Matyu 18:5 - Krio Fɔs Oli Baybul

⁵ Ɛnibɔdi we gladi fɔ tek pikin lɛkɛ dis, fɔseka mi, na mi di pɔsin gladi fɔ tek.

Matyu 18:5 Referans Kwoze

Matyu 25:40

Di Kiŋ go se, ‘Ɛnitɛm we una bin du dɛn tin ya fɔ ɛni wan pan dɛn pipul ya we pipul nɔ tek mek natin, we tan lɛkɛ brɔda to mi, na fɔ mi una bin du dɛn.’

Lɛta Fɔ Galeshya 4:14

We a bin sik bad, dat bin mek tin traŋa fɔ una, bɔt dat nɔ mek una du lɛkɛ se una nɔ no mi. Una bin tek mi lɛkɛ aw una go tek Gɔd in mɛsenja, ɔ Jizɔs Krays insɛf.

Jɔn 13:20

A de tɛl una se, ɛnibɔdi we gri fɔ mek pɔsin we a sɛn, kam nain layf, dɔn gri fɔ mek misɛf kam nain layf; ɛn ɛnibɔdi we gri fɔ mek a kam nain layf, dɔn gri fɔ mek di wan we sɛn mi, kam nain layf.”

Mak 9:37

“Ɛnibɔdi we tɛl pikin lɛkɛ dis fɔ kam nain os fɔseka mi, na mi di pɔsin tɛl fɔ kam nain os; nɔto mi nɔmɔ di pɔsin tɛl fɔ kam nain os, i tɛl di wan we sɛn mi, insɛf fɔ kam nain os.”

Lyuk 9:48

I tɛl in lanin bɔy dɛn se, “Ɛnibɔdi we tɛl lili pikin lɛkɛ dis wan ya fɔ kam nain os fɔseka mi, na mi da pɔsin de dɔn tɛl fɔ kam nain os; ɛnibɔdi we tɛl mi fɔ kam nain os, dɔn tɛl di Wan we sɛn mi fɔ kam nain os. Di pɔsin we una nɔ tek bɛtɛ yay luk, nain go bi impɔtant pas una ɔl.”

Mak 9:41

A de tɛl una fɔ tru se, if ɛnibɔdi gi una wan kɔp wata fɔ drink bikɔs una na mi lanin bɔy dɛn, di pɔsin go gɛt di pe fɔ dat.

Matyu 25:45

Di Kiŋ go tɛl dɛn se, ‘Ɛnitɛm we una nɔ bin gri fɔ ɛp ɛni wan pan dɛn pipul we pipul nɔ tek mek natin, we tan lɛkɛ brɔda to mi, na mi una nɔ bin gri fɔ ɛp.’”

Matyu 7:8

Ɛnibɔdi we aks, go gɛt wetin i want; ɛnibɔdi we luk gud, go gɛt wetin i de luk fɔ; ɛn ɛnibɔdi we kɔnk, Gɔd go opin di do fɔ am.

Matyu 18:4

Di pɔsin we go put in yay dɔŋ ɛn tan lɛkɛ dis pikin, na da pɔsin de go bi impɔtant pas ɔl di wan dɛn we Gɔd de rul.

Matyu 18:6

“Ɛnibɔdi we mek wan pan dɛn lili pikin lɛkɛ dis we biliv pan mi, sin, i go bɛtɛ fɔ da pɔsin de if dɛn ɛŋ big ston nain nɛk, ɛn ib am na dip wata.