Matyu 17:3 - Krio Fɔs Oli Baybul

³ Di tri lanin bɔy dɛn si Mozis ɛn Ilayja de tɔk wit Jizɔs.

Matyu 17:3 Referans Kwoze

Lyuk 24:44

Jizɔs tɛl dɛn se, “Wɛn a bin de wit una, a bin dɔn tɛl una se ɔltin we Mozis ɛn dɛn prɔfɛt bin rayt ɛn ɔl wetin dɛn rayt na di Sambuk bɔt mi, mɔs bi.”

Mak 9:4

Dɛn di tri lanin bɔy dɛn si Ilayja ɛn Mozis de tɔk wit Jizɔs.

Malakay 4:5

I se, in go sɛn prɔfɛt lɛk Ilayja to dɛn bifo di de we dɛn nɔ go lɛk kam.

Lyuk 24:27

Jizɔs bigin wit Mozis ɛn dɛn ɔda prɔfɛt ɛn ɛksplen ɔl wetin dɛn rayt na Gɔd in Buk bɔt am.

Lyuk 16:16

“Pipul bin de tɔk bɔt di Lɔ we Gɔd gi Mozis ɛn wetin dɛn prɔfɛt bin rayt sote di tɛm we Jɔn we bin de baptayz pipul, kam. Frɔm da tɛm de te naw dɛn de tɔk di Gud Nyuz bɔt Gɔd in rul ɛn ɔlman de fɛt fɔ go insay di ples we Gɔd de rul.

Lyuk 9:33

Wɛn Mozis ɛn Ilayja want lɛf Jizɔs go, nain Pita se, “Masta, i gud we wi de na ya. Lɛ wi bil tri bafa na ya; wan fɔ yu, wan fɔ Mozis ɛn wan fɔ Ilayja.” Bɔt Pita nɔ bin tink bɔt wetin i de tɔk.

Lyuk 1:17

I go gɛt Gɔd in Spirit ɛn pawa lɛkɛ Ilayja, da prɔfɛt we bin de lɔntɛm. I go waka na di rod we Gɔd sho am ɛn yus in pawa fɔ mek dɛn dadi lɛk dɛn pikin; ɛn fɔ mek dɛn pipul we nɔ de du wetin Gɔd want bigin mɛmba Gɔd ɛn du wetin i want; i go mek di Masta in pipul dɛn rɛdi fɔ am.”

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

Ditarɔnɔmi 34:10

Wande Izrɛl nɔ gɛt prɔfɛt we tan lɛkɛ Mozis, we PAPA GƆD de tɔk to fes to fes,

Ditarɔnɔmi 18:18

Mozis tɛl di Izrɛlayt dɛn se PAPA GƆD se in go mek wan pan dɛn bi prɔfɛt fɔ de tɛl dɛn wetin in se, ɛn na wetin in tɛl am fɔ tɔk i go tɔk,

Jɔn 1:17

Gɔd mek Mozis gi wi di Lɔ, bɔt i mek Jizɔs Krays sho wi aw i lɛk wi ɛn tɛl wi ɔl di tru tin dɛn bɔt insɛf.

Matyu 17:2

Aw dɛn de luk, nain Jizɔs chenj na dɛn yay, in fes bigin shayn lɛkɛ di san, ɛn in klos bin wayt lɛkɛ brayt layt.

Matyu 17:4

So Pita bigin tɔk to Jizɔs, i se, “Masta, i gud we wi de na ya! If yu lɛk, a go bil tri bafa na ya, wan fɔ yu, wan fɔ Mozis ɛn wan fɔ Ilayja.”