Matyu 16:6 - Krio Fɔs Oli Baybul

⁶ Jizɔs tɔk to dɛn, i se, “Una tek tɛm wit di yist we di Faresi dɛn ɛn di Sadyusi dɛn de yus.”

Matyu 16:6 Referans Kwoze

Lyuk 12:1

Di pipul dɛn we bin gɛda bin plɛnti te nɔbɔdi nɔ ebul kɔnt dɛn, dɛn bin so plɛnti dat dɛn bin de mas mas dɛn kɔmpin, ples nɔ bin de fɔ put fut. Jizɔs tɔk to in lanin bɔy dɛn, i se, “Una tek tɛm mek unasɛf nɔ go ipokrit lɛkɛ dɛn Faresi; di ipokrit we dɛn ipokrit tan lɛkɛ aw yist kin prɛd insay flawa.

Lɛta Fɔ Galeshya 5:9

Pipul kin pul wan parebul we se, “Na lili yist nɔmɔ pɔsin de tek mek big bred.”

Mak 8:15

Wɛn dɛn de go, Jizɔs wɔn dɛn. I se, “Una tek tɛm wit di yist we di Faresi dɛn ɛn Ɛrɔd de yus.”

Matyu 16:12

Da tɛm de in lanin bɔy dɛn ɔndastand se, Jizɔs nɔ bin de wɔn dɛn fɔ tek tɛm wit di yist we dɛn de put pan bred, bɔt i bin min se dɛn fɔ tek tɛm wit wetin di Faresi ɛn di Sadyusi dɛn de lan pipul.

Lɛvitikɔs 2:11

Nɔ fɔ gi PAPA GƆD ɛni sid ɔfrin we gɛt yist pan am, ɛn nɔ fɔ bɔn ɛni yist ɔ ɔni as sakrifays we fɔ bɔn to PAPA GƆD.

Lyuk 12:15

Jizɔs tɔn to ɔl di pipul dɛn ɛn se, “A de wɔn una, una nɔ put at pan jɛntri. Nɔto di plɛnti tin dɛn we pɔsin gɛt go mek di pɔsin gɛt di tru layf.”

Matyu 3:7

Jɔn si se plɛnti Faresi ɛn Sadyusi dɛn bin de kam to am fɔ mek i baptayz dɛn, so i bigin tɔk pan dɛn. I se, “Una dɛn snek ya, una min se we dɛn baptayz una dat go mek Gɔd nɔ pɔnish una fɔ di sin we una dɔn sin?

Matyu 16:1

Sɔm Faresi ɛn sɔm Sadyusi dɛn bin kam fɔ tray Jizɔs, so dɛn aks am fɔ du wɔndaful wok we go sho se in na di Mɛsaya.

Matyu 16:5

Jizɔs ɛn in lanin bɔy dɛn tek bot krɔs oba Lek Galili go na di ɔda sho, bɔt di lanin bɔy dɛn fɔgɛt fɔ kɛr bred wɛn dɛn de go.

Matyu 16:7

Di lanin bɔy dɛn bigin tɔk to dɛn kɔmpin se, “I tɔk dat bikɔs wi nɔ briŋ bred kam.”

Matyu 16:11

Wetin mek una nɔ ɔndastand se nɔto bɔt bred a bin de tɔk? A bin de tɛl una se, una fɔ tek tɛm wit di yist we di Faresi ɛn di Sadyusi dɛn de yus.”

Jɔn 4:33

Di lanin bɔy dɛn wɔnda, so dɛn bin bigin tɔk to dɛn kɔmpin, dɛn se, “Tinkya, pɔsin dɔn briŋ it fɔ am?”