Matyu 15:4 - Krio Fɔs Oli Baybul

⁴ Gɔd se, ‘Rɛspɛkt yu papa ɛn mama,’ ɛn ‘Ɛnibɔdi we tɔk bad bɔt in papa ɔ in mama, dɛn fɔ kil am.’

Matyu 15:4 Referans Kwoze

Ɛksodɔs 20:12

“Una fɔ rɛspɛkt una papa ɛn una mama fɔ lɛ una go gɛt lɔŋ layf na di land we PAPA GƆD we una PAPA GƆD go gi una.

Lɛvitikɔs 20:9

I se if man tɔk bad bɔt in mama ɛn papa, dɛn fɔ kil am; nain tɔk bad bɔt in mama ɛn papa, so, nain fɔ day.

Ɛksodɔs 21:17

“Ɛnibɔdi we molɛs in mami ɔ dadi fɔ day.

Ditarɔnɔmi 5:16

Izrɛl dɛn fɔ rɛspɛkt dɛn papa ɛn dɛn mama bikɔs na so PAPA GƆD se, lɛ dɛn go gɛt lɔŋ layf ɛn ɛnjɔy dɛnsɛf na di land we PAPA GƆD we na dɛn PAPA GƆD dɔn gi dɛn.

Prɔvabs 23:22

Lisin to yu papa we bɔn yu ɛn nɔ fɔgɛt fɔ mɛn yu mama we i ol.

Lɛvitikɔs 19:3

I se ich wan pan dɛn fɔ rɛspɛkt in mama ɛn papa, du wetin in we na PAPA GƆD se fɔ du di de we mek sɛvin we na fɔ blo bikɔs nain na PAPA GƆD we na dɛn GƆD.

Matyu 19:19

yu fɔ rɛspɛkt yu papa ɛn mama; yu fɔ lɛk yu kɔmpin lɛkɛ aw yu lɛk yusɛf.”

Lɛta Fɔ Ɛfisɔs 6:1

Una we na pikin, una fɔ de du wetin di wan dɛn we bɔn una tɛl una fɔ du; na di rayt tin dat we Kristiɛn fɔ du.

Prɔvabs 20:20

If ɛnibɔdi fityay in mami ɔ dadi, in lamp go ɔt bifo do klin.

Ditarɔnɔmi 27:16

“ ‘Ɛni pikin we go du ɛnitin we go mek in mami ɛn dadi shem na pɔblik, lɛ PAPA GƆD mek bad bad tin mit am.’ ‘Dɔn ɔlman fɔ ansa, Emɛn!’

Lɛta Fɔ Rom 3:31

Dat min se, bikɔs wi biliv pan Jizɔs Krays, di Lɔ nɔ min natin fɔ wi igen? Wi nɔ go put di Lɔ wansay. Di biliv we wi biliv pan Jizɔs Krays sho se di Lɔ min sɔntin.

Prɔvabs 30:17

Ɛnibɔdi we nɔ rɛspɛkt in papa, dɔn i nɔ luk in mama, na bɔd dɛn go it in dedebɔdi, na yuba bɛlɛ go tɔn in bɛriŋrɔn.

Matyu 4:10

Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Ayzaya 8:20

Fɔ di wan dɛn we dɔn yɛri mi tichin ɛn mi mɛsej fɔ no wetin fɔ du! Fɔ tru, di wan dɛn we de tink fɔ tɔk to dayman, nɔ go si do klin.

Matyu 15:3

Jizɔs aks dɛn bak se, “Wetin du una nɔ de du wetin Gɔd tɛl una, bɔt una de du wetin una granpapa-papa dɛn tɛl una?

Matyu 15:5

Bɔt una se, if pɔsin gɛt tin fɔ gi in papa ɔ in mama fɔ ɛp dɛn, bɔt i se, ‘A dɔn prɔmis fɔ gi Gɔd dis tin ya,’