mek a drɛb yu mami.

Matyu 19:6

So dɛn nɔto tu pipul igen, dɛn tu dɔn de lɛkɛ wan pɔsin. Mek nɔbɔdi nɔ pat man ɛn uman we Gɔd dɔn jɔyn lɛkɛ wan pɔsin.”

Matyu 19:8

Jizɔs ansa dɛn se, “Na bikɔs una at traŋa, mek Mozis bin gi una da lɔ de we se man kin pat wit in wɛf, bɔt nɔto so i bin de bi fɔs fɔs tɛm wɛn Gɔd jɛs mek man ɛn uman.