Matyu 15:8 - Krio Fɔs Oli Baybul

⁸ ‘Gɔd se, dɛn pipul ya de rɛspɛkt mi wit dɛn mɔt, bɔt dɛn nɔ want du wetin a tɛl dɛn fɔ du, bikɔs dɛn at nɔ de fɔ mi.

Matyu 15:8 Referans Kwoze

Ayzaya 29:13

Ɛn PAPA GƆD se: “Bikɔs dɛn pipul ya kam nia mi wit dɛn mɔt ɛn ɔna mi wit dɛn lip, we dɛn at nɔ de to mi, ɛn di fred we dɛn de fred mi, na mɔtalman lɔ we dɛn kram;

Izikɛl 33:31

Ɛn dɛn kam to yu lɛk aw pipul dɛn kin kam, ɛn dɛn sidɔm bifo yu lɛk mi yon pipul, ɛn dɛn yɛri wetin yu se bɔt dɛn nɔ go du am; fɔ dɛn de sho bɔku lɔv wit dɛn mɔt bɔt dɛn at fasin pan dɛn prɔfit.

Apɔsul Dɛn Wok 8:21

Yu nɔto wan pan wi ɛn Gɔd si se yu at nɔ de fɔ am.

Pita In Fɔs Lɛta 3:10

Dɛn rayt na Gɔd in Buk se, “Ɛnibɔdi we want mek in layf swit ɛn mek bɛtɛ fala am bambay fɔ lɛf fɔ de tɔk bad bɔt in kɔmpin ɛn i nɔ fɔ de lay.

Prɔvabs 23:26

Mi pikin, pe atɛnshɔn to wetin a de tɛl yu, tray fɔ de fala mi ɛgzampul.

Di Ibru Pipul Dɛn 3:12

Mi Kristiɛn brɔda dɛn, una fɔ tek tɛm, so dat nɔn pan una nɔ go gɛt bad at ɛn so nɔ biliv pan Gɔd dat i go tɔn in bak pan Gɔd we gɛt layf sote go.

Jɛrimaya 12:2

Yu plant dɛn, ɛn dɛn pul rut ɔnda grɔn, dɛn gro ɛn bia frut, yu de nia dɛn mɔt ɛn fawe frɔm dɛn at.

Jɔn 1:47

Wɛn Jizɔs si Natanyɛl de kam, i se, “Luk man we kɔmɔt Izrɛl fɔ tru, i nɔ gɛt nɔ bɛnbɛn, i nɔ de mek pɔsin ful.”

Matyu 15:7

Una na ipokrit! Na tru da prɔfɛt we nem Ayzaya bin tɔk bɔt una we i se,

Mak 7:6

Jizɔs ansa se, “Na tru da lɔntɛm prɔfɛt we nem Ayzaya bin tɔk bɔt una wɛn i rayt se, ‘Gɔd se, dɛn pipul ya rɛspɛkt mi wit dɛn mɔt, bɔt dɛn nɔ want du wetin a tɛl dɛn fɔ du, bikɔs dɛn at nɔ de fɔ mi.

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.