Matyu 19:6 - Krio Fɔs Oli Baybul

⁶ So dɛn nɔto tu pipul igen, dɛn tu dɔn de lɛkɛ wan pɔsin. Mek nɔbɔdi nɔ pat man ɛn uman we Gɔd dɔn jɔyn lɛkɛ wan pɔsin.”

Matyu 19:6 Referans Kwoze

Mak 10:9

So mek pɔsin nɔ pat man ɛn uman we Gɔd dɔn jɔyn lɛkɛ wan pɔsin.”

Di Ibru Pipul Dɛn 13:4

Mek ɔlman rɛspɛkt mared layf, di man we mared nɔ fɔ gɛt ɔda uman ɛn di wɛf nɔ fɔ gɛt ɔda man. Una mɛmba se Gɔd go jɔj dɛn wan we liv fri layf, ɛn i go jɔj ɛni mared uman we kip ɔda man ɛn ɛni mared man we kip ɔda uman.

Lɛta Fɔ Rom 7:2

A go gi una wan ɛgzampul: Di lɔ se mare du man fɔ de wit in man te in man day; bɔt if in man day, di lɔ se da tɛm de di uman dɔn fri.

Lɛta Fɔ Ɛfisɔs 5:28

Man fɔ lɛk in wɛf lɛkɛ aw i lɛk in yon bɔdi. Di man we lɛk in wɛf, lɛk insɛf.

Malakay 2:14

Dɛn kin aks wetindu. Bɔt na bikɔs na frɔnt PAPA GƆD dɛn ɛn di uman dɛn we dɛn bin mared we dɛn yɔŋ bin tek vaw, dɔn naw dɛn nɔ bisin bɔt am igen pan ɔl we nain na dɛn mared wɛf ɛn dɛn bin dɔn go tek vaw.

Prɔvabs 2:17

afta we i dɔn lɛf in man ɛn fɔgɛt se in bin dɔn mek vaw to PAPA GƆD.

Malakay 2:16

PAPA GƆD we na Izrɛl dɛn PAPA GƆD se in et dayvɔs. PAPA GƆD Ɔlmayti se dat tan lɛk we yu de wɛr yu kɔmpin in klos bay fos. So dɛn fɔ tek tɛm ɛn nɔ de ple wayo.

Matyu 19:5

Ɛn Gɔd se, ‘Na dat mek man go lɛf in papa ɛn mama, so dat in ɛn in wɛf go de wan ples, ɛn dɛn tu go de lɛkɛ se dɛn na wan pɔsin.’

Matyu 19:7

Di Faresi dɛn aks am se, “Wɛl, wetin mek Mozis bin gi wi lɔ we alaw man fɔ gi in wɛf pepa we i want pat wit am?”